الفساد موجود وواضح في كل الدنيا
وعلي عينك يا تاجر
مهمتنا عشان نحمي نفسنا و اولادنا وحياتنا
اننا نفضح الفساد بكل اشكاله والوانه
ده حق علينا
" الساكن عن الحق شيطان أخرس "
مش دايما لازم نتظاهر اننا مجبورين علي الوضع القائم
اقل واجب نعمله عشان الناس الي زينا زيهم الي ممكن نبقي مكانهم ف اي لحظة
الي حقهم ضاع ف الهوا..
الي اتظلموا..
الي اتحرق قلبهم....
الي اتكسروا...
الي اتقهروا ...
الي اتجبروا علي وضع دام لسنين لحد ما ماتوا
تجارة الأعضاء
والفساد الطبي والفساد الغذائي
وتجارة المخدرات وتجارة الاثار
والتحرش
والاتجار بالاناث والاتجار بالدين
وحاجات كتيرة ملهاش اخر
الشر بقي يتجسد ف اشكال كتيرة
وفعلاً ما شيطان الا بني ادم ..
الشيطان الي صور الشر حاجة مباحة عادية هو هو الانسان.
جارك. زميلك. قريبك.
زيه زيك مفيش فرق بينكم اصلا الا الضمير..
ضميره الي خدره بهيروين النفوذ والمال والسلطة والشعارات الوهمية
محتاجين نبقي نضاف من جوا نقول للغلط لا
لو حد واحد بس قال لا مش هعمل كده هنتغير هنكون بني ادمين بجد...
مش شرط نتقدم بس هنبقي ف امان وسلام وده حق من حقوق الانسانية
محتاجين نكون واقعيين نحارب الغلط بأننا نمتنع عنه بس
صعب بس مش مستحيل
تمنياتي بالشفاء التام لكل اصحاب مرض الضمير المقتول ف العالم بأسره..
دمتم بخير وصحة وعقل تام
#Marlin
