#حب_أم_انتقام
#الحلقة_الاولى
رندا : روووووووووووبين
اني : لا رد
رندا : جت تجري روبين يا حمارة انطرشتي
اني : يا ردو يا حبيبتي اني ما نحبش حد يقولي روبين قولي روبي روووبي
رندا: و راس حناك تي شكلك ما شفعتي من ضربت امس
اني : تكلمي باسلوب شن الغجر هذا
رندا : نوضي قدامي خير ما نعفجك توا الحوش فوق راسي و انتي ماده رجليك فاتحة النت
اني : شن تبي اندير معاك
رندا : اني و امي في الكوجينة و ريان الممرات انتي بري لي الحمامات
اني : اععععععع حمام خليني نضم الديار
رندا : النااااس ح يجونا بعدين اما ديار متاعك توا قلت بري لي الحمام
اني : اعععععع قرف
رندا : انجي نردسك توا
اني : لالا خلاص ماشية
رندا : قدامي
و خشيت قعدت نصب في المطهر
ريان : كملتي الشيشه خلاص
اني : به و قعدت نسيق
ريان : الناس تحك قبل
اني : تعالي حكيه
ريان : تي مطهر و تبي تحكي و حق ربي بايره و خدت الصابون و الوراكينه و بدت تحك فيه
اني : اي و توا شن ندير
رندا : شن قلتي
اني : سلامتك حبوبه
رندا : كملي امه و اطلعي لي متع الرجاله
اني : يووووووووه اعععععععععععع
رندا : شن حسك قلتي
اني : شي
رندا : كملي فيسع
اني : بخيت الميه و سيقت الحمام و نظمته و طلعت لي متع الرجاله
و على خشت روان
روان : انتي شن اديري هني
اني : انظف في الحمام
روان : باهي البسي حاجة مستورة شن لابسه هكي
اني : انت شن دخلك فيا
روان : راك في الشارع خشي البسي حاجة
اني : لا اني في الجنان
و كان حمام الرجاله في الجنان البراني
روان : خشي و انتي لسانك ملوي على رقبتك
اني : خشيت و كنت قريب نبكي
ماما : خيرك
اني : روان كشخ عليا
