نجدم الاحداث شويي
شميم نشت الصبح شافت إضافة حمد و تمت تفكر اذا تضيفه ولا و عسب ماتستعيل قالت بتسألني و لما سألتني قلت لها طبعا لا ،لانه ولد و غيره و ماتعرفين يمكن هاي حركة من اخوج عسب يعرف اذا انتي ترمسين ولا،طبعا شميم كانت تفكر و مر يومين و هي تفكر ، فكانت النتيجة انها تضيفه و تشوف شو يبا منها و منها تخليه يوصل لاخوها انها ماترمس شباب ، فلما ضافته وقبل ليرحب فيها قالت له :انا ماضفتك عسب اتعرف عليك انا ضفتك عسب تنهي الموضوع الي استوى ف ابوظبي و حبيت اعتذر لك عسب اشل الاضافة
و هي ترمس حمد مايد اخوها دش عليها و اول مرة يدش عليها و مايضاربها،فشميم عرفت انه ياي مصلحة فقالت له: شو عندك خلصني
مايد و هو متردد:شميم طلبتج و اتمنى انج ماترديني
شميم: قول الي تباه و اذا اقدر عليه فالك طيب😉ء
مايد و هو مستحي:شميم ابا سناب او رقم او انستا او اي شي يخص ربيعتج الي كانت وياج فالرحلة
شميم :تقصد عهوديي
مايد و هو مستانس : ليش اسمها عهود؟
شميم:هيه بس لا تتوقع اعطيك شي يخصها لانها مب نفس ما انت تتوقع
مايد و هو يحاول يوضح هو شقصده:لا لا لا مب جي قاصد شميم انا الصراحة حاس اني معجب فيها و ابا ارمسها و اتعرف عليها و اشوف اذا في حد ف حياتها
شميم و هي مب مهتمة للموضوع:لا لا مافي حد ف حياتها نفسيي
مايد و هو يبتسم بس يحاول مايرويها :اهاا تتوقعين بترضى اخذ سنابها
شميم و هي معصبة:قلت لك هي مب نفس الي انت ضايفنهم ع سنابك
مايد طلع من الغرفة و هو زعلان:خلااص ك مابا سنابها
نجدم الاحداث ونروح لليوم الي عقبه و الي هو نفس اليوم الي تعرفو فيه على عنوودي
كنا نتمشى ويا ربيعاتنا الجدام و عنود كانت ويانا لانها كانت ربيعة وحدة من ربيعاتنا الجدام المهم عقب ما تعرفنا على عنودي، حبيت اعزم شميم و عنودي عل العشى ف بيتنا ف
شميم قالت :بشوف اذا في حد بيوصلني عقب برد عليج و
انا:ضروووووري تردين علي قبل صلاة المغرب
شميم: عاد يارب حد يتفيج يوصلني
انا:ياااارب انزينن عنودي انتي بتين ولا
عنودي:هيه بيي
انا:شميم لااااازم اتين مايخصني
شميم:بحااول ويا ميود
نجدم الاحداث شويي
شميم و هي داشة ع مايد ف غرفته و هو يصلي تمت تترياه يخلص و من خلص صلاته صد عليها و قال:شو عندج
شميم عسب تتمصلح وياه صح:تقبل الله ، ماعندي شي بس لي طلب صغييييييير و يارب ماتردني
مايد:منا و منج صالح الاعمال،شو هو هالطلب
شميم : اباك توصلني بيت ربيعتي عالعشى
مايد و هو معصب:شو تشوفيني دريول هني اونه اباك توصلني و اباك توديني،ماعندي شغلة غير اني اوصلج و اييبج
شميم وهي زعلانة:زين زين كلتني بقشوري،خلاص مابروح
مايد و هو يحاول يقلدها:نننن بقشوري ننن خلاص ننننن
شميم و هي طالعة من غرفته: اففففف الحين شو برقع لعهوديي ادريبها بتزعل
مايد و هو يصرخ:شميييييييييمو تعااااالي تعاااالي
شميم و هي تغطي ع اذونها: صمختنيييي ،شو تبا
مايد و هو مبتسم:خلاص خلاص بوديج بس بشرط
شميم و هي تطالعه ب نص عين: شو شرطك
مايد : ترمسين عهود اليووووم عن الموضوع الي قلت لج عنه
شميم و هي تتافاف من الموضوع:ميووود يعني لازم تفشلني يدامها
مايد :يا تقولين لها يا مااوصلج
شميم و هي تبتسم:خلاص ك برمسها
مايد عرف شتقصد بهالابتسامة:تعالي تعالي رمسيها الحين و قولي لها ان شي موضوع تبين ترمسينها عنه من توصلين عندها البيت
شميم و هي متمللة: ك ك
و شميم اتصلت ع عهودي و حطته سبيكر و قالت لها ان ميوود بيوصلها
وانا من غير قصد تحمسست و قلت:جعلنييي الي بيوصلج والله
مايد استحى و شميم حبت تخرب عليه و قالت لي اي جعلنيي اي خرابيط مابيوصلني الا و هو ناوي ع شي و صح عهودي اباج بموضوع اليوم
انا: خلاص ك من نتلاقى يصير خير
و طبعا بنوقف هني و بنكمل فالبارت الي عقبه
👋...بااي
