هي فتاة مغرورة اد بيها الزمن ليكسر غرورها فاصبحت طيبة ذات جمال رائع . اما هو فتعرض للمجموعة من المشاكل الشيء اللذي جعل قلبه جامد بارد لا يعرف الحب . فكيف سوف ينذمج الاثنان
كانت كتمشي فالدرب او كتشوف فجنبها اول مرة في حياتها دخل لبحال هاذ الاماكن اللي فنضرها قديمة او عامرة بالشفارة . سمعات خطوات شي واحد تابعها مهتماتش صحابها واش توسوسات ولكن مني قربات لاحد البطوات تاع الضوء تأكدات من خلال الضل اللي شافت من وراها . جمعات نفسها باش ترتاح او ضورات بيها الصاك او طلقات رجليها للريح . هي كتجري او هو تابعها حتا تخبات فواحد البلاصة دايرة بحال شي جسر فيه شي كوخ . خرجات راسها باش تشوف واش باقي تابعها . يلاه بغات ضور او هي تلقا واحد الرجل نص وجهو محروق او رقيوق او جسمو عامر بوشوم الشيطان
تخلعات او بدات كطلق عينيها للدموع بحال الشتاء . بكثرة الصدمة لسانها تعقد او هي كتشوف جنوية قدها قداش . للحظة وحدة تمنات الموت خاصة مني غمضات عينيها او تفكرات جميع العذاب اللي داز عليها .قربات عنقها للجنوية باش تموت او تهنا من عذابها اللي لطالما قتلها كل نهار . خاصة انها طفلة مدللة ذات 18 سنة
فلاش باك ~~~~~~~~~~~~~~~~~~
صوت ضحكات مسموع في جميع انحاء القصر . كانت طفلة عندها 13 سنة كتنقز في جميع انحاء القصر و كيف لا او هي البنت الوحيدة لعائلة دكالي مشات باست مامها او بابها اللي كانوا معنقين بعضياتهم او كيشوف منتوج حبهم ملاك اسمها سديم
كانت كتلعب سديم مع اصدقاءها بمناسبة عيد ميلادها لغادي تولي فيه عندها 13 عام . تجمعات مع مامها او بابها او كانوا ضايرين بيها اصدقائها او افراد عائلتها اللي كيحماقوا على سديم . باش تقطع الحلوة يلاه بغات طفي الشمع او هما يتفاجأو بواحد الصوت كان رجولي و لكن طاغي عليه الالم
الشخص : سمممممع اسي دكالي غادي نتاقم فالمستقبل دير هاذي فبالك غادي نتاقم منك او من بنتك او غادي نرض الصاع صاعين
مهتماتش سديم لهضرة الشخص بكثرة مهتمات لتقطب حاجبين بابها او بانوا عليه علامات الغضب . شافت سديم باللي باها دار لاحد رجالوا اشارة باش يجري على الشخص المتطفل اللي قدرات سديم انه تكون عندو 18 سنة
كانت هاذي من بين الذكرات اللي تفكرات سديم بلمح البصر او هي مغمضة عينيها باش تموت او تقتل من طرف هاذ الشخص اللي جاها بحال الرحمة في نظارها . قاطعها على شرودها صوت المجرم كيغوت
المجرم مخلوع او معصب : واااش نتي حمقة بغا تموتي . لا لا نتي مافيهاش مريضة او بغا تلصقي ليا مسبتك
تصدمات سديم من ردة فعل المجرم ما حسات بيه سديم حتى طار من قدامها . شوية حسات سديم بالدم فعنقها او كان كيالم بزاف ولكن محساتش بيه او هي كتفكر في جميع الامها اللي دازو عليها فهاذ العمر . سقطات سديم على رجليها . شنو زعما حتا الموت مبغاتهاش . بقات سديم كتبكي مني تفكرات الماضي ديالها او كي تالات بيها ليام
فلاش باك ~~~~~~~~~~~~~~~~
رجعات من مدرستها اللي كيقراو فيها غار ولاد رجال الاعمال او الوزراء . على الدخلة لقات جدتها حبيبتها اللي لابسة قفطان تكون قيمتو بالملايين عاد طالية عليها الذهب من التحت للفوق او وخا كبر السن محافضة على رشاقتها او بسمتها
سديم بفرح : احححح على الورد او الزين عاوتاني كنبغيك الفنون
الجدة : هاي هاي على العنب عاوتاني ايوى سمح ليا انا وفية للمرحوم وخا مات
سديم : لا صافي جرحتي لي مشاعري . اجي بعدا فين ماما او بابا
الجدة : ماماك فالمول او باباك فالخدمة
سديم : هنا طالعة لبيتي
الجدة : وخا
طلعات سديم لبيتها بدلات حوايج مدرستها اللي كيلزموا عليهم بدلة موحدة . دوشات . نشفات شعرها البني الطويل اللي حريري . مكديرش المكياج نضرا لوجهها الطفولي فبشرتها صافية اما عينيها كبار او رموشها كثيفين . عينيها مزيج بين الاسود او الازرق و ما اروعها عيون . كانت كتامل في راسها او فجمالها بطبيعة الحال بشكل متكبر حتا تلقات اتصال من عند صديقتها مرام
مرام : اهلا الزين
سديم بتكبر : وي
مرام : منطلاقاوش
سديم : شش ممسالياش
مرام : اوووف وخا
سديم : متبقايش تاففي على لالياتك هاذ المرة فلتها ليك حيتاش شركت معاك واحد النهار الماكلة باي // قطعات عليها
مرام : اووووف ايمتا غادي تولي متواضعة هاذ البنت
سديم : هاي هاي هاي ولا اي واحد ايحل علينا فمو . اوووف تكالماي مغاديش نخسر الجو او نعصب راسي باش ماينوضوش ليا التجاعيد
نعسات سديم بعدما دارت الكريمات للذاتها
في الصباح
فاقت سديم لبسات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلات للتحت باست بابها او مامها او جدتها او بقاو كيهضرو او يضحكو . وخا سديم مغرورة او متكبرة الا ان قلبها بيض او كضحك غار مع عائلتها . ودعات عائلتها او مشات للمدرستها مع الشيفور . دوزات حصصها ولكن وخا هكاك قلبها مقبوض عليها ممارتحاش حاسة باللي غادي طرى ليها شي حاجة . كي مشات للساحة لقات . بنت عينيها زرقين دايرة نضاضر . شعرها مسرح بطريقة عشوائية . المهم كوفرة بالنسبة للمستوى تاع
