المقدمة..
اسمي نورا م 95 وعندي خواتي الثنين تقى وتقوى تؤام م 2006
طبعآ ماعندش خوت ماما بعد ماجابتني طولت بعدها جابت خواتي كاين خاطرها في اولاد ، ماما اسمها مريم وبابا اسمه محمد بابا عنده خو واحد وطبعآ مسافر ومنقطع علينا ليه 3 سنوات وماما وحيدة امها وباتها طبعآ ديما ايجيني الباص للجامعة لان بابا يطلع من الساعة 8 صبح ويروح 10 اليل وبابا عصبي بكل...
الحلقة الـ 1 .👇
من ابي الخائن
انا: صباح الخير ماما
ماما: صباح الانوار..تعالي افطري
انا: تأخرت ع الجامعة..😥
طلعت القيت الباص ماشي خفت انعدي ع كرعيا لان الجامعة بعيدة رنيت ع بابا هزبني قالي مش فاضيلك
رديت للحوش وكاين الجو يعي بكل.😧
رقدت من جديد ورديت نضت الساعة 11 القيت 4 مكالمات من صحبتي ميساء..
رديت.. رنيت عليها من جديد قالتلي اليوم الدكتور غايب وروحنا بدري
المهم نزلت لبستّ خواتي للمدرسة وكانن عندهن امتحنات النهائية وجاهن الباص وعدنّ
مشى الوقت جت الساعة 10 ونص بابا مزال ماجى خواتي الـ 2 رقدن وماما رقدت وانا قعدت نقرا لان جو شين والجامعة ضاغطة علينا قعدت لعند الساعة واحد استغربت بابا لحد الان مزال ماجى رنيت عليه مقفل خفت وماجتنش نية نرقد اذن الفجر واعيت ماما قلتلها بابا مزال ماجى
ماما: ليش ماقلتلي من الاول.
انا: كنت نحسابه تو ايجي لاكن الوقت طوول
ماما: رنيتي عليه..؟؟
انا: اها لاكن مقفل..😐
عديت انا رقدت لان الساعة 9 عندي جامعة وضروري انوض 8😧
جى الوقت ونضت لبست وفطرت وبابا مزال ماجى..!!
توكلت ع الله وعديت للجامعة وروحت قريب الـ12 وعطونا جدول الامتحنان النصفية روحت رقدت.. ونضت الـ2 القيت ماما ف الصالة وكأنها امقمعزة ع نار وتقولي باتك مزال ماجى رنيت ع صاحبه قالي من امس غايب ع شغل..!!
تسريع للوقت جت الساعة 11 اليل وكملت قرايتي والجامعة عطتنا عطلة يومين عشان الامتحنات نسمع من الروشن صوت باب سيارة خبط بحتت القيت بابا جى طلعت نجري للماما قلتلها بابا جى
ماما: وين كننت من امس شغلتنا عليك..😐
بابا: ديرولي عشاء ومشى يدوش
انا وماما قعدنا انبحتوا في بعضنا درتله انا عشاء وجت ماما قمعزتّ امعاه
ماما: وين كنت..؟
بابا: كنت ف الشغل لانهم ضغطين علينا
ماما: رقدت وماتبش اتقوله انها رنت ع الشغل لانه تو ايهزب ايقول ليش رنيتوا..
وفي نفس الوقت ماما حست بـ حاجة
جى اليوم الثاني رنتّ عليا ميساء تسأل ع بابا
ميساء: صباح الخيرات
انا: صباح الخير
ميساء: باتك روح للحوش..!؟
انا: اها روح..😥
ميساء: وين كاين..؟
انا: بيني وبينك قال للماما انه كاين ف الشغل وماما رنت عليهم قالولها ان غايب ماجش..؛ وماما حست بـ حاجة
ميساء: انشاءالله خير..شن جو القراية
انا: تمام كملت اول مادة
ميساء: ربي يعاون ..بايات
انا: باي
تقى: صباح الخير
انا: صباحو النور ي العسل😘
تقى: الباص طول علينا..!!
انا: الساعة كم توا..؟
تقى: 11:35😕
انا: خلاص راجي شوية
تقوى: الله اليوم اخر مادة😍
انا: حييي😂 تو اتردن للهرجة والعياط اخرة😂😂
تقى: اقنعي بابا ايشيلنا للأي مكان بعد الامتحنات..
انا: حيي.😐انا بكرة اول مادة امتحنات نصفية..💔😹
تقوى: ي حرااام نحنا كملنا😂
انا: خلاص اطلعن الباص جى😂
تقى: باي
تقوى: باي ديريلنا حلو بعد مانروحو😂
انا: من عيوني😂💖
انا: ماما
ماما: نعم
انا: بابا طلع ولا مزال..😕
ماما: طلع اها😒
انا: كنك..👀
ماما: حاسة ان باتك داير فالطة ولا حاجة..😐
انا: كيف..!!
ماما: امس باتك لما تعشى قعد ع نقال ورقد قريب الـ2 ونص..😕..واليوم طلع من الحوش الساعة 6
انا: اكيدة ي ماما شغل وضغوطات ..😯
وانا مانبش ماما تحس بـ حاجة لانها هيا مش ناقصها فيها ضغط..💔
جت الساعة 12 عديت حطيت الغدا ع نار وماما رقدت من جديد وضلمت الحوش ونضمته..😥
قعدت ع نت كم دقيقة لاني ليا يومين قراية مافتحتش القيت الحوش فاضي ونا ماعندش نية انتغدا طفيت عليه
عديت نقرا وغفيت شوية نضت الساعة 2 وماما مزالت راقدة قلت خليها ترقد شوية تعبانة ..ونبي اندير الحلو عشان خواتي خاطرهن فيه..🙆❤
عديت رنيت ع بابا
انا: اهلين بابا
بابا: نعم
انا: وين قاعد..؟
بابا: عليش
انا: تقى وتقوى اليوم اخر امتحان وخاطرهن في تورتة نقصاتني شوية حجات..😅
بابا: مش فاضي قاعد في الشغل..😑
انا: باهي باي..🌚
عديت للماما
انا: ماما..🙆
ماما: نعم الساعة كم توا..
انا: الساعة 3 اسمعي
ماما: نعم
انا: تقى وتقوى خاطرهن في تورتة وماعندش شوكلاطة ولا موز إلخ....
ماما: تو انعدوا توا انا وياك للمول
انا: وبابا..😐
ماما: مش شورك باتك ايروح عقاب اليل..😑
انا: هيا تو نلبس😂
تسريع الوقت..🍃
وصلنا للمول وخذيت شوكلاطات وموز وفروالة وانواع شوكلاطات و...
تابع....
momh__12
