احببتك منذ الصغر 💞

الحلقة السادسة

اسفة ع التأخير  عندي ظروف و رمضان وقراية
👇👇👇الرواية :-
احمد كان يمشي شاف ريان تتكلم ب التلفون
ريان :- بتجي اليوم ..باهي امتا توصل .. تمام استاحشتك هلبا عاد شهر مشفتكش ...ههههه سلام
احمد جي يجري بغضب :- من كنتي تكلمي 😠
ريان تفاجئت:- به خيرك تعيط 😕
احمد بعصبية :- وكيف تبيني مانعيطش وانتي استاحشتك و بتجي اليوم وهل كلام اه😡
ريان خافت :- اعرف من كنت انكلم بعدين احكم 😒
احمد بهزوة ؛- اكيد حبيبك
ريان :- عرفتك فكرت هكي طول
احمد :- من تاني بتقوليلة هكي
ريان مدتله التلفون :- اشبح هه كنت نكلم في عماد
احمد خدي الهاتف وحط ايده وراء رقبته :- ااسف مش قصدي بس ...😦
ريان قاطعاته ودموعها في عيونها :-  لا عادي عندك  الحق بس اني مستحيل ندير حاجة زي هادي . ومشت تجري
احمد :- ريان استني. غبي طول عمري حمار
#في الصالة
دخلت ريان تجري من بحداهم لدار
مها :- ريان تعالي كملي فطورك
ريان دخلت الدار ومردتش عليها
عبير :- خيرها ريان
رغد :- شفتوها تبكي
تالا:- خيرها توا كان مفها شي
بهاء :- مش كانت تتصل بالك ترا شن سمعت
وائل :- احمد وين بالك يعرف حاجة
عبير ناضت :- لازم نمشي نشوفها . ومشت
دخل احمد وقعمز ع الصالون
زياد :- احمد  احمد (بصوت عالي ) احممممد
احمد نخلع:- بشوية يعن €£¥₩😠
زياد :- ساعة نتكلم وين سارح
احمد :- زياد ورأس امك خليني في حالي
رائد :- خيرك احمد توا كان جوك مليح
احمد ناض طلع وماردش عليه
بهاء :- خيره اهوه
وائل :- امبكري ريان وتوا هو ابديت انشك
تالا :- اي اكيد في حاجة لازم نعرف . وناضت
جوري :- وين ماشية
تالا :- لدار . ومشت
#في الدار
ريان تبكي :- خلاص يا عبير قلتلك مافي شي
عبير حضنت ريان:- به كان مافي شي علاش تبكي
ريان وهي تبكي  :- من ااحمد 😭
دخلت تالا :- واني نقول خيره حتى احمد دخل مش على بعض
عبير :- بسم الله امت جيتي 😳
تالا قعمزت بحدى ريان  :-- به شن دارلك احمد
ريان :- شي
عبير :- هي قولي
ريان :- اللقاني نتكلم بالتلفون ......حكتلهم شن صار
عبير :- به هو شن دخله اتكلمي في حبيبك ولا لا
تالا :- شن شن دخله واضح ان احمد يحب ريان
ريان :- به كان يحبني علاش دار هكي
عبير :- متحملش فكرت انك اتكلمي واحد تاني
تالا :- خلاص ريونة اكيد نادم ع الي داره
عبير :- خلاص حبيبتي هيا نطلعوا لصالة
ناضوا امشوا لصالة
# عند احمد
كان في السيارة :- غبي غبي غبي توا شن بندير كيف بالتسامحني والله لحمار
#في حوش الجد في العشية العيلة كلها اللتمت
مقعمزين في الجنان
مريم :- مال وين احمد
البنات والشباب قعدوا يشوفوا لبعض
رائد :- ااكيد قريب يجي يا عمتي
محمد :- هو وين من بكري طالع
عبد الله :- اي حتى في الجامع الظهر ماشفتاشي
زياد :- عند صاحبه تو بيجي
ليلى :- عند من في الجمعة
وائل :- عند أيوب في الاستراحة
الجد :- خلاص بينه تو يجي
بهاء أشار لجوري تلحقه ودخل
جوري لحقاته :- بهاء
بهاء :- جوجو احمد ميردش ع هاتفه ومش معا صحابه
جوري :- مش حيرجع لن تكلمه ريان
بهاء :- به اقنعاها تكلمه شن بنقولوا لاهلنا كان ماروحش اليوم
جوري :- تو نحاول انقوللها
بهاء قرب منها :- سلم حبيبتي يا ربي 😍
جور بعدت :- هي بهاء راهو يجي حد 😳
