هلو حبايب قلبي وهاي بارتين لعيونكم احداث تجنن عبالكم انهيها مثل كل القصص لا بعد ❤😍
***********************************
جانت هند متفقه ويه واحد تعرفه قبل انو يقتل ساره حته تنتقم منها لان فضحتها واخذت كرار منها
جانت ساره حامل بالشهر السابع والكل فرحان بيها وكرار طاير بيها ويداريها مثل المي الي بالصينيه جانت نايمة بحضنه بغرفتهم
ساره : رويحتي كوكايتي
كرار : ها ياعيون كوكايتج ها يبت كلبي
ساره ابتسمت وباست خدة وتحجي وياه بدلع : حبيبي اريد اروح اني وسمر نجهز غراض لاسد
كرار : غاليه والطلب رخيص روحو باجر حبيبي
ساره : فدوة لكلبك حبيبي
كرار باسها من راسها وراها باس خدها وبوسه من الشفه ونامو
ثاني يوم الصبح تحضرت سمر وسارة وراحو للسوك
هند جانت تراقبهم وتعرف وين يروحون ووين يجون فدزت وراهن الولد الي اتفقت وياه
ساره وسمر اشترن هواي شغلات الاسد وسمر متقبل ساره اشيل الي اشتروه تخاف عليها
لما ديعبرن الشارع ساره عبرت قبل سمر وهي مدتعبر اجتي سيارة جانت دتمشي سرعه هوايه ودعمتها
جانت السياره مقصدة ساره لان خطت هند انو تدعمها وتموت
ساره سبحت بدمها وجانت تنزف هواي سمر تخلبت دكت ع كرار وهيه ترجف وتبجي وتكول ساره لتعوفينه كرار يموت من بعدج
كرار رد ع الاتصال : الو ها سمورة
سمر تبجي : كرار الحكنه ساره ضربتها سياره
كرار تخبل ميعرف شيسوي ركب سيارته وساقها بكل سرعته
طبعا ساره اخذوها للمستشفى رئسن ناس ساعدوها ونقلوها اول مدخلو دخلوها غرفة العمليات جانت حالتها وحالت الجنين كولش خطرة
كرار وصل للمستشفى وعيونه حمرة من الدموع شاف سمر
كرار : وين ساره وينها ابني وين همه مابيهم شي صح
جان يحجي بهستيريه ويبجي بهل اثناء طلع الدكتور كرار ركض عليه
كرار : دكتور مرتي وابني ينهم همه مابيهم شي مو يي اكيد مابيهم شي ويييينهم ليش متحجي
الدكتور : اهدئ ابني مرتك وابنك عايشين وكدرنا ننقذهم بس
كرار : بس شنو
الدكتور : زوجتك دخلت بغيبوبه ابنك نولد قبل ميكمل نموه لهذا نقلانه للخدج
كرار من سمع هيج انهار ميعرف شيسوي دموعه موكفت الدكتور طبطب ع ظهرة
الدكتور : لتنهار ابني مرتك وابنك هسه محتاجيك
مرت فترة شهرين كرار جان يهتم كولش بابنه وميعوف ساره ابد جان دايما يكعد يمها ويحجي وياها
بليل جان كرار لازم ايد ساره ويحجي وياها
كرار : يبت كلبي مو كافي نوم فتحي عيونج اريد اشوفهن اريد اصفن بيهن اريد احضنج وابوسج وارتوي بيج اوووووف يبت كلبي شكد احبببببببج
نزلت دمعته من اذكر من جانت ترد عليه واني هم احببببببببك
فجاءة حس كرار انو ساره لزمت ايده هو فرح كولش وراح صاح الدكتور
كرار : دكتور دكتور ساره حركت ايدها
اجه الدكتور يركض لمن دخل للغرفه لكه ساره كاعده
اجه فحصه جان كرار فرحان كلش بس يا فرحه ما تمت
الدكتور : هابنتي شلونج شنو دتحسين
ساره : اني وين انتو منو
باوعت ع كرار
سارة : انته منو
كرار ضل صافن شيجاوبها هو منو هو رويحتها وهو كوكايتها هو النفس والروح هو الدنيا ومابيها شيجاوبها وهيه متعرفه
الدكتور اخذلها اشعه لراسها وتحاليل
الدكتور : ابني ادري الي دتمر بي صعب بس اكو بشاره خير الك
كرار بس صافن وحته دموعه ناشفه : خيريش دكتور وبت كلبي متذكرني خيريش وام ابني تسئلني اني منو
الدكتور جان كلبه معصور ع كرار ومقهور عليه هواي
الدكتور : ابني كرار مرتك فقدان الذاكرة عدها جزئي يعني ممكن ترجعلها ذاكرتها بمرور الايام والمجهود راح يكون عليك حته تخليها تتذكر انته منو
ضل الدكتور يشرح لكرار وفهمها شلون يتعامل وياها
ساره جانت هادئه وتريد تعرف هذا منو وهيه ليش بالمستشفى
كرار اخذ ابنه من غرفة الاطفال لغرفة ساره
لمن دخل كرار ضلت ساره صافنه عليه كلبها مرتاحله وحاسه بامان وياه
ساره : منو هذا الطفل
كرار اجه وخله الطفل بحضن ساره ولزم ايدها وكعد يمها كبالها
كرار صافن بعيون ساره وسارة هم صافنه بعيونه ومتحجي شي لان هيه بداخلها تعرف هذا الشخص وكلبها ديدكله
كرار : اوووووف يبت كلبي شسويتي بيه بس لو اعرف الي دعمج جان عدمته حياته
ساره جان صافنه بوجها ومتعرف شتحجي
كرار ضل يباوع بعيونها ويحجي
كرار : يبت كلبي اني كرار رجلج وابو اسد الطفل الي بحضنج اسد هو ابنه اني وانتي هو ثمرة حبنه
كرار شرحلها عن كل شي وشوكت ازوجو وشلون ومضم عليها شي ساره جانت صافنه ع كرار مرة وعالطفل مرة ثانيه
كرار اقترب حته يبوسها لان مشتاقلها بس ساره كسرت كلبه لمن ابتعدت عنه
ساره : اسفه بس ماكدر
كرار سكت وبلع غصته وابتسم بوجها
ساره طلعوها من المستشفى ورجعت للبيت واتحسنت حالته جانت تنام بنفس الغرفه ويه كرار بس هو ينام ع القنفه الي بالغرفه وهيه عالسرير وخصصو مكان للطفل صار كانو غرفه بنص غرفه جانت ساره تهتم بابنها رغم انو متذكر شي وكلبها يحب كرار وبدت تذكر شويه شويه ذكريات مغوشه عن حياتهم
ورة ممرت شهرين ع هاي الحاله ساره قررت انو تسمح لكرار يقترب منها بعد معرفت هو شكد يحبها ومتعلق بيها
جان يوم خميس وهسه قررت اليوم تكمل حياتها
