مكتوبنا في القدر

part_two❤

Hi 😍💕

نبدوا فـي البارت تاني 🎤🍷
وتمنياتي لكم قراءه ممتع ومضحكه 😂😂👌
وتانــكس لكل شخص يتابعني ™💕
___________________________________________________

رنا قربت من حاشيه البلكونه وفجائه يطيح فنجان شاي 😅😅😁
وبوووووم 😅🙀🙀
رنا : اه 😅😅 حي عليا كان تسمعني ماما
روان : قعدت تبرق ف باقايه الفنجان ههههه 😅 بينه ماصار شيء
هيـتم بضحك : هادا انتم كلا انتم بلاعقل ف صبح شوي مارفعتكم سياره وتوه فنجان يطح من بين يدكم اح وخلاص😅✋
رنا : وكل حاجه خاش فيها انت يعني واضح سبب 😏
روان : ايوه هدا دليل ؏  انه منحوس
هيتم : مافيش واحد منحوس غيركم انتم 😏😏 وع فكره اني مش منحوس بس انتم من كترة جمالي معاش تشوفوا ف شيء 😌😂
روان : ياعينيي ع عبد الواتق ترا زيد غادي وانت تدحنس
هيتم رفع بقايه الفنجان ورماهم. وكان شبه ميت من ضحك✋ وشاف لي روان بنضرة ضحك 😂👌 : مسمهاش دحنسه يا غبيه ومشي 😏
روان بضحك: ققق روحه بلارجعه ياربي 😏🙌
رنا : تخيلي كان سمعونا جيران
روان : عادي شي درنا احني طاح الفنجان وجي رفعه هكي بس 😅😂
رنا : اي 😂😂
روان: باهي لا نقدنا شغال وجي لمهم 😂😂
رنا : اي باهي عرف يدير حاجه باهيه
روان : اي ههه اني خلاص نعسانه منمشي منرقد 💤
رنا : مرقد 😂
رنا شغلت Tv وتتفجر ؏  mbs1  لعند مارقدتج
____________________________

هيتم ركب لي شقه وخش لي داره وكان كل مايدكر الموقف تجي حالة هستيريه 😂 غير لبسته و فتح ثلاجهته لان كا مداير تلاجه ف داره المهم خدي سنكرس وخدي فونه فتح الفيس ولعند مارقد 💤
___________________________

فـي صبح كل واحد مشي لي مدرسته📒😷
عند روان فـي الثانويه/ قبل طابور
فاطمه : خيرك نعسانه زفت ياروني
روان :امس مش راقده زين هههه
يقين : سلمك فالحه اكيد ع لانستا
ميار : اكيد اي هههه
روان : فرقت حالي 💤
فاطمه : باهي شنوا هي
روان : حكتلهم شي صار بتفصيل. 😸
ميار : ههههه ياعليك جو ياريتني بدالك
روان : نفعني بعدين 😏 ماهو نضت متأخره
ميار : عادي حتـى كان غبتي بكل مادمك رقتي ع طرف 😂
روان : سكري فمك معاش تجيبهلي سيرة عبد الواتق
يقين : حرام عليك سميتي عبد الواتق تي هو اسمه ياخد العقل
فاطمه : ههههه اي خير من رواد
ميار :  حرام عليك حتـى رواد كويس
يقين : افتحيلي فيها محامي دفاع 😬😏
ميار : هههه الحق يعني دويت اني
فاطمه : اش خلاص تو طابور 😷😷
داروا طابور وخشوا ع فصل 👀📒😢

