مخيف ان تشعر بأن هذا العالم لم يمنحك فرصه واحده لنهايه جيده ، أو صديق دائم ، او حتى حلم جميل♥️.
#سارا
رحت ويه مراد لغرفته راح كبال ميز فتح جرار طلع قراصه صايره ع شكل ورده اتقدمت عليه دنك و لبسني القراصه واخذ القديمة و باسني بخدي اني ابتسمت عادي مجان ابد ببالي شي يعني صغيرة مافتهم
مراد : يله ياحلوه انزلي خلي ابدل واجي.
هزيت راسي ونزلت ع درج ركض وصدك جنت فرحانه بالقراصه طلعت للحديقة لكيتهم مجموعين الكل رحت بصف بيبي وره 5 دقايق نزل مراد و طلعنه اتذكر بذيج الطلعه شكد تونست حيلل تونست ابو نؤاس جان حلوة كلش احلى من هسة بهواي.
وخلصت اليومين ورجعنه للبيت وراحت بيبي لبيتهم ....
ورة اسبوع نمت هلكد متعبت منن اللعب تحلمت مراد اجاني بالحلم لبسني سوار و بسس وخر ايده انكسر السوار رجع صلحه وانكسر ووكع مني بالكاع .... فزيت منن النوم وعطت جتي امي خطيه تركض و بقت يمي تقره ع راسي لحد منمت....
لقد كانت تقرر الرحيل وتنوي والبقاء في آن واحد ... 🍂✨
وره 3 سنوات
2003
صار عمري 14
صار السقوط
شكد سمعت اهلي يحجون عن حرب وماعرف شنو ابد مفهمت شي كل همي ملابسي مرتبه و الرياضه ماخذه وقتي صرت لاعبة ساحه و ميدان بسس بقيت سارا الحلوه جنت كاعده يم اهلي دك التلفون الارضي حجه بابا و سده
عامر : حيجون بيت ابو احمد يمنه.
كبل تذكرت مراد اه اني جنت ناسيته مع انه دائما اتحلم حلم السوار يَعني هسة هوو كبر مممم كعدت اتخيل شكله كامت امي وخواتي
ام سارا : كومي سارا ويانه خلي نحضر اكل و الغرفتين الجوة الهم.
سارا : ماما همة شكد يبقون يمنة.
جرتني امي و كفختني ع راسي
ام سارا : وجع لج عيب.
سارا : ماما يعني طول الحرب يمنة يعنيي بلكي الحرب طولت شلللون بله وهذا ابنهم مراد شكدد اكرهة.
ام سارا : هلاوو هلااو ست سارا نمشي ع مرامج امشي ولي نظفي الغرفه ذيج.
درت وجهي واني ابد معاجبني نظفت الغرفه لحد مطاح حظي 😢😣 ويني ووين التنظيف. .
كملت كبل فتت للحمام سبحت و طلعت صارو بوجهي بيت ابو احمد
البنات الكبار تزوجن وبقت ريم و الولد و امهم صارت مشاكل اتطكلت وراحت لالمانيا يم اهلها.
سلمت عليهم و غلست ع مراد اباوع عليه عضلات و اطول واحد باخوانه حت اطول منن ابو اللي اصلا طوله فاارع .
صعدت لغرفتي بدلت ملابسي ونزلت جانو كاعدين بغرفه الخطار رحت كعدت واني كوة متحملة نظرات مراد ترخصت وكمت للحديقة محسيت الاا مراد ورايه جرني منن ايدي
سارا: هييي شبيك وخر ايہد✋گہ.
مراد : اششش صوتج تعالي احجي وياج.
سارا : هدد ايدي.
عاف ايدي و مشه قبلي صار وره البيت
سارا : نعممم.
مراد : انعم الله عليج بسس كصري صوتج.
سارا: اففف دفضني شتريد.
مراد : بنيتي كبرانه ومحلوة.
شِفْْـتْ بعينة نظرات حب واحد عاشق عاشق انيي مرة شفت صديقتي حبيبها اجاها مجانت بعينه هلنظره ابد ! واني منن نوع احب قصص الحب بسسس بعيده عنه مع انه هوواي جانو ولد يردون كلمة مني المهم.
