“إنّني مقيّد إليك ، لا بالحبّ وحده فالحبّ وحده لا يكفي؛ الحبُّ يبدأ، الحبُّ يأتي، ينقضي ، ويأتي مرة أخرى ،ولكنّ هذه الحاجة التي تقيّدني بالكامل إليك هي ما يبقى”
-كافكا
#سارا
ماعرف بشنو ابدي و شنو فرقي عن غيري معقولة كل شخص هو قصة! زين معقوله احد عاش مثلي! زين الي عاش حياة كلش طبيعيه شنو احساسهم! وليش الدنيا متنصف! معقوله غلطت بشي و دفعت ثمن غلطي! زين انيي اشوف هواي ناس تغلط وين الدنيا عنهم! معقوله القدر ناسيهم لو مثل وقتنه هذا ناطي رشوة!
اني سارا مواليد 1988 عايشه بكركوك ويه والدي و والدتي و 4 خوات واخ واحد. وحبدي قصتي ب عام 2000 جان ؏ـٓمري 11 سنة
كعدت ع صوت اختي واحنه بالعطله كعدتني من الصبح اباوع ع الساعه الفوك راسي! ب 8:00 شكوووو
جريت نفسي كوة واني كله ولا نومتي حتى مغسلت وجهي كلت اشوف شكو وارجع انام
سارا: مااما شكو منن الصبحح بنتج خبصتني!
واني داتمشى ع الدرج شفت الهول مفتوح شكوو منوو خطار اتمشيت ع كيف باوعت شفت ام امي بيبيتي يبووو و درت انيي نايمة لهسة لاا ؏ــاد
اقره الفاتحة ع روحي بعدين قررت ارجع اصعد بلكي تروح انداريت دامشي سمعت اسمي
: سارا.
اخخخخ هاي بيبي مسحت عيوني عدلت ملابسي و شعري ابتسمت وانداريت ابتسامتي جانت كللش عبيطه تقربت
سار: هااا هلاو بيبي.
دنكت بستها
:لج سويره شعندج نايمة لهسة وانتتي كل عمرج 11 سنة منن هسه تنبل.
بقيت مبتسمه عادي ضحكو الكل
:باباتي تعالي كعدي يمي.
اوووي فددوا لبابا نقذني ركض رحت كعدت بصفه هوو بصفه جلبت ب ظهرة 😂😂😂 عبالك اكوو وحش حيهجم عليه.
: عامر اريدد اروح لبغداد لبيت ابو احمد.
عامر : ايي عمة اجي وياج!
ام سامي : لااا اخذ سويره وياي اعلمها شوي ع مسؤولية.
يمةةة كلبي كمز النوب بغداد 😍 زين بيبي شحتسويلي? معقولة تشكرني ب دجله عادي والله تسويها.
عامر : لاا عمة شلج بهلطفله اجي وياج اني.
باوعت بيبي باوعتله نظرة آٍسَكـت لاا اكوملك 😂 ابوية سكت
ام سامي : كومي غسلي وجهج و بدلي و جيبي ملابس مال يومين ونزلي.
رمشت بعيني داتاكد و كمت عبالك مضروبة ع راسي 😢
غسلت وجهي وصعدت بدلت و حضرت ملابسي اتذكر لبست تنورة قصيره فوك الركبه و بلوز ربع ردن خليت قراصات بشعري و عفته مفتوح اني بيضه شعري اشكر كستنائي فاتح وعيوني عسليه و كبيره وصاحبه رموش .
شلت جنطتي الصغيرونه اتذكر جانت مخططه برتقالي واحمر واصفر بسس احبها جنت اخلي بيها لعباتي لوو منن جنت العب بيت ابو بيوت اشيلها واروح للعياده عود دالقح ابني 😂 .
ننزلت جوة اول مشافتني بيبي كامت و طلعنه لكينه تكسي منتظرنة جوارين بيت بيبي هاا تدرون بيبي عايشه وحدها متقبل تجي يمنة تكول بيتي تزوجت واموت بي مادري شنو الفكرة الي براسها. صعدت انيي وبيبي وره و خليت جنطتي بحظني حنروح لبيت عم امي علاقتنه زينة بيهم عبالك بيت عمنه مو بيت عم امي طول الطريق اباوع ع الشوارع احب كركوك صح بسس بغداد احسها غيرر جنت اشوف بالتلفزيون شوارعها عبالك خارج العراق احس مرات بيها حتى الهوا يختلف وره تقريبا ساعتين وصلنه نزلت بيبي و نزل عمو ابو تكسي جنطتها و اني نزلت اني وجنطتي جنت احس نفسي ف مودل و كاااشخه كل قوتي دكينه الباب فتحه عمو ابو احمد سلم ع بيبي و اني هم سلمت عليه فتنة جوةة بيتهم جان بدايته طرمة و ع جانب حديقه وبيها مرجوحة قررت وره شويه اصعد بالمرجوحة حت اتونس شويه طلعت ام احمد شعرها اصفر وبيضه جمالها فدد شيي هي مسيحية بسس حبت عمو وتزوجته بسس بقت مسيحية واهلها مجانو كلش متشددين يعني تقبلو واحترمو حبها المهم دخلنه لبيتهم مثل ايي بيت عراقي اول متفوت تشوف غرفه وراها غرفه ومنا المطبخ دخلونه غرفة الخطار واشوف بيبي فرحت كلش بيهم كعدنه نسولف دخلو بناتهم 3 رهام و سمر و ريم الي هسة تزوجو خارج العراق المهم ريم جانت بكدي ملعبت وياها ابد مادري انيي منن نوع ناس هي التتحارش بيه موو اني مادري يمكن جامده المهم جابولنه جاي و كليجة مديت ايدي ع الكليجه فدد طيبة ايي عيني المسيح كليجتهم غير النوب البيت ي ربي ينكط ورد يلمع يلمع اتذكر جانو جوارينه مسيح 24 ساعه ينظفون بتهم جانت ويايه بالمدرسه وهسة سافرو يبوووي كلساع اطلع منن القصه المهم.
اجه ابنهم احمد الجبير عمره ب عشرينات وسلم ع بيبي وعليه و اجه ابنهم محمد هم شاب اخر واحد اجه ابنهم مراد جان هسه كاعد منن النوم بسس شافني اشوو هذا فتح عينه حت استغربت هذاا شبي? مراد مواليد 1983 يعني اكبر مني ب 5 سنين يعني عمره 17 سنة بهلوقت غلست ع نظرته سلم ع بيبي و اني غلس محجه ويايه يااا ثول اعمى هذا مهتميت راح ورجع وره شويه مبدل عود و كاشخ ضحكت بيني وبين نفسي ع لبسه بقو يحجون وره شويه بيبي حجت ويايه
ام سامي : سارو لاا تبقين صافنة كومي ويه البنات لعبي.
انيي ابتسمت و هزيت راسي جتي يمي ريم اخذتني وياها بره جابت لعابة منن عدها بطولها شكدد حبيتها لعبنه انيي وياها وره ربع ساعه طلع مراد باوع عليه واتقرب
مراد : شلونج سارا كبرانه صايره مرة.
فتحت عيني يااا
سارا : ايي لعد تريدني اصغر حت اني بعد شهرين اصير 12 يعني خمسات 2 و ياها اثنين.
ضحك عليه اباوع عليه ضحك منن كل كلبة
سارا : شبيك تضحك سااالمين.
مراد : امممم ريوم روحي جيبيلي مي.
راحت ريم و هي تحجي ويه لعابتها انيي جنت كاعده ع المرجوحه اجه مراد كعد بصفي
سارا: شكوو.
مراد : سارا انيي حبيتج.
سارا : شنوو عادي حبني قابل شيصير وبعدين انيي كرايبك ميصير تكرهني.
باوعــت عليه سد عيونه حيللل وفتحها و ضضحك
مراد : شبيه انثولت داحاجي طفله.
كمت منن مكاني ضايجه و ضربت الكاع برجلي
سارا: موووو طفله عمري حيصير 12 وبعد 6 سنين اروح كلية و لازم ب بغداد.
ابتسم جان كلي
مراد : الااا النوب وكحه زين ي حلوه ليش الا بغداد.
سارا : امممم لان حلوه و جامعه بغداد بيها قوس كبير كلش حلو.
ضحك و كرص خدي وراح جتي ريم نطته مي وجتي علية بقينه نلعب ابدد مجان ببالي شيي او مجنت فاهمة شنوو القصه و صدك جان كل همي شعري مرتب ولعابتي عدها ملابس جديده صار ليل دخلنه اتعشينة ف عمو وره العشة كالو امشو لابو نؤاس انييي كيفت رحت بدلت و عدلت شعري و نزلت ركض كعدت بغرفه البنات للعلم ب نزلتي شفت مراد ديصعد الدرج هم جر خدي كلي تعالي وياي
رحت وياه
فات لغرفته ف .............
...
كلش مشتاقتلكم والله
هلقصه حقيقية
اذا عجبتكم علقولي
حت اكملها وارجع ع اللبقية
#علقو 😘 رأيكم كلش مهم
