Destiny

One

Sofia's P.O.V:

*kring* *kring*

Binitawan ko muna ang kung anong bagay na ginagawa ko at binigyang pansin ang tumutunog kong telepono na ngayon ay nakapatong sa may gilid ko dito sa counter.

Bumuntong hininga muna ako ng malalim bago ko napag isipang sagutin ang kung sinong natawag.

"Besssyyyyy!!!" Muntikan ko ng mabitawan ang aking telepono dahil sa nakakairitang pambungad na bati ng nasa kabilang linya.

"Ahmmmm.. Hello" tugon ko habang kinakalikot ko ang mga daliri ko.

"Uy diba pupunta kami dyan mamaya?" Sabi pa ng isang nakakairitang boses. Nakakainis lang kasi dahil pakanta niya pang sinabi iyon eh hindi naman siya marunong kumanta. Masyadong pilit.

"Ah? Anong meron?"

"Pupunta kami dyan ka--" hindi niya na natuloy ang sasabihn niya dahil pinutol na siya.

"Just say if we can go there or not? Parang you don't want us to be there e? Tama ba?" Tanong niya. Alam ko, ramdam ko na umiirap siya habang sinasabi ang mga katagang iyon. Kahit hindi ko naman siya nakikita ngayon ay ramdam ko na madalas niya gawin yun ng palihim hindi lang ngayon maraming beses na ngunit hindi niya lang alam.

"Hindi naman sa ganun. Ano bang gagawin niyo dito? Medyo busy rin kasi ako e" Sabi ko habang nagmamasid masid sa paligid.

"You'll gonna treat us diba? You just said it to us yesterday" sabi nung boses palaka.

"Wait! kasi med-" 'Di na nila ako pinatapos na magsalita may dinugtong na kaagad sila.

"No wait wait! Bye Gonna go, wait us in a minute" pagkatapos ay in-end na niya ang tawag. Narinig ko pang hindi ata sasang-ayon ang isa kong kaibigan ngunit pinagbawalan na ito ng isa kaya in-end na niya kaagad.

Binaba ko na ang aking telepono at kasabay naman nun ang pagtunog ng bell na nakasabit sa may pinto kapag may customer na papasok.

*ting*

Napatingin ako sa may pinto dahil nga tumunog ang bell na hudyat na may pumasok.

Iisa lang ang pumasok at iyon ay ang babaeng parang araw-araw Friday the 13th dahil sa expression ng mukha niya. Nakapoker face kasi ito. Lumapit siya sa may counter na hindi man lang nagbago ang expression ng mukha niya.

Napatitig ako sa mukha niya. She's the kind of nerdy girl but napakataray na hindi mo magagawang i-bully. Ngumiti ako sakanya ngunit wala man lang akong natanggap na tugon.

"Coffee and Blueberry Cheesecake" malamig na pagkakasabi nito.

Binayaran niya lang ang in-order niya atsaka naupo siya sa may isang table na bakante sa medyo dulo nitong Caffè.

Napailing nalang ako atsaka sinabi ko ang kung anong order ng babae. Hindi niya ako binati at 'di man lang ako kinausap? Maybe that's her, masyadong cold.

Wala pang 5 minuto mula ng makaupo ang babae ay narinig ko kaagad ang sunod sunod na tunog ng bell... at hindi nga ako nagkamali ng hinala.

"Besssyyyyy!" Sabay sabay na sigaw ng mga kaibigan ko.

Kaibigan nga bang maituturing?

----------

Zhreina's P.O.V:

Kasalukuyan akong nagbabasa ng libro ng merong magsalita. Tsk. Kung kailan malapit na ako sa katapusan ay nang iistorbo naman itong isang 'to.

Binaba ko ng kaunti ang libro at walang kabuhay-buhay na Sumilip nalang ako sa kung sinong tao ang nagsalita roon.