في ليله ممطرة وكان البرد قارس جدا ...
وكالعادة تشاجر الزوجان ..
كانت ليلى امرأة مكافحة وكانت عزيزة نفس ولها شخصية قوية وقد تقدم لخطبتها كثيرون ولم توافق على احد لان غرورها كان اكبر ..
ناهز عمرها الثلاثين وهي تجد في جميع من يتقدم لخطبتها عدم الكفاءة لذلك كانت ترفض .
كثر كلام الناس عنها وانتو تعرفون مجتمع الشرق الاوسط شلون يحجي ..
ضاقت ذرعا من هذا المجتمع التافه الذي ليس له غير القيل والقال . منهم من يقول انها تحب واحد ثاني ومنهم من يقول انها مغروره ومنهم من يقول انها لا تريد الزواج لان فيها عيب ..
جل ما يدور في داخل ليلى هو ان ياتي احد بشخصية وملامح تليق بجمالها وجاذبيتها وشخصيتها لتكون له زوجه وفية ومخلصه. ..
وبعد معاناة من كلام الناس قررت ليلى ان تتزوج اي رجل يتقدم الى خطبتها ومرت الايام دون ان يتقدم لها احد لان الجميع كان يخاف الرفض .
حتى تقدم لها مصطفى ... مصطفى 😱😳
مصطفى كان رجل ضعيف الشخصية ولا يلائمها ابدا ولكنها كانت متخذه قرار في ذاتها انها توافق على اي شخص يتقدم لخطبتها لذلك وافقت ليلى وتم الزواج وسط فرح من اهل ليلى واهل مصطفى ومصطفى ايضا .. ولكن وسط حزن داخلي في خاطر ليلى مصاحب كتمان لذلك الحزن وعزة نفس ..
سارت الايام وليلى تتماشى مع تقلبات مصطفى الشخصيه والنفسيه .. يوم تشوفه زين وياها ويوم صعب المراس وماتعرف شنو شيريد مجرد ان شخصيته جانت هيج
لم يولد الحب بينهما ابدا وبدأت المشاكل تزداد يوما بعد يوم واصبح مصطفى يضرب ليلى ..
وفي يوم ليلى حست هي تعبانه شويه وراحت للطبيب وبعد التحاليل تبين انها حامل .
مرت اشهر الحمل الاولى على ليلى صعبه جدا وكانت في ايامها الاخيره من الحمل وكان الشتاء قد حل والبرد قارس والسماء تمطر ورجع مصطفى للبيت وشاف ليلى تعبانه وعلى ابواب ولاده وكاللها ماكدر اوديج للمستشفى خلي المطر يخف ...
كالتله مصطفى اني اتوجع الله يخليك يا مطر هذا وانته عندك سياره وديني للمستشفى وحجايه منا وحجايه منا وكالعاده انتهى الموضوع بشجار كبير وصار شي جدا صعب ..
مصطفى طرد ليلى من البيت !!! 😔
تخيلو الدنيا شلون بارده ومطر وهي حامل وعلى ابواب ولاده وطردها من البيت 😔 بقت تتوسل بيه وهو مادارلها بال .. اهل ليلى كانو في مدينة ثانيه اتصلت بيهم وكالولها جايين بالطريق بس يتاخرون تقريبا ساعه او ساعه ونص لان بسبب المطر ميكدرون يوصلون بسرعه ..
راحت ليلى وبعد معاناة شديدة جدا وصلت للمستشفى وباب المستشفى ليلى اغمى عليها والناس الطيبين اجو عليها دخلوها للمستشفى .. فتحت عيونها وهي بصالة التوليد والدكتوره يمها والممرضات وكانو يضربون بيها لان لازم تكون واعية بهذا الوقت حته تدفع وتسهل وياهم عمليه الولاده .، وبالفعل ويه الطلگات سمعت صوت الطفل يبچي ورجعت اغمى عليها ..
فتحت عيونها وشافت امها وابوها يمها واخوانها والطفل بحضن امها ..
اخذت الطفل بحظنها ونست كل الالم والمعانات وابتسمت وبعد المغذيات والعلاج رجعت ليلى لصحتها ولعافيتها ورجعت ويه اهلها وطلبت الطلاق ...
عادة لما تصير مشاكل بين الزوجين تكون طبيعيه جدا لذلك واجب المرأة الصالحه ان تحتوي المشكله وتتلافه العواقب وتكون امرأة صالحه لزوجها ولما يكون هو حليم اكيد مينسى هاي تضحيتها لمن يهدا ويقدرها وماينسى موقفها هذا ويخليها على راسه ..
ولكن في الضروف الصعبه مثل وحده حامل وفي ايامها الاخيرة والجو مطر وبرد وكل هاي الضروف اقرب الناس يتخلى عنها لا وفوكاها يطردها من البيت هذا معناه انه ماكو اي امل بالحياة وياه وحفاظا على كرامتها وشخصيتها الانسحاب طيب .. هذا الي فكرت بيه ليلى ..
المطلقه في التعبير المنطقي والمثقف ...: هي عباره عن امرأة مكافحه ولا تقبل بالخضوع لذلك انفصلت عن زوجها حفاظا على كرامتها ..
اما المطلقه في تعبير المجتمع ...: هي عباره عن مطلقه .. بغض النضر عن الضروف .