بهاء :- بينه عادي  . وهو يقرب
جوري تبعد :- بهاء ارجوك باعد
دخلت رغد :- جوري
انخلعوا التنين وتلفتولها 😨
بهاء :- اخلعتيني يعن₩¥£😡
رغد :- انتم متتحشموش كان دخلت وحدة من عماتي ولا عمامي
بهاء :- اني ابنمشي اندور احمد جوري متنسيش الي قتلك عليه . وطلع
رغد :- شن كنت اديروا
جوري :- مدرنا شي وانتي شن داخله هكي لا احم ولا دستور
رغد :- به شن هو الي قلك عليه
جوري :- قالي قولي لريان تكلم احمد الان مش معا صحابه و مايردش ع الهاتف
رغد :- بس كيف بنقولوا لريان مش حتكلمه
جوري :- قولي للبنات يجوا لدار وتو نتفاهموا. ومشت لدار
# في الجنان
جت رغد قعمزت بحدى تالا :- اسمعي اني بنمشي لدار وانتم الحقوا بالوحدة بش ميركزوش الكبار تمام
تالا :- باهي
امشت رغد بعدين تالا بعدها مها بعدها عبير و ريان
#في الدار
رغد :- هانا الكلنا هنى هيا قولي
جوري :- اسمعوا قالي بهاء احمد تلفونه ميردش عليه ومش معا صحابه ومش حيرجع لو مكلمتاش ريان
الكل شافوا لريان
ريان :- بس منبيش انكلمه
عبير :- ريان ارجوكي شن بنقولوا للكبار كان ماروحش
ريان :- بس..
مها قاطعتها:- لا بس لا بساسة هي ريان بالله عليك
تالا :- ريان فكينا من المشاكل وكلميه
ريان :- أمري الله باهي تو انكلمه
# عند بهاء و وائل في السيارة
وائل :- تيوين امشى هالفرخ وين ابنلقوا امه توا
بهاء :- الصبر وخلاص ... خنكلم زياد ورائد بالك عرفوا وين
وائل :- اي شوفهم
بهاء :- ايوا زياد شن اعرفتوا وين 📲
زياد :- ملقينا شي مش عارف وين امشى
بهاء :- هال¥%$  شن بالنقولوا للكبار توا
زياد :- شوف البنات بالك كلموه
بهاء :- اي تو انشوفهم هي باي . و سكر
وائل :- شن قال
بهاء :- ما لقوشي اتصل بتالا اسئلها كلموه ولا لا
وائل :- تو انشوفها
# عند البنات
جوري عطت النقال لريان :- هي اتصلي
ريان خدت النقال واتصلت
بعد عشرة مرات رد
احمد :- شن تبي يعن ¥£$😡📱
ريان :- احمد وين انت
احمد :- ريان اسف اسحبتك جوري
ريان :- عادي بس انت وين الكل يدور عليك
احمد :- قوليلهم مش مروح إلا بعد سبوع
ريان :- احمد بلا براده شن بنقولوا لاهلك
احمد:- ريان اسف اغلطت مش قصدي انعيط عليك بس ...
ريان قاطعاته :- خلاص احمد مصار شي
احمد :- سامحتيني
ريان :- اي . بس كان ماتروحش مش حنسامحك
احمد :- خلاص امروح توا
ريان :- هي سلام
احمد :- سلام
عبير :- شن قال
ريان :- امروح توا
رغد :- الحمد الله
مها :- تالا نقالك يرن
تالا ردت :- ايوا 📱
وائل :- الو تالا
تالا :- اي من انت
وائل :- اني وائل شن كلمتوا احمد
تالا :- اي كلمنا اهوا مروح توا
وائل :- واخيرا دخنا  وحنى اندوروا
تالا :- انتم وين توا
وائل :- توا في دحمان
تالا :- اها . هي باي
وائل :- باي
# عند وائل وبهاء
بهاء : شن كلموه
وائل :- قالت امروح توا
بهاء :- مال خنكلم رائد و زياد يروحوا
وائل :- أي كلمهم دهشنا الفرخ
بهاء :- ايوا رائد 📱
رائد :- شن القيتوه
بهاء :-  كلموه البنات واهوا مروح
رائد:- تمام هي سلام
بعد شوية وصلوا الولاد الكل لحوش الجد
# في الصالة
امقعمزين العيله ايهدرزوا
...:- السلام عليكم
تالا :- ........😢
# يتبع
------------------------------------
من هو الي جى ؟
شن بيصير بين ريان واحمد ؟
نعرفوا في الحلقة الجاية 😍😘