يدخل شاب في ال35 من عمره
محمود بابتسامه :صباح الخير..... ( ويخرج بطاقة تعريف له) انا المهندس محمود خطاب.. مدير شركات خطاب للمقاولات عندي ميعاد مع حضرتك
ريهام بابتسامة : اهلا وسهلا .... انا كنت منتظره حضرتك اتفضل.. حضرتك تحب تشرب ايه ...
محمود بابتسامه : قهوه مضبوط
تطلب ريهام اتنين قهوه .وتنظر إلى محمود الذي ينظر لها نظرات غريبه
ريهام باستغراب : في حاجه .....حضرتك ليه بتبصلي كده
محمود بابتسامه : انا اسف جدا..... بس الحقيقة لما كلموني عنك ...قالوا هتقابل اصغر مديرة بنك.... فكرت اصغر مديره دي عمرها هيبقى 45 سنه.....وبصراحه اتفاجاءت انك اصغر مني ..... انتي تقريبا عندك 28
ريهام بجديه : وانا قالولي...... ان حضرتك جاي عشان عندك مشروع.... وعاوز دعم البنك ليه.... ممكن الاوراق الخاصة بالمشروع لو سمحت ..
يشعر محمود بالخجل ولكنه يبتسم... ويعطيها الأوراق بدأ محمود يشرح لها المشروع..واصبحوا يتناقشون و يتبادلون الافكار.... وكانوا يبتسمون عندما تكون افكارهم متشابهه.... ومرت ساعتين
ريهام بابتسامه : المشروع جميل جدا.... ولو اتنفذ بنفس الطريقة و الوقت اللي متقدم...... هيكون ناجح ان شاء الله.... انا هاكتب تقرير عنه..... بس قبل ما نأخذ قرار نهائي.... هننزل لجنة من البنك.. تشوف الارض والبناء علي الواقع..
محمود بابتسامه : وانا مستني تلفون منك.... تعرفيني ميعاد زيارة اللجنة
ريهام بابتسامه : ان شاء الله اول ما اقدم التقرير وتيجي الموافقه المبدئية.... البنك هيكلم حضرتك..... ويعرفك ميعاد المعاينة
محمود بابتسامه : ان شاء الله( و ينظر لها باعجاب).. رقم تليفوني معاكي في الكارت... اتمني تبقي تطمنيني..
ريهام بجديه : انا قولت لحضرتك.... اي اخبار موظف من البنك هيتصل ويبلغك ...
يقف محمود بابتسامه :متشكر جدا...... وبجد انا سعيد بالاجتماع دا .....
ريهام بابتسامه : اهلا بيك.... وان شاء الله يكون فيه تعامل بين البنك وشركتكم .... المشروع جميل ويستأهل الدعم
يمد محمود يده ليسلم عليها: حتي لو اترفض... كفاية اني اتعرفت بيكي.... فرصه سعيدة (ويصمت قليل وهو ينظر لها بإعجاب) انا مش عارف اقولك ايه قبل ريهام.... انسه والا مدام
ريهام بجديه : دكتوره... دكتوره ريهام.... انا معايا ماجيستر... وباحضر الدكتوراه...
محمود بابتسامه : رغم ان عندي فضول كبير....اعرف ازاي في السن الصغير دا..... وقدرتي انك تاخد ماجيستر.... وتبقي مديره بنك.... بس انا مش مستعجل... واكيد هنتقابل تاني ونتعرف اكتر على بعض .... سلام مؤقت
