احببتك منذ الصغر 💞

الحلقة الأولى

تالا:- بهاااء نوض ارفعني للمدرسة بابا امشى لشركة
بهاء:- اوووف بري قولي لزياد ابنرقد 😪
تالا:- باهي ..حي انست انكلم جوري قالت ابنمشي امعاك 😜
بهاء ناض قعمز
تالا :- خلاص خلاص ارقد تو انوض زياد
بهاء :- لا لا تو نرفعكم اني غير اطلعي باش نلبس
تالا :- شن غير رايك تو قلت قولي لزياد🤔
بهاء :- تبي تمشي نلقاك في السيارة ماتبيش ارقدي😐
تالا:-لا لا اركبت ها
ومشت كلمت جوري بعدين طلعت ركبت السيارة و جى بهاء و امشوا لجوري
وصلوا عند جوري
تالا :- نمشي اناداها ونجي
بهاء :- ابسرعه
نزلت تالا نادت جوري و جت هيا اوياها طبعا بهاء من حد ما طلعت جوري و هو عيونه اعلاها
جوري شافت لسيارة :- حي قلتيليش بهاء ابيرفعنا
تالا :-هو ماباش إلا لما قلتله جوري ابتمشي امعايا😉
جوري ضربتها ع كتفها :-باردة . لكن طالع طرف😍
وصلوا السيارة ركبت تالا من قدام و جوري خلف بهاء
جوري :- السلام عليكم
بهاء:- وعليكم السلام . كيف حالك جوري
جوري :-بخير . وانت
بهاء :- مية مية
تالا :- بهاء طالع اتهبل 😗 امم شكلا عندك موعد🤔
بهاء:- عارف روحي 😋
تالا:- غير لا يا العبد الواثق لكن والله اتهبل (شبحت لجوري قاصدا اتحشمها ) مش حق جوجو
جوري من غير وعي كانت سارحة فيه :- اي والله 😍
بهاء اشبحلها في لمراية و ابتسم :- شكرا 😙
جوري فاقت ع روحها و وجها بدي احمرر و تبسط راسها لوطة 😶
طول الطريق و تالا شادة ضحكتها وصلوا للمدرسة و بهاء امشي للحوش تالا أول ما نزلت انفلقت ضحك
جوري (بغضب) :- يا حماااارة . حشمتيني و فوقها تضحكي
تالا منفلقة ضحك من وجه جوري :- هههه خلاص جوجو هههه وجهك قريب يطربق 😂
دخلوا المدرسة و امشوا لساحة
شافتهم نور جتهم تجري حضنتهم:- حي يا كلبات استاحشتكم
(نور صاحبت تالا و جوري جوها ايهبل لاكن طيوبة و عاقلة )
تالا :- حتى انتي ليك وحشة
جوري :- ولله استاحشتك يا فرخة لكن اخنقتيني
نور بعدت اعليهم و تمسح في ادموعها:- خزي يا كلبة
تالا :- حي نور امولية بطة
جوري :- شكلا اسبوعين العطلة كلها خشرة و نوم
نور :- مصحك انتي وياها تو اني بطة
وكملوا باقي الدوام هدرزة شن صار في العطلة بعدها كل وحدة روحت لحوشها
تالا دخلت الحوش :- ماما اني جيت جعانة
حنان (ام تالا ) :- مرحبتين ابنيتي . الغدي واتي بدلي
احوايجك و اتعالي
تالا :- حاضر يا نبع الحنان
زياد :- وانتي ديمة جعانة ما بعد يلي بياخدك
تالا:- انت ما دخلكش 😝
و هي كيف ماشية لدارها يخبط فها واحد
تالا :- خير ابلاك ماتشوفش قدامك 😡
بهاء:-....و كمل اطريقه
تالا :- خيرة هادا ..اعوذ بالله
و ركبت بدلة احوايجها و نزلة اتغدت و غسلة المعين و مشت قيلت
فات اسبوعين مصارش فيهم حاجة مهمة بعدها جت امتحانات الفترة الثانية
تالا :- اوووف توا شن بندير الدرس مش كاتباته نتصل بجوري وخلاص
جوري:- ايوا📱
تالا:- اهلين جوجو كيفك
جوري :- بخير وانتي 😗
تالا :- زي الزفت 😡
جوري:- غير بشوية خيرك فاصلة
تالا:- نفخ الدرس مش كاتباته مفهمتاش و معرفتش انحل الأسئلة 😣
جوري :- باهي تو انجيك انجيبلك كراستي اني كاتباته
تالا:- باهي تمام نستنى فيك
جوري :- سلام
تالا:- سلام
قعدت تالا تقرة لن سمعت الباب يطق 🚪
تالا :- منوا
جوري :- جوري افتحي
تالا فتحت الباب :- اهلين جوجو اتفضلي
جوري :- هاكي المدكرة وانتي امدايرة عزى
تالا :- شكرا 😘. بس لاش متكنطيا 🤔
جوري:-من هل فرخ رائد نفخهالي من بكري و هو يعيط
تالا:- علاش؟
جوري :- تي قتله ابنمشي امعاك قلي 5 ادقيق حتى
وشاحي مندريش اعليه كيف شكله باهي قاية وملقينة
حد لا و فوق هدا يضحك اعليا و يقلي اتقول طالعة من حرب😠
تالا :- غير بشوية وانتي مية كلمة في الثانيه 😰
جوري :-نرفزني ، بهي هيا نقروا في الجنان
تالا :- هي انتي بري توا انجيب الكيكة والقهوة وانجيك
جوري:- باهي هي
طلعت جوري و قعمزت ع الطاولة في الجنان و جابت تالا القهوة ☕و الكيكة 🍰و قعدوا ياكلوا و يقروا وشوي ايهدرزوا
جوري :- نشفتيلي ريقي ابنمشي نشرب😖
تالا :- انتي متعرفيش تشرحي 😑
جوري ناضت ومشت للمطبخ شربت و كيف طالعة من
تخبط في واحد
جوري :- ...😳
#يتبع
زعما من يلي خبطت فيه جوري؟؟
انشالله نعرفوا في الحلقة الجاية