لا عاش قلبٍ جِزع أو إرتاع من جَرحك.

Part 1

* بعض الأحيان نظلم أشخاص بدون ما ندري..

بس هل المظلوم دائماً يسكت عن حقه !

أو إنه يتخذ طُرق ملتوية عشان يرجع حقه؟

*و بالضبط في ذيك الليلة الكئيبة، و تحت سماعة الجوال ..*

جاد بضيق : ريان والله حرام عليك !

ريان معصب وبصوت عالي : ايوه حرام علي انا ،بس هم مو حرام عليهم!!

جاد يتنهد : ما أقصد كذا ي غبي، و بعدين لا تعصب ماقلت لك شي انا ! كل اللي قلته عشان مصلحتك و عشاني خايف عليك.

ريان يتأفف: والله تخلون الواحد يكره حياته

جاد يحاول يطبطب عليه بالحكي: اهدى خلاص و ما يصير خاطرك الا طيب، اللي تبغاه بيصير ان شاء الله

ريان: متى ؟

جاد : لا تستعجل أنت نام الحين و انا بكرا أكلم أمي و أخليها تنقلك للمدرسة إللي تبيها

ريان هدأ شوي : تمام.

جاد بحزن : بشتاق لك

* ريان قفل الخط بوجهه و رمى الجوال ع السرير*

ما يبي يسمع كلام يخليه يتراجع عن الفكرة اللي براسه حتى لو كانت خطأ، ما يبي آي مخلوق بهالحياة يردعه عن نيته الشينة..

*وقف متجه لشباك غرفته ، يبعد أذيال الستارة عن واجهه الشارع، و يتأمله بسكينة قبل ما يترك أطراف الستارة تنطوي فوق حيرته و تردده. و يراجع أفكاره و يفكر زين باللي يقدم عليه و يسأل نفسه ألف مره هل بيندم على اللي بيسويه ؟.

أخذ نفس عميق و رجع مرة ثانية لسريره يتلحف بغطى الذكريات و يردد أذكاره بهمس لين غط بالنوم.*

- أنا تومبوي اسمي ريان, إبتلاني ربي بمصايب "تِهد الحيل"، بدايةً عشت بحياتي معزز و مكرم بين أهلي. و أمي الغالية الحنونة ما جابت لي إخوان لمشاكل صحية كانت تعاني منها بعد ولادتي مباشرةً فـ أمرها الدكتور إن تنتظر لسنوات طويلة اذا كانت تنوي تنجب مولودها الثاني. و أبوي التاجر الكبير المعروف بتواضعه و كَرمه قادته الأقدار لأعظم خيانة من إخوانه -أعمامي- بسبب طيبة قلبه. أعمامي إستغلوه لمصالحهم الشخصية ومع الوقت شفطوا أعمامي نص أملاكه بالحيلة و الخديعة بعد ما رفعوا عليه مليون قضية و قضية..

أبوي من صدمته فيهم جاته جلطة سببت له بـ شلل نصفي، وما عاد للأسف بيدينا اي حيلة. تراكمت علينا الديون و إنجبرنا نبيع باقي أملاك أبوي عشان نسددها وما بقى لنا منها الا بيتنا اللي شَهد كل هالأحداث بـ مآسيها.