_______________________________________________

هيتـم قفز فتح فونه شاف ساعه 😅😅
هيتم : ازح هداكله من الفرخات لاكن بينه خلاص وربي ماني ماشيها 😏
ورد رقد 😂😂
ام هيتم ( هدى ) طبعا هي ابله English.مش. كبيره قاعده صغيره تعتبر وبسيارتها وجو مش عادي طبعا زي ماقلنى صحبت اسمى (ام روان) روح بروح هي وياهه😂
هدى : هيييتم ماما نووض حي عليك تأخرت
هيتم يدوي بشوي: مااماا خلاص يينه خليني نكمل نومي معندناش امتحان اليوم
هدى : اخ منك كلا انت ونت هدا يلي طول الوقت عليه
هيتم بصوت نعسان: مافتحتش نت ليل مطحتيش الحق عليه ايوه 😂
هدى : اي صدقتك يافالح.  (وكانت ترتب ف دار) 
هيتم. : تي كل من الفرخات ازح
هدى بصدمه 😂: فرخات من
هيتم تييي اووف وناض قعمز : تفهميش غلط را عارفتيني منحبش جو دحنسه
هدى : اي مالا قول هي مش نخليك تغيب
هيتم : وووف نعسان ماخطريش ف الكلام
هدى : ع لاساس تو ماتتكلمش مالا نوض البس وامشي لثانويه
هيتم : لا لا خلاص تونقولك بالتفصيل غير خليني نغيب 💤 وحكالها بالتفصيل
هدي : 😂اخ وخلاص فروخ اخر زمن انت لي غالط مش هنا عاد نعرفهم زين ني بنوتات هدينا مقريتهم وامهم صاحبتي را بناتي ايوه
هيتم : عقابها ماتجيش مع ولدك ياماما 😂
هدى رمت عليه المخده : ارقد ارقد
هيتم : اح وربي انت احسن ام هي ورقد 😂
هدى ربي تبت علينا العقل
😂 طبعا هدى جوها فري مع صغرها ماتحبش تزاعلهم
من صغرهم لمى فقدوابوهم ( توفى بالسرطان 💔 )طبعا هم ( هيثم و ليث وارين)😢  وعارفه ان مستحيل يغلطوا في حق حد وهدا علاش مابتش تهزب هيتم لانو عارفته مستحيل يغلط في حق بنات بس هكي بصارته 😂
_________________________________________
فـي نهاية الدوام
روان : هيا ميار تعالي مش قلتي بيتروحي معاي
ميار : اي اي باهي لاكن اصبري شوي مزال
(ميار بتروح مع روان لانو بوها عند ظرف فاروان قتلها روحي معاي خير ماتقعدي بروحك وطبعا واخده الإدن من بوها )😏😂
ف طريـق /
ميار : حي هدا رواد
روان : اح وجه النحس 😂
ميار : خيرك
روان : قصدي ع يلي ف جنبه ( هيتم)
ميار : اوو قصدك هيتم ني كنت مش حافظه شكله هدا علاش معرفتاش 😂
روان : شي جيبه هنا رواد
ميار : مايطلع الا صاحبه
هيتم : اح شوف غادي يا برو شوف
رواد : تي هادي ميار شن جيبها هنا
هيتم : لا وتعرف اسمها مش مخبرني عيب عليك ياراجل😂😂
رواد : ويلي ف جنبها طرف حتـي هي روان هدي صح
هيتم 😏 : اي بشحمها ولحمها 😂
رواد بصوت عالي : اوووي تعالي اكليني وخلاص يا ميرو
ميار تكشخ وتضحك: معنديش مكان كان هدا كليتك. 😷
روان تقرص فيها : تي اش
ميار : اي وتانيا منين جبت اسمي
رواد : من حنتي 😏
هيتم ضحك : خليهم ف حالهم يابرو الباين ان ناس تعفقلو (وكان تركيزه ع روان )
روان : هيييييتم (طولتها هه)مش وقتك راهو. وانتي تانيه يلا سرعي روحك
هيتم عجبته منها لمى قالت اسمه:  😂 تشااوي تشاوي
وصلوا وخشوا للحوش روان كانت تضحك وفي نفس الوقت حامقه 😂 اما ميار ياعيني فرحانه بطير 💕
رواد بضحك: شي هاالنم وحده احرف من تانيه 😂😂
هيتم : بكل 😂 تي كان نقولك علاش غبت كله بسبها را
رواد : ادوي تبي سؤال هي بكل
هيتم : حكاله 😂😂
رواد : هههه حصلت غيبه من وراهم
وقعدوا يهدرزوا وركبوا ف شقه فوق وقروا شوي طبعا قراية ضحك 😂
___________________________________________
اما عند روان /
