#اغتصبني. الحلقه التاسعه
.
.
فاطمه لاتاكل ولا تشرب ومعش عرفت روحها انفتحت والا قاعده بنت وخايفه تمشي لدكتور ويكشف علاها
.
.
بعدها بشهر تقريبا فاطمه لا عاد طلعت من الحوش ولا تمشي زي زمان وحتي يتصل بيها مروان متردش ويبعت في رسايل ماتردش وفيوم جتها لولي قالتها ..
.
لولي .. هلا فطومه خيرك لا تسالي لا شي حتي خوي فقدناه وخطفوه ماجيتيش
فاطمه ..ما فيه شي غير جوي اخي ومضايقه
لولي .. متعاركه مع مروان
فاطمه .. لالا اصلا معش نكلم فيه طلع واحد كلب
لولي .. خيره احكيلي
فاطمه .. قعدت تبكي وحكت للولي كل شي حتي علي خوها علي
لولي .. حي حي والله عرفته الكلب بيديرلنا مصيبه ويستاهل اوينه مخطوف مانندروش عليه وين
فاطمه.. انا مالقيتش دم معناها ما انفتحتش صح
لولي .. منعرفش بالك مسحه والا مانزلش دم والا محستيش بروحك فاطمه .. كان مغمي عليا مانندري علي شي
لولي .. حي علي امك حي
فاطمه .. اسكتي كان تسمعك تموت وخوتي يقطعوني
لولي .. تعالي باتي عندنا اليوم ونهدرزو براحتنا ومعش تبكي محلوله كانك علي خوي علي يتزوجك يا بنت غير يرجع انا حنقول لامي ويتزوجك بدون ما حد يحس
فاطمه .. ووووواااااك قصدك انا بعد هدا كله نتزوج علي والله نكره
لولي ..حتي مش اخته لكن نكره من عمايله
لكن توا اللي صار صار لازم يستر عليك
فاطمه .. به مافيش حل تاني عمليه والا حاجه
لولي .. انت غير تاكدي انفتحتي والا لا
فاطمه .. به شوفيلي دكتوره مضمونه يستر عليك ربي يا لولي شوفيلي
لولي .. به اصبري اليومين هادو
فاطمه .. به ااااااااه وخلاص الصبر
.
فاتو يومين وجدت فاطمه التاعبه تعبت من جديد وام فاطمه بترفع فاطمه معاها لكن هي متبيش وقعدت تبكي لا لا
ام فاطمه .. خيرك يا بنتي ما عندك لا امتحان لا قرايه تمشي معاي
فاطمه .. يما خلوقي في شيشه وليا شهر مضايقه مانبيش نطلع من حوشنا
ام فاطمه .. به بتقعدي بروحك نخاف عليك
فاطمه .. اوينه قعدت المره اللي فاتت و ليش نخاف الحوش لاصق في حوش وجيرانا كلهم نعرفوهم من زمان