تحملت ليلى هذا اللقب من المجتمع لاجل كرامتها وكبرياءها .
سمن الطفل علي .. كبر علي وصار في الابتدائيه وكان ذكي جدا جدا جدا وكان فطن وسريع البديهه ولكن كانت اكو مشكله يواجهه ..
بالشارع وبالمدرسه الاصدقاء يصيحوله ابن المطلقه .
ماخذ صفات امه كان قوي الشخصية ولا يهتم لكلماتهم ولكن يكبت بداخله حزن جدا كبير يترجم هذا الحزن في قراءه الكتب وتثقيف نفسه والتعلم والاجتهاد وكان الشي الي يصبره كان عنده صديق يحبه كولش اسمه وليد وكان وليد يجاري علي في الذكاء ويتنافس وياه بالمدرسه ولكن كانو اصدقاء الى درجه جدا مقربه .
مشت الايام وعلي ووليد يتنافسون منو الي يعرف اكثر معلومات .. طبعا اقصد معلومات عامه لان معلومات الدراسه الثنين كانو يعرفوها كولها وكانت درجاتهم لا تقل عن ال٩٩ او ٩٨ بالمية .
ليلى كانت تشوف علي وتشوف ذكاءه وجماله وتنسى هموم الدنيا لذلك كانت تنسى معاناتها وتنسى تحرشات الشباب الها لان هي مطلقه ويتصوروها سهله جدا وكانت تشتغل في صيدلية حته تكدر توفر احتياجات علي وكان علي ايضا بالعطله يشتغل ويساعدها .. كبر علي وخلص الثانوية هو ووليد وطلعو معدل يأهلهم للطبيه وبامتياز وكالعاده بالكليه هم نفس الشي كانو يتنافسون عالتفوق ..
وكان علي وسيم جدا وانيق والف بنيه تتمناه ونسى معاناته ايام الطفوله لان بتفوقه سد حلك اي واحد يحجي عليه ..
يوم من الايام جانو كاعدين على النهر علي ووليد وكعادتهم يروحون يكعدون على نهر دجله ويبدون يسولفون الي بداخلهم ويتاملون ويتناقلون المعلومات من ثقافية وعلميه ومعلومات عامه ..
اتسلسل الحديث الى ان وصل للمزاح وكان المزاح ثقيل .. ووليد بالشقه وبدون ما يكون واعي كال لعلي ابن المطلقه .. وسكت ..
علي هم سكت وفي كلبه الف كلمه وكلمه .. ولكن الكلمات الي بداخله ما ممكن تخرج لصديق عمره وصديق الطفوله لذلك كبتها بداخله ..
لما كانو اطفال المنطقة يدعوه بهذا اللقب كان مايضوج لان يتصورهم اصغر منه عقلا وكان يشوفهم مجرد مرحله وتعدي بس لمن صديق عمره كاله هذا الشي تحمل معاناة عشر اضعاف معانات العادية ..
كاله عن اذنك اروح للبيت ونسى الموضوع وليد وكان يتصور علي ماهتم وانسد الموضوع ..
ثاني يوم علي اجه لوليد وشايل بيده سكين .
كاله اني رحت للطبيب وكالي لازم تجرح نفسك وتنزف شويه وهذا علاجك الوحيد واني ماكدرت اجرح نفسي وانته اخوي وصديقي اريدك تجرحني بايدي 😔
وليد : شنو ؟؟ 😳 انت شدحجي ؟؟ 😳 اني ماممكن اسويها .. انته صديق عمري شلون اجرحك ؟؟ مستحيل مستحييييييل .
بعد الحاح شديد من قبل علي وكاله اني اطلب منك هذا الشي وهو متعمج جاب وياه سكينه حادة جدا لذلك وليد فكر يجرحه شويه بايده ولكن علي حرك ايده عالسكين وصار الجرح جبير جدا .. وطبعا وليد ارتبك وكام يبجي ونقله للمستشفى وضمد الجرح وعالجه ولفه بالضماد ورجعه للبيت ورجعو لحياتهم الطبيعيه ..
نسو الشغله ورجعو لحياتهم الطبيعية وصداقتهم وبعد فترة اسبوعين التئم الجرح واجه علي لوليد كاله وليد اريدك انته تشيل الضماد بنفسك ..
كاله ليش ؟؟
كاله انته صديق عمري وانتهالي عالجتني ووديتني للمتشفى واريدك انته تشيل الضماد .
وبالفعل وليد شال الضماد وشاف الجرح ملتئم ..
علي : ها وليد شتشوف ؟؟
وليد : اشوف الجرح طاب بالعافية حبي 😍
علي : شفت شلون انته جرحتني بالجسم ووديتني للمستشفى وداويتني وكدرت اداويني .؟
بس انته جرحتني جرح ثاني .. جرحتني بكلبي .. وجرح الكلب ميطيب وليد ..
وليد تذكر الكلمه الي كالها لعلي وعرف قصده 😔 نزل راسه وخجل من صديقه وراد يحجي ولكن علي قاطعه ..
لا تخاف وليد اني مزعلان عليك ولا باقي بكلبي واعرف انته ما تقصد بس اني سويت هالشي حته اشوفك جرح الجسم يطيب وجرح الكلب ابد ميطيب وليد 😔
رجعو تحاضنو ورجعو اصدقاء ..
