رمأد ـ ألحب 💔(مَګتّمَلَةّ)

أّلَبِأّرتّ 11

بارت 11

ههههه...اوك اساعدج..بس مو الج اسويها
لالله..

اني كلش متاذيه مثلك ايمن بس مابيدي شي

علكل هسه شنو..

هسه اروح لاهلي..بس انطيني نقاب وعباه..
وانته وصلنا لبيت اهلي..اني وصديقتي..
حتى بعدها اسافر مالي بقيه هنا..

ايمن/سحبت حسره ونفس..
وشمرت جكاره..بلمي ..وكتلها اوك..
لتردي يجرالج..بس قرارج..
غلط..وح تدفعين ثمنه..تبقين عنيده.
وهذا شي وصلج لهنقطه..

ايمن اعتقد حجينا بما في الكفايه..
اتررجاااك..ماكدر ابقى هنا..تعبت.
خليني اشوف حياتي.

اووك..صدوك حبيت ابلغج..

بشنوو..

امي خطبتلي..

كمت..وكفت.وحسيت بقهر بداخلي حيل..
وكتله..خطبتلك..منووو..

كال بت خالتي..مصره وتريدها..
وتكول حلوه وخوش بنيه..

اني صدك حسيت نفسي نصدمت..
كتله ونته..

كال..اني ماريد زواج.حاليا..
بس البنيه حبابه..وحليوه متنعاب..
مارفضها..اذا رفضتها اخسر فرصه زواج..

بداخلي احس بقهر وحركه..احس اهتمامه بيه..
كوله ..راح لغيري ماعرف حب جان او غير شي مادري..بس الاعرفه..احس روحي خسرته.
استطعم هشي..بداخلي..

كتله .نته مو كلت  اني احبج..

هه..واحبج..انتضر.لشوكت..
مراح يتغير شي..ضميت هلحب بكلبي.
الحياة متوكف علاحد..ونتي مسافره.
شنتضر بعد.

اها..اوك ايمن الله يسعدك..

ويوفقج..بحياتج..الجايه..
وتشوفين ايام احلا من شفتيها..وراحت..

صدك ضجت..
كتله اني ههه..اني مطيحلي سعاده..
بس احاول..

عافني وراح..جر الجيس..
وكال لبسي..وتعاي ورايه..
وخلي مكياج..قوي اذا عندج..بحيث ميعرفوج .
اخاف كلشي يصير..

كتله ماشي..

طلع كبالي..
وكملت ورحت وراه..
صعدت..طبكت باب سياره..
وهو شخط سيارته حيللل..
كلبي فززز..من مكانه..

-هاي شبيك ايمن..

-شكو مو تردين اساعدج..هذا الموجود..

-ايمن..لاتخبلني..نته شبيك..
اني وضحتلك..كلشي.
.شنو هتصرفات الطفوليه بعد

-اي اني جاهل ومخبل شيعبج..سميني..
هسه سكتي صوتج..ماريد اسمعه..ماطيقه..

-ايمن.شصار شبيك..شسامع..

-كتلجج...ششششش..
كام يصيح..بكل قوته..
اش اش سكتي..اسكتي..كلت..

-اني خفت منه حيل..اول مره.
اشوف ايمن بهيج حاله..يروح يندعم..
وياذي نفسه وياذيني..اني اتمنى اموت.
بس هو خطيه..

مشت السياره
وصلنا خليت العباه..
وخابرت.صديقتي فيروز نزلت..
وكالت اني بفرعكم..
اووفف..شفت اخويه الصغير..
بلباب..واكف..
اباوع..اووف شسويت اني..
اني سبب..هذيج.الايام..
وهذا البيت..ربيت بي..
اني خسرته..وخربت حياتي.
وخسرت انسان فنا عمره..بتربيتي..
بابا..اتمنى تسامحني..

اخذت نفس..وفيروز لزمت ايدي وكالت..
اتقوي..كوني قويه..

ماحجيت شي..وباوعت ودخلت..الباب..
شفت امي التعب ماكل وجها..كله خراميش.
وضرب..وجسمها مزورك..
طكت دموعي..وكمت ماسيطر.
فيروز شدت عليدي..تكول تقوي نبا..لايحسون.
بيج..

اشوف ماما..تبجي..وتكول والله مابي شي..
ساعه من ساعه وكع..ياناس..
مره كالتلها الله يصبركم خاله..

جريت نفس..ودموعي متوكف..
حضنت ماما..وكتلها خاله بقيه بحياتج..
ماما ستغربت..
وبقت بمكانها..
كالت وحياتج الباقيه منو..
فيروز منيمها..كالت خاله..
اني صديقه نبا..بعداديه..
وهاي اختي هم جانت صديقتها..
بس احنا صار فتره مندري عنها شي..
خاله..نتصل وماكو..
ومن سمعنا.بهخبر موسف..حبينا ناخذ من خاطركم..

اي خاله الله يستر عليجن نبا..ماتت..

نعممم...

اي مثل متسمعن ماتت..ونصبنا فاتحتها..

الي سمعنا خاله عمو الحجي توفى مو نبا..

لاخاله نبا..سافرت وهناك صار حادث وتوفت..
حتى فاتحتها..سويناها..هي توفت بعد ابوها..

اني كامت دمووعي اتلالي..وبقيت انحب وطلع صوت..

فيروز تدغني..كلساع.بيدها..

امي كالت شبيج خاله..

فيروز كالتلها..لاخاله.بس صداقتنه جانت قويه حيل..

لا والله مامتاكده هاي البنيه..
مو نبا..

لاخاله.شلقصه..

شيلي النقاب..

فيروز.خاله رجاءا البنت..متزوجه.اختي هاي..
وزوجها ميقبل

شيلي نقاب كتلج..وذا مشلتي افضحجن..
وخلي خوانها هنا يكطعوها..
اصيح وعيط..هاي نبا.

خاله بلا مشاكل خلينا نطلع..
ماكو داعي هيج تسوين هاي جزاتنه اجينا ناخذ خاطركم..

كالت لا..اذا هاي نبا..ف بس احجي كلمتين وياها..وخلي تولي..تطلع..ولاريدها..ولانشوفها..
هجمت بيتي الله يهجمها فوك راسها

اني متحملت..كمت وخرت النقاب..
ودنكت..ماما سامحيني فدوه اترجاج..

جرت يدها..ودفعتني..
ادبسززززز..شستفاديتي..
الله لايطيج..موتي ابوج..ولججج..ليش نبا..
ليش هاي جزاته تربيته بيج..
هاي..شيبه الطاك براسه..تالي تالي..
تشردين ..وي منو شردتي ولج احجي..
نهبج.باكج..احجي خزيتينا الله يخزيج..

&
&
&
#رواية_رماد_الحب 💔😻🦋