#لين
بعد ما سمعت الخبر .. محستش بنفسي غير و انا داخله القاعه بتاعت فرحو !!..
اول ما شوفتو كل الي كنت عايزه اعملو اختفي!!و لفيت ضهري و خرجت قعدت بره ف الاوتيل طلبت حاجه اشربها و بعدين لقيت حد حط ايدو علي كتفي
باسم : كنتي فكراني مش هحس بوجودك !!
ضحكت و هو بصلي و هز راسو ب لا
باسم : انا محبتش حد قدك ولا هحب حد غيرك ي لين
انا : تصدق الموقف ده يضحك اوي !! مبروك ي حبيبي !!
باسم قام وقف : انتي الي نهيتي العلاقه مش انا !! انتي الي كنتي بتحطي ف كل طريق حيطه سد .. انتي غريبه ي لين!! بس بحبك
مشي من قدامي و انا عيط ،، هو المؤلم في النهايه ان الحكايه خلصت ولا ان مين الي نهاها !
#فرح
كنت قاعده انا و محسن علي المسرح بس من وراء الكواليس كده 😂
محسن : انا حد عاشق و لقاكي اناا انساان .. عمرري لو الف عام ف عنييكي بلقيني طفل وبلاقيكي دفا و اماان ..
انا وهو : انا عندي لعنيكي كلام محدش غيري ف الدنيا يقولو ف يوم من الايام ليكي او لناس تانيه و لو الكلام اتقال عنييكي ف غربتي موال هخلق منو معني جديد معني فاق كل الخياال ❤
كنا سامعين عبدالله بيغني بره و احنا بنغني معااه😂❤
محسن : طب مش يلا نطلع بقا !!
انا : يلااا بينا
قام و بعدين مدلي ايدو قومني من علي الارض و طلعنا علي المسرح
#احلام
اول يوم ليا ف "واحه سيوه" .. مكان بيجيب راحه نفسيه كده و اهلها طيبين جداا!!❤
كنا قاعدين بليل ف دايره كبيره و مولعين نار ف النص عشان الدنيا ساقعه و عم سيد كان قاعد بيحكلنا عن تاريخ الواحه و الحاجات الي حصلت فيها زمان و اللغه بتاعتهم .. كنت مستمتعه اوي بصراحه .. و كمان حسن قام غني و احنا قعدنا نصقف😂❤
حسن : قالوا تسلي عن المحبوب قلت بمن!! كيف التسلي وفي الاحشاء نيران ان التسلي حرام في مذاهبنا وكيف ارضي بكفر بعد ايمان !! فشارب الخمر يصحو بعد سكررته وشارب الحب طول العمر سكرران❤
كنت بصقف و عماله اضحك و بعدين حسن جيه قعد جمبي و اتكلم مع الولد الي كان جمبي لما قام !! كان شكلو مضايق
حسن : في ايه ي عزيز مالك ؟
عزيز : ليه غنيتها ي حسن
حسن بزعل : مكنش قصدي
قام وسابنا و لقيت حسن بصلي و انا رفعت حواجبي !! 🤷
#فريده
السكرتيره ورتني المكتب بتاعي و مشيت .. دخلت لقيت واحد قاعد علي المكتب التاني و حاطط رجلو علي المكتب و اعتقد بيلعب كاندي كراش .. الله
اول ما شافني قام اتعدل بسرعه وضحك
هو : انتي البنت الجديده ؟
انا بابتسامه : ايوا انا
مدلي ايدو : يوسف
سلمنا علي بعض : فريده
#خديجه
"ورجعت احبك من بعيد لبعيد واذا سالوني قلت :انا ما بحب حدا!! 💔"
كنت بحضر شنطتي مع بنات عمي و كده
ياسمين : اخد انهي بيكيني .. ده ولا ده ؟
عبد الرحمن دخل مره واحده : نعم يااختي !!
ياسمين : انت ازاي تدخل علينا الاوضه كده ياض انت قدر ديچا قالعه 😂💃
انا بصتلها وفتحت بوقي !! و هو قعد يضحك و خرج
انا : ايه الي انتي قولتيه ده ؟
ياسمين : طب والله شكلك بتحبيه !! 🤔
انا : ايه الي بتقوليه ده ي ياسمين بس
خلود دخلت : انتو لسه مخلصتوش
انا و انا بقفل شنطتي : خلصنا خلاص يلا
طلعت و سلمت علي ماما و بابا و نزلنا ركبنا العربيه
---
يارب يكون عجبكو🌸
معلش البارتات قصيره وممله عشان لسه ف الاول بس !!
رايكواا؟💕
Vote&Comment
