كوبرا الملك

عذاب

مدرستهم . تقربات منها دسيم او بلا متحس دفعاتها دسيم حتا جات البنت على وجهها مسكينة

دسيم :ههههه لا بزاف ممتيقاش انك من عائلة العمراني او لا عائلتكم سقرامة داكشي علاش جمعات هاذ الثروة

ملاك بحزن او حابسة البكية : انا ما درت ليك واااالوو

سديم شادة  شعر ملاك : بب بلاتي نتي كيفاش تجرئي او تعاودي معايا الهضرة

ماحسات سديم حتا جات دنا او رنا اللي تشفات . دنا قربات من ملاك اللي كانت مخلوعة حيتاش قبل 4 سنوات كانت شخصيتها ضعيفة

دنا بغضب : صافي براكة بعدي من البنت ما دارت ليك والووو

سديم كتقرب من دنا او على ملامحها الشر : نتي الالة دخلي سوق راسك شنو نسيتي ختها اش دارت ليك خطفات ليك صحيبك ناصر واااااع انا منرضاش

//// المهم الى عقلتو باللي رنا خت ملاك تصاحبات مع ناصر اللي كان مصاحب مع دنا فنفس الوقيتة او هو يفضل خت ملاك //

دنا : ماشي سوقك فهمتي حياتي هاذيك اش دخل كر* ها دوي

سديم : مغاديش نهضر معاك و لكن عرفي راسك فالائحة السودء باي

خرجات سديم بتعجرف او تابعينها كليكتها . ركبات مع الشيفور او هي كتوعذ الشر في خاطرها للملاك او دنا

كي وصلات للقصر . لقات بزاف الرجال ملثمين واقفين قدام الباب تاع قصرهم

سديم بتعجب : شكون هاذو

شوية وجهات هضرتها للشيفور

سديم : شوف وقف هنا او نتا دخل للقصر صافي

الشيفور : وخا الالة

نزلات سديم بشكل متخفي نقزات واحد الحيط . دخلات من الباب تاع الكوزينة . كي وصلات للقاعة تاع القصر . لقات مامها او بابها مربوطين او قاعدين على ركابيهم او موجه ليهم السلاح اما جدتها شادها احد الرجال او هي بغات تسخف و لكن اللي نتابهات ليه شي واحد مغطي وجهو او راسم في ايديه جمجمة

اب سديم : اووو شنو بغيتي عندنا زعما نطلبك و الله كانت ليك فهمتي

الشخص : شكون قاليك بغيتك طلبني قوليا فين كاين نور

اب سديم : مسوقكش فهمتي خليها تعيش حياتها واش فهمتيييي

بلا ما يزيد معاه هضرة خرى طلق الشخص الرصاص على اب سديم حتا جا ليه فراسو طلق ثلاتة الرصاصات وجدة ورى وحدة او مع كل وحدة كتموت سديم فروحها

سديم كتبكي : اهئ اهئ لا لا ما يمكنش بابا بابا اهئ اهئ

ام سديم : ياااااااااسيييي .... باقي مكملاتهاش طلق نفس الشخص الرصاص على فمها من وراها عقلها

الشخص : اوووووف صمكتي ليا وذني . شوية وجه لرجالو الهضرة //// ذي عليا هاذ الزمر او حرقهم ////

الجدة : اهئ اهئ لا لا مايمكنش

الشخص : اووووه عندك الزهر حيتاش نتي مامات نور اما كون رى تبعتك ليهم

الجدة : الله ياخد فيك الحق

الشخص بضحكة شر :/ههههههه ماقولتش ليك راه خديت فلوسكم كلها اححح عليا يلاه باااااي

الجدة كتبكي : اهئ اهئ والدي اهئ اهئ لااااا // صخفات الجدة

اما دسيم حبسات البكى او بقات كتشوف في نقطة وحدة وفات مامها او بابها عاد انهم ولاو فقراء . اكبر صدمة تلاقتها

مشا الشخص او حاس براسو نتاصر مع رجالو اما دسيم مسحات دموعها او حاولات تقوي راسها قربات لجداتها . لقات النبض ضعيف . هزاتها او ذاتها للمستشفى . دخلوها للغرفة العمليات بقات شي ثلاتة السوايع حتا خرج لعندها الطبيب

سديم كتبكي : اهئ اهئ قوليا كيف دايرة جدتي

الطبيب بتأسف : بنتي ماعندي منقوليك جدتك الله يرحمها

نزلات سديم على ركابيها ام الطبيب مشا فحالو

سديم : اهئ اهئ لا لا ما يمكنش مايمكنش انا فقدت كلشي ماما بابا  او حتا جدة انا شنو غادي ندير شنو غادي ندير

مشات ملاك للقصر لقات ضاير بيه صحاب الافلاس مهتماتش ليهم سديم هزات شي فلوس تاعها كانت جامعاهم او هزات معاها شي حوايج ديالها او تيليفونها . و لاول مرة في حياتها خدات الطوبيس . بقات كتأمل الحياة كيفاش لعبات عليها الطاكسي اللخر مكانتش تحمل تركب . فبه كي وصلات للمستشفى دفعات الفلوس اللي كانو عندها باش يتكلفو هما بمصاريف الدفن . اما هي بقات غادة في الطريق فذاك الليل حتا حسات بشي حد تابعها او هنا نهاية الفلاش باك

العودة ***********

مسحات سديم الدم اللي كان في عنقها نتيجة اصابتها بالجنوية او قررات تنعس تماك

صبح عليها الصباح

فاقت دسيم لقات راسها حالتها حالة . شوية طاح في بالها الوشم

دسيم : انا مغاضيش نسكت غادي نتاقم و لكن شكون هاذ نور سمعتوا قال للجدة حيتاش بنتك اذن تقدر تكون عمتي اوووووف اش بغاو هاذو منا .

جبدات سديم تيليفونها عيطات على كلشي حتا شي حد مبغا يعاونها من معارف باها هنا تيقنات باللي كلشي قلب وجهو .

سديم : اهئ اهئ بابا ماما ها هي بنتكم الوحيدة او المدللة بوحدها اهئ اهئ

كانت سديم كتبكي او كتشكي او هي كتلعب بقلادتها اللي عطاها ليها بابها نهار كانت عندها 13 سنة

فلاش باك : ************

سديم بحزن : بابا شكون هذاك اللي كان كيغوت

الاب : حتا حاجة المهم هاكي هاذ الهدية

سديم : وااااو عجباتني بزاف

الاب : نهار تكون عندك شي مشكيلة حليها و لكن ماشي دبا

سديم : ولكن جاني الفضول

الاب : حتا يكون عندك شي مشكيل ابنتي

العودة