الجـنـه يـا صـديـقـتي

الاجر 🙌

نبتدي مع بعض يومك كده في رمضان و نشوف ان شاء الله هل بتستغليه صح ولا لأ !!

اول حاجه انتِ مفروض بتصحي من النوم صليتي الفجر بعد ما اتسحرتي تبتدي تقرأي قرآن علي ما الضهر يأذن دا لو انتِ صحيتي قبل الضهر طب لو بعده
... عادي جداً بتتوضي عشان تصلي الضهر و تبتدي تقرآي قرآن و ع فكره ممكن تحفظي ❤ و دي حاجه جميله جداً .... طبعاً فيه اذكار زي التسبيح و التكبير هيبقوا ازاي ... ( استغفار 1000 ، صلاه علي النبي ﷺ 1000 ، لا اله الا الله 100 )
و كهذا .... هتيجي قبل المغرب بـ حاجات بسيطه كده و تبتدي تبقي في خلوه مع ربنا ربع ساعه تدعيه بكل اللي في قلبك و تفضفضي معاه كأنك بتحكيله مشاكلك و تلحي في الدعاء و طبعاً مش محتاجه اذكركم ان دعوة الصائم مستجابه 😉 ادعي بقي في كل اللي نفسك فيه و خلي عندك ثقه في الله انه هيستجيب دعائك و مش هيخيب املك ابداً ❤

طب بالنