هلااااو اني اسمي نور
اعرفكم اول شي على عائلتي
اني عندي 3اخوه واني الچبيره ومعندي اخوات
اخواني محمد صف رابع ابتدائي وعلي صف اول ومصطفى عمره 3سنوات
امي زهراء خريجة اعداديه وابويه مهندس كهرباء
عندي عم واحد واثنين عمات
وسبع خوال واثنين خالات
عمي عنده ٣ولد وبنيه
وعمتي الجبيره متزوجه خالي وعدهة ٣ولد
وعمتي الصغيره عدهة ولد وبنيه
اني چبيره الاحفاد ببيت ابويه
بس بيت جدي اهل ماما لاا
اني وحيده معندي اخوات
وماما من جابتني ورا 12 سنه صار محمد
واني مدلله وميرفضولي اي طلب حتى اهل ماما
واولاد خوالي وخالاتي بيهم كبار واكو صغار
بيهم بالجامعات ومتخرجين وبيهم الي بالگماط😂😂
وخوالي كلهم عايشين بيت واحد لان بيت جدي جبير حيل
يعني تقريبا الف متر والحديقه ٢٠٠متر
بيبيتي ام ماما دائما تعزمنه وننلم كلنه بس ما عدا
خالتي بالبصره متزوجه وخوالي اثنين مسافرين
وننلم كل احنه وسوالف وضحك وشقه وتصنيف😂
احنه چنه شله اني وبت خالتي هم وحيده عدهة ٣اخوان وبت خالي
نگعد نسولف اسرارنه وكلشي مشترك بس اني وبت خالتي نحچي رسميات ويه بت خالي لان متضم سر بس شنوو هيه سوالفهة تخرررب ضحك
وچانت علاقتي اكثر بت خالتي لان هيه بيتهم قريب علينه وتجينه دائما لو اروحله وابات يمهة ونخلصهة سوالف هيه اسمهة عذراء