اول ماخشوا جابتلهم ام روان ( اسماء) عصير طبيعي بارد وتست شوكلاتا نوتيلا 💗
ميار : عطيك صحه خويله سامحيني تعبتك ياناري
اسمى : سلمك يا سمحه لا وين تعب زي بنتي انت
ميار : 😍😂😂 شكرا
اسمى : 😂😂 عفوا خلاص تو نخليكم تهدرزوا مابين مايجيك بوك
طلعت بعدها .
روان وتشرب ف العصير : اه حاجه تبرد ع القلب 😍💞
ميار : اح عطاك ربي جيرانكم وصحاب جيرانكم طرووف
روان : 😷😷 انت شن شفتي متحكيش ع شخص تي كان تشوفي جيرانه يلي ف جنبنه صغارهم يرعشوااع كلوطين
ميار : بينه المهم هيثم وصاحابه يكفوا ويفوا 😻💗
روان : سكري فمك خير مانبزع عليك عصير تو 😡
ميار : باهي باهي وانت فيسع ماتنفعلي لمى تسمهي اسمه
روان تحاول تغير الموضع : شغلت tv وقعدوا ع فيلم اكشن وياكلوا 😂
ميار : روني عادي تعطيني نكلم بايا او ماما بنقالك كان فيه رصيد طبعا ههه 😂
روان : اوكي اكيد عادي 💞 لاعندي رصيد هلبا مش زي كل مره ههه. هكي اخديه 📲
ميار خداته وتصلت بي امها ( حنان) :  ايوه مامي
حنان : ايوه ماما امتى روحتي من المدرسه
ميار : روحت طوول اول مارن جرس 😅
حنان : مش ديري هبال نقعدش نوصيك زي همام
همام خوها عمره تلاث سنين 👶
ميار : 😂 لا لا حاضر
حنان : هي خلاص توه شوي نقول لي بوك ولا خالك يروح بيك
ميار : تمام هي باي
روان : تي علاش يا 💩 مفروض قلتيلها مزال
ميار : لا لابينه
روان : تي تو تحسابنا قلقنا منك يا زقه 😂😂
ميار : لا عارفتك مزال مشبعتيش من 😌 لاكن خلاص عطلت بايخه را
روان : اووف متقل دمك
روان : رنااااا تعالي جاي
رنا : جيت جيت
روان : اقعدي شوي حدا ميوره نعدي لي الحمام
رنا : تمام
وعدت روان /
ميار : شي جو هههه
رنا : ماشيه
ميار : اي منقولك انت فاتحه انستا
رنا : ياسلام
ميار : اعطيهولي عادي نكسدوا مع بعضنا
رنا : اوكي اهو ✍✍ وكتبتلها ف ورقه
ميار : تم
عند روان / غيرت زيها ولبست تيشيرت طويل شوي مكتوب عليه بالفرنسي( ) لونه بيــنك دافئ😻 وسروال ابيض ضيق وفـيه لولو اسود وبيـنك زي لون تيشيرت 😝
روان فتحت دولابها وطلعت ساعه بناتيه مرسوم عليها كم معلم فرنسي جديده لونها ابيض 🌟 وحطت عطر (Gucci by Gucci 😻نموت علبه العطر هدا ) ومناكير(JULEP 😍ننصحكم بيـه) لونه سكري هافت و لوشن صغير ()
ونزلت تحت. ( حوشهم دورين وواسع هلبا )
روان : ماما ماما
اسمى : ها وخيرك مسيبه ميار
روان : ماما مناخد من المخزن شكاليط وحاجات منحطهم لي ميوره
اسمى : هكي بس بايخه تونمشي نجيبلها حاجات
روان : لا لا حطيلها حاجات
اسمى : ترا وريهالي
روان : هكي
اسمى : تمام كان بتزيدي حاجه امشي لدولاب شوفي
روان : لا ساد نحطلها ايكال بس
اسمى : بهاهي
دارت قهوه و كيكه مدايرتها هي ومشت بترفعها لي رنا وميرو 😂
روان جبدت طرفبن كندر بينو و مشروب بيبسي و حكة بطاطس صغيره وسمينسه بيضه 😂
عند اسمى /
اسمى : هي تعالوا اكلوا 😍
ميار : علاش متاعبه روحك خويله
اسمى : مافيش تعب غير اشربي هي
روان : جيتكم 😻
ميرو : احلى جيه
طبعا اسمى عدت فوق 😘
وشربت معاهم وشوي وجي الياس
الياس : روااان رواان

.....يتبع 😍😎

_______________________________________________

اتمنى انو تنال اعجابكم 😻👐
فـي البارت يلي بعده حتعرفوا من الياس وشن يبي من روان ✋😂 ومزيد من تشويقات وكوميديا 😂😂
#سلامــات 😘
نبي دعم ياقليباتي اوكي 👀😻