#الدنيا دواره😏

5

بابا..مش عارف كيف بندير البنت غلط تقعد قدام جيراح هكي بلا وشاح
ماما..بس هيا قالت مش متحجبه فعادي خليها براحتها اسكت اهيا جت
بابا..اهلين بنتي قعمزي
اني..😊
رانيا..😂الحقيقه اني بناخد منك كورسات تعليم كيكات ههه يعني كأنها تورته توا يجي جيراح يستغرب😂😂
جيراح..احم احم سمعت اسمي
رانيا..ايه مخلينا مقلنا عليك
جيراح..هيهيهيهي
ماما..تعال خود قهوه
جيراح..باهي هي صبي يا رباب
رباب..اففف ضروري اني يعني قول لي رانيا بنتفرج اني بيفوتني المسلسل ولا دبر راسك نوض بروحك
جيراح..ركيكه رانيا صبيلي
رانيا..في احلامك نوض بروحك ماخاطريش انوض
اني نضت صبيتله و حطيتله كيكه و اعطيتهلا
جيراح..صحيتي
اني..سلمك
بابا..شن جو الكليه يا جيراح
جيراح..والله باهيا الامتحانات النهائيه بيبدن قريب
رانيا..رنوسه انتي قلتي جيراح دكتور ايقري فيك
اني..اي
رانيا..يعني حتي انتي عندك امتحانات
بابا..اي يابنتي حق كلام رانيا
اني..اي عندي بس بنبطل اني معاش بنمشي
رانيا..خيرك اهوا جيراح كل يوم يمشي امشي معاه
اني..لالا
ماما..اي يابنتي خيرك كملي قرايتك
اني..لالا يا ماما بينه مانبيش نمشي عادي
بابا.. يابنتي ماتتحشميش منا احني او تقولي لا عيب احني زي اهلك ره
اني..يا بابا مش قصت متحشمه بس اني معاش نبي نقرا
بابا..ربي يهديك يا بنتي براحتك
اني..😊
جيراح..غريبه بوي جايب تورته شن صاير
بابا..اني ماجبت شي
رانيا و رباب..😂😂😂ههههه رنوسه دارتها😂😂😂
اني..هههههه مش لهدرجه كيكه عاديه هيا😂
ماما..مشاء الله عليك كيف تعلمتيهن الكيكات هكي
اني..كنت ناخد في كورسات تعليم كيكات
ماما..اهاا الانه مشاء الله بنتها احسن من متع الحلواني
اني..ههه صحتين
جيراح كان ساكت و ايبرق فيا
اني هاتفي رن بس مابيتش نرد و سكرته و عاود اكتر من مره
رانيا..ردي كان تبي عادي ره ماتتحشميش
اني..لا عادي توا نكلمها بعدي لارين صاحبتي هادي
بابا..هي اني نستأدن تصبحو علي خير
ماما..اي حتي اني نايضه معاك هي تصبحو علي خير و رانيا نوضي اغسلي السفره كان بترقدو
رانيا..حاضر
جيراح..حتي اني هي تصبحو علي خير
رانيا و رباب واني..تلاقو خير
اني تليفوني يرن
اني..افف ريان علقت توا معاش بتبطل
رانيا..ههه صاحبتك صح
اني..ايه
رانيا..ههه حيي رباب رقدت ياعليك خميرت نوم ديمه راقده
اني..هههه خليها عادي
نضنا غسلنا السفره متع القهوه و عدينا رقدنا
تاني يوم الصبح
جيراح..

يتبع

Queen roro