شوق انصدمت من الرسالة والي مطرش الرسالة
شوق: بسم الله منوا سيف وليش جي كاتبلها
عنود طلعت من الحمام (عزكم الله )
عنود: شوق بسم الله شو تسوين هني
شوق: كنت ابا اسألج شو سويتوا بس غيرت رايي ابا اسألج منوا هذا
عنود: منوا هذا بسم الله
شوق: سبحان الله ما تعرفين وكاتبلج فديت الي يغارون
عنود فداخلها: ( الله ياخذك ما اخترت الا هالوقت تكتب هالكلام )
شوق: ما تردين عيل
عنود: فكينا شو تبين
شوق: قوليلي السالفه ترا ما بخبر ماما
عنود: احلفي؟
شوق: والله العظيم
عنود: انزين، وقالت عنودي حق شوق السالفة
نجدم الاحداث
الصبح مثل اي يوم نشينا حق المدرسة تجهزنا وخلصنا عشان نروح المدرسه.
في المدرسة كنا نتمشي كعادتنا ولا فجأة نجوف هند
عنودي: ايه مب جنه هاي هند اخت سيف
انا وشميم: هيه والله هي
عنودي: ايه خل نشرد عشان ما تسألني بعد
قبل ما نشرد جافتنا هند
هند: ايه انتي
كلنا صدينا عليها نعم
هند: انتي شو سالفتج مع سيف
عنودي: والله هو الي ناشب فيني اونه معجب
هند: وانا اقول ليش الاخ مستانس هالأيام طلع يحب
تمينا نسولف ويا هند وجي استوينا وايد ويا بعض
بعد ايام
الصبح نشيت على صوت الفون وهو يرن.
شميم: عهوووودييي شرايج اليوم ترقدون ف بيتنا
انا: بسأل اخوي وبقولج
شميم سكرت واتصلت حق عنودي
شميم: عنودي شرايج اليوم ترقدون ف بيتنا
عنودي: حلوه الفكرة بس بجوف ماما اذا بطيع
شميم سكرت واتصلت حق هند
شميم: هند شرايج اليوم ترقدين ف بيتنا
هند: قوم عهودي بيون
شميم: ما ادري بيسألون اخوانهم وامهم
هند:عيل انا بسأل سيفوا
شميم: اوكي
رحت سألت اخواني قالوا لي اوكي روحي ونفس الشي عنودي امها خلتها بس بشرط اتشل اختها وياها عنودي وافقت. بس سيف ما خلى هند
هند: شميم ها الزق سيف ما خلاني
شميم: افف مالت عليه، هههيه صح بخلي عنودي ترمسه بيوافق
شميم قالت حق عنودي و عنودي رمسته ووافق
كالعادة اتصلنا حق بعض ويلسنا نخطط وكنا متحمسيين الف وبذات انه هند بترقد ويانا لان اول مره.و اتفقنا نكون ف بيت شميم العصر
استوى العصر وكلنا وصلنا بيت شميم
اول ما وصلنا على طول رحنا غرفتها ويلسنا نسولف وخبرنها عن حمد وميود وكيف سيف عرف عنودي،عقبها يلسنا نلعب.
هند: ايه ملل خل نطلع نروح المول او اي مكان
انا: فكرة حلوه بس منوا بيودينا
شميم: ويت بدق حق ميود بجوف اذا يقدر يودينا
شميم: ميود عادي تودانا المول
ميود: مب فاضلج
شميم: شكرااا وبندت
نحن: ها بيودينا
شميم قلدته وتمينا نضحككك💔😂😂💔😂
انا: شرايكم اقول حق اخواني
كلهم: هييهههه
اتصلت حق حميد
انا: عادي تودانا المول
حميد: امممم، اوكي، دقايق وبمر انتوا اجهزوا
انا: يلا أجهزوا بسرعه
رحنا أجهزنا وتمينا شوي ووصلوا اخواني.
ركبنا السيارة وكان اخوي حمدان يالس جدام اما اخوي حميد هو الي سوق وورا انا وهند وعنودي وشميم و شوق.
وصلنا المول، نحن كنا نمشي بروحنا واخواني كانوا بروحهم.
تمشينا وخلصنا عقب رحنا نتعشى عقبها رجعنا بيت شميم.
اول ما وصلنا رحنا غرفة شميم عشان نجوف فلم
عنودي: ايييه شميم روحي يبي لنا أكل حق الفلم
انا وهند: هيه صح يبي لنا اكل
شميم: روحوا بروحكم تعرفون وين المطبخ
انا: أوكيه بروح بس حد اي وياي
هند: ك انا بي
رحنا انا وهند المطبخ كنا نطلع لنا أكل ولا فجأة....😉دخل
منوا تتوقعون دخل😏.
