القاسي والجميلة {باللهجة الجزائرية }

~الباك~

عند ليسيا

فهيمة(ام ليسيا ): لييييسسسسيااا نوضي يا البقرة اليوم نتائج نتاع الباك نوضي
ليسيا ناصت مخلوعة من النوم
ليسيا : اااااا صح على قداه النتائج
فهيمة : هذا وين نوضتي يا الدابة راهي 11 ونتي مازالك راقدة
النتائج على1
ليسيا : خلاص ماما يخي علابالك بلي ناجحة ناجحة وينو بابا
فهيمة: ناجحة وشكون قالك نتي لي صححتي ورقتك
باباك راهو ف الصالون يتفرج
ليسيا : اوك ماما راني رايحة توالو
راحت ليسيا وخلات ماماها تحضر في الغداء
ليسيا : صباح الخير بابا
كريم (باباها) : وشمن صباح راهي 11 رانا في العشية
ليسيا : اووو علابالي مي انا هدوين نضت
باباها : خلاص بنتي ليوم نتائج نتاع الباك رح نشوفو قرايتك
ليسيا : بابا انا ناجحة ناجحة ورح نحققلك حلمك ونفتح الشركة نتاع الازياء
باباها : علابالي ببنتي تنجح وانشاء الله تفتحي الشركة كلشي بالمكتوب هيا نروحو نتغداو
ليسيا : اوك بابا وراحو

عند كرم

نزل كرم عند باباه وماماه لي كانو يفطرو
كرم : صباح الخير بابا صباح الخير ماما
باباه وماماه : صباح النور كرم
كرم و هو يقعد : وينها ميار (اخت كرم )
داليا (ماماه) : رايدة طبعا وين رح تروح
كرم : اوك مي ليوم نتائج الباك وراهي 11 لازم تنوض
سليم (باباه) : خلوها ترقد دك تنوض و تشوف معدلها اصلا هي تعبت بزاف في الامتحانات وعلابالي تنجح
داليا : نتا عززها عززها دك تعود ما تنوضش طول تشبه للبومة في الليل الانترنيت وفي نهار الرقاد هدي هايلة
سليم : هدي بنتي مشي بنت جارنا
كرم : خلاص كل يوم هكدا و نفس المشكل ندمت وهدرت راني رايحة ليها
راح كرم عند ميار
كرم : ميار نوضي راكي ما نجحتيش
ميار وهي مخلوعة : وشنووو ليوم موتي مع كرم خلاصت عليا مال
كرم : هذا انا
ميار : ككك ررر ممم هذا نتا والله قريت مليح والله
كرم : ههههه علابالي هيا نوضي باه تشوفي معدلك مازالو 2 ساعتين ونشوفوه
ميار : راك تتمسخر بيا ليوم نقتلك وسوطات عليه
كرم : خلاص خلاص عملت هكدا باه تنوضي علابالي ما تنوضيش
ميار : من اليوم نسكر الباب بالمفتاح
كرم : هههه اوك هيا ازربي باه تفطري راني رايح للشركة على 1.00 نرجع ونشوف معدلك انا
ميار : اوك بالسلامة خويا
كرم : بالسلامة

عند ليسيا :
ليسيا : ماما اليوم الغداء بنين ياو
فهيمة : او هاذا سبيسال لبنتي
ليسيا : امممم مارسي ماما
كريم : امممم ايه راهو بنين
تغداو وخلصو و قعدو يديرو ف الميناج هي و ماماها
فاتو سوايع ولات 1 راحو يشوفو المعدل وليسيا كانت مغمضة عينيها وخايفة وترجف
باباها : بنتي وشنووو هذا المعدل هذي هي قرايتك
ماماها : ايه وشنو هذا
ليسيا وهي تبكي : ماما بابا شحال معدلي
باباها وماماها فنفس الوقت : مبرووووك بنتي معدلك 15.72
ليسيا وهي تبكي : وشنوووو ياي ياي
باباها : مبروك بنتي ليوم كادوك وحدو
ماماها : ايه وانا رايحة نزغرت شوي
وبداو يزغرتو اما ليسيا قررت تعمل حفلة وتعرض جيرانها البنات وبنات خالاتها والاقارب

عند كرم :
كرم فنفسو: ايييي راهي 12.30 وانا راني في الشركة النتائج نتاع الباك على 1
لازم نرجع للدار
راح كرم للدار ولقاهم كامل مجمعين وميار ترجف
كرم : ههههه ميار ليوم نقتلك لو كان ما تنجحيش
ميار : كككككرررمممم لي فيا يكفيني ونتا تخلع فيا كون ننجح نقتلك نتا
كرم : هيا دك نجيب تابلات نتاعي ونرجع
راح كرم بدل قشو جاب تابلات ورجع
وصلت 1 فتح كرم التابلات وشاف المعدل لقاها ناجحة بمعدل 14.93
وحب يخلها
كرم : ميااار وشنووو هدا راكي طلعتيلي زبل لراسي معدلك 9 ليوم نقتلك
ميار : وشنووو اه اه اه ما نجحتش (تبكي)
كرم فهذه دقيقة غمز ماماه وباباه وجداتو وفهموه
كرم والعائلة فنفس الوقت : مبرررروك ميار نجحتي
ميار : وشنوووو نجحت شحال معدلي ياي ياس ياس ونتا كنت تتمسخر بيا
كرم : حبيت نقلقك وبس هههههه معدلك 14.93 هههههه
وتسوطي عليه ميار هي تضرب وهو يضحك
ميار : كلب خماج تتمسخر بيا وحبيت تقلقني
كرم : خلاص خلاص دك نعطيك كادو يهبل
ميار : لي هو
كرم : مفاجآه
ميار : افففف اوك
وقررو يعملو حفلة بيناتهم وبس لانو حفلاتهم كبيرة بزاااف او صغيرة بزااااف (هههههه)