#الدنيا دواره😏

3

خالي..اني طالع بس عندك لغضوا نجي نلقا الحوش فاضي (وطلع و خبط البا)
اني..حسبيا الله ونعم الوكيل فيكم ربي يناقم منكم حسبياا الله ونعم الوكيل فيك اااه يا ربي شن بندير توا ياربي شن بندير وين بنعدي يا ربي وين وين ماعندي حد يا ربي غيرك ياربي ساعدني
الساعه 10 الصبح ريناس كانت راقده في مكان بوها و تبكي و مش عارفه شن ادير بعد ماقاللها خالها هكي شويه والباب انفتح ناضت تجري
خالها..شن قتلك اني شن قتلك
اني..مش حنطلع وهدا حوش بابا انت الي اطلع
خالي قرب مني وشدني من شري ودفني طيحني..توااااا هوااا بتمشي تلمي دبشك و بتنتلفي من هنا فااااهمه ولا فاااهمه توا هوا واني مش طالع لين ادرقي وجهك من هنا
اني..حسبيا الله ونعم الوكيل فيك ربي ينتقم منك
عديت نلم في دبشي واني نبكي ومش عارفه وين نمشي ولا شن ندير وكيد نتصرف خديت شقاقتي كسرتها و خديت لفلوس الي فيها وكان بابا عاطيني 100 دينار قبل ليعدي حطيتهم و طلعت ودمعتي في عيني برقت في خالي
اني..حسبيا الله ونعم الوكيل فيك ياا خااالي حسبياا الله ونعم الوكيل فيك ربي ينتقم منك انشاء الله ماتشوف خير لا دنيا لا اخره
خالي..😏اطلعي اطلعي درقي وجهك و ماتعبيش روحك واتجي للحوش الانه انباع😏
اني..ربي ينتقم منك (وطلعت)
اني..يا ربي كيف بندير وين بنمشي (طلعت تليفوني برقت في الساعه لقيتها الساعه 2) يا ربي ساعدني يا ربي

عند جيراح..
جيراح كان مقعمز يهدرز مع اهله امه و بوه و خواته شويه و ناض
امه..بسم الله خيرك يا وليدي شن فيك
جيراح..لا يا امي شي بس حسيت قلبي انقبض شويه بس
امه..امشي للمستشفى سلم وليدي ليا ايام واني مش مطمنه عليك
جيراح..مافيا شي يمي اطمني كويس اني
رانيا..ههه الي يكدب ربي وين يحطه يا رباب😂
رباب..ههههههههه في النار😂😂
جيراح فنص في رانيا..رانيا سلم وخيتي جيبيلي طاست ميه
رانيا..😂😂يانوحي علي وخيي خايف ندوي مش داويه ره 😂
جيراح فنص فيها..ادوي شن بتدوي يا فرخه😠هااا
رانيا..😂😂حاضر ماما راهو جيرااح ليه فتره قلبه يوجع فييه😂
امه..ووووه علياا وليدي يا ناري والله كنت حاساتك مش كويس ووه عليا
جيراح..توا نوريك يا فرخه انتي
خلاص يا امي والله تكدب عليك مفيا شي والله كويس
امه..امشي للمستشفى سلم وليدي امشي اني ماعندي غيرك
جيراح..حاضر يامي حاضر

عندي اني..الساعه 7 الليل
وقفت علي مطعم و كنت جيعاااانه وخشيت طلبت ماكله و قعمزت نستنا وقعدت انفكر في شن بيصيرلي و نبكي

عند امي
احلام..😏شن انتلفت ريناس من الحوش يا خوي ولا
خالي..😏ايه درقت وجها
احلام..افتكيت منها هالفرخه كنت حاصله فيها
خالي..اني بعت الحوش وهدا حقك هوا 💸
احلام..تم 😏

عند جيراح خش بحدا رانيا
رانيا..هههه😟سلم وخيي يا ربي اسفه والله دويتلها كنت خايفه عليك ره😂😂بس تستاهل كان تصيرلك مره تانيه في الكليه تقعد تعاني😂
جيراح..😠يا حيواانه شن قتلك اني شنووو الهار الاغبر لييش تدويلها قتلك مافيا شي مافيا شي الزح😠
رانيا خافت..😭دويتلها الاني خفت عليك اني كان تصيرلك حاجه كيف بندير اني (وخشت سكرت الدار و سيباته)
جيراح ايدق ع الباب..رانيا رنو حبيبتي خلاص اطلعي اسف الاني علية صوتي معاش تبكي عارفتيني مانتحملش دموعك رنو افتحي
رانيا..😭عدي من بحدايه الحق فيا خفت عليك
جيراح..خلاص به ماله اقعدي توا نعدي لي رباب نقوللها توتي روحها ونقلها للمطعم وانتي اقعدي في الحوش ياا رباااب
رانيا فتحت الباب..هااا مطعم لا خلاص هي سكتت 😊
جيراح..😂مصلحه والله عرفتك بتفتحي هههه امشي جري ديري العشي ههه صدقتها مسكينه😂😂
رانيا قوست فمها وبتبكي
جيراح..لااااالااااا ماتبكيش هي عدي وتي روحك
رانيا..😆هييييي بنمشي للمطعم هييي
جيراح..😂😂ختشه😂😂

اني كملت ايكال و معاش عرفت وين بنمشي قعدت مقعمزه ونبكي و نفكر شن بندير شويه و خشو ولد وبنت يضحكو برقت فيهم وانصدمت😱هيييي دكتووريي شن عندا اهني بس خليت روحي عاديه و مابيتش نتحرك و كان المطعم معبي ومافيش طاوله فاضيه

جيراح يدوي لي صاحب المطعم..لو سمحت نبي طاوله
صاحب المطعم..شوفت عينك مفيش مكان فاضي والله
جيراح..شكرا صحيت هي رانيا نمشو معبي
رانيا قوست فمها..لااا بالله عليك خلينا هنا والله باين عليه حلو بينه نقعمزو مع البنت هديكه بروحها
جيراح..تي شن تدوي انتي لالا شن نقعمز مع بنت هدي
رانيا..😢بالله عليك
جيراح..ربي يطول في عمرك يا روح افف باهي امشي اسأليها هي
رانيا..😆ييي هي تعالا هي نسألوها
رانيا..لو سمحتي عادي نقعمزو بحداك اني وخويه مفيش مكان و اني نبي هنا طبعا كان ماعندكش مانع
اني..لا عادي توا انوض وخودو راحتكم
رانيا..لااا والله تقعدي مكانك هوا
اني..ليش تحلفي باهي هي
و جي جيراح و رانيا
جيراح..هيي ريناس😟
اني..حييي دكتور جيراح😱
رانيا..شكلكم تعرفو بعضكم مشاء الله
اني..ا ا ا لا دكتوري في الكليه
جيراح..اا لا طالبه عندي في الكليه
رانيا..باهي بجوده
رانيا..عادي نسألك سؤال
اني..تفضلي عادي
رانيا..ليش معاك ساكو (شنطه)هنا
اني نزلو دموعي و تقوس فمي و بديت نبكي
رانيا..لالاااا اسفه اسفه علي سؤالي والله معاد تبكي خلاص
اني مسحت دموعي..لاا عادي حبيبتي بينه😿
رانيا..هاكي ميه واسفه ماتجاوبيش بينه بس استغربت اني هدا عليش سالتك
اني..😿عادي توا ندويلك اني بابا توفه (وانهرت و بديت نبكي اكتر)و وماما سيبتني و عدت لي خوالي و خالي لزني من حوشنا و ماعنديش جدود وبابا راس ولد و خوالي مانقدرش نمشيلهم (وزدت نبكي)
جيراح كان يسمع و مركز مع ريناس
رانيا..يا رووووحيي ربي يرحمه حبيبتي وين بتمشي توا به
اني..مش عارفه مش عارفه 😭😭
رانيا..اشش خلاص حبيبتي اهدي اهدي
اني..اسفه كان ضايقتكم هي بنوض اني
رانيا..لاا والله تروحي معانا وتقعدي عندنا
اني..لاا مستحيل مانقدرش
رانيا..لاتقدري والله عادي
اني..لالا مانبيش نضايق حد توا ندبر روحي بينه
رانيا..ماضايقيناش والله نفرحو بيك والله تروحي معانا هيا جيراح نوض
اني..بس
رانيا..مابسش معاش تدوي ولا كلمه هيا جيراح
جيراح كان فاتح فمه من كلام اخته و مادواش ولا كلمه
رانيا.. تي نوض
ناض جيراح وخدي مفتاحه و تليفونه من فوق الطاوله و طلع و طلعن وراه
وصلو في حوشهم و خشو
رانيا..تعالي معاي حبيبتي عدي لي داري بدلي و كان تبي ترتاحي ولا تفرجي وتوا نجيك
اني..😊شكرا بس امك و بوك كيف هكي 😿
رانيا..لالا خلاص معاش تبكي توا بنمشي نكلمهم هي امشي هي (وطلعت)
رانيا ادق علي دار امها وبوها ..ماما بابا عادي نخش
امها..خشي يا رانيا
وخشت
رانيا..بندويلكم موضوع و انشاء الله توافقو
بوها و امها ..انشاء الله خير
رانيا..خير خير اني وجيراح توا عدينا للمطعم و حكتلهم القصه
امها..يا ناريي مسكينه وينها توا
بوها..بس يا بنتي هادي بنت لا نعرفوها لا تعرفنا
رانيا..عادي يا بابا الي بيدير الخير يلقاه والبنت باين عليها كويسه
بوها..بس.......

يتبع..
Qùèèñ řôřô