#احلام
نزلت الساعه 8 من اوضتي قولت انزل اجيب قهوه و اتمشي لقيت عزيز الولد الغريب ده واقف مديني ضهرو و بيتكلم مع بتاع الريسبشن !! شكل حاجه مش عجباه ،، روحت جبت ليا قهوه و جبتلو و روحت وقفت جمبو و زقيتها نحيتو براحه ف بصلي و ابتسم
عزيز : شكرا ..
انا ضحكتلو : العفوا
سبتو ومشيت .. بقا القمر ده يتقالو شكرا بالطريقه دي !! .. خرجت بره الفندق خالص و ركبت عربيه لحد بئر كده عم سيد قال عليه وروحت لقيت حسن و سهيله هناك
انا : مش قابلت عزيز قبل ما اجي !!
حسن : بجد اتكلمتو ؟
انا : جبتلو قهوه وقالي شكرا بقرف هيهيهي😂💔
حسن : متزعليش منو ده حكايتو طويله
انا : ينفع تحكيلي !! .
حسن : بليل هحكيلك .. تعالي يلا اصورك
#عبدالله
قعدت ازمر بالعربيه تحت و هي جموسه نايمه ف نزلت من العربيه و وطلعتلها فتحت الباب ودخلت لقيت اوضتها معفنه زي كل مره و لمحت علبه سجاير ف روحت قومتها من شعرهاا
انا بقلد حسن حسني : سجاااير تاني ي ذكي !! تاني ي تافهههه
صوتت ف وشي و فكت ايدي من شعرها و نامت تاني ف قمت شيلتها و دخلتها الحمام وقعدت ارش علي وشها مايه و بقلد صوتها
انا : يابني هصحي بكره كده علي 8 ونص اللبس و هجيلك علي المسررح
فرح : بسسس كفااايا ..
انا : يلا اللبسي انا مستنيكي بره
عملتلي كده ☺ و بعدين اخدت علبه السجاير وخرجت و سمعتها بتضحك
وصلنا لقينا محسن قاعد بيظبط حاجه ف الالات و اول ما شافنا ضحك
فرح جريت عليه : بحسسسسسن😌
محسن قعد يضحك و بعدين بدانا البروڤه عشان بكره
#خديجه
"علقت بحبك امالي❤"
كتبتها ف ال Notebook بتاعتي و بعدين الهوا طير باقي الصفحات خلاني اقراهم وقعدت اضحك علي هبلي!!
كنت قاعده بليل خالص ف جنينه الشاليه وشايفه البحر .. صوت البحر حلو اوي💙
حسيت بحد فتح الازاز الي بيطلع ع الجنينه ف بصيت ورايا لقيت عبدالرحمن و يسر و جم قعدو جمبي و عبد الرحمن سند راسو علي الكرسي و اكتئب معايا
عبدالرحمن بصلي : تموتي ف العمق انتي!!
ضحكت ويسر بصتلي و بصتلو
يسر : عيال كئيبه .. انا هقوم اتمشي
مشيت و بعدين بصيت انا و هو لبعض و ضحكنا و بعدين سكتنا تاني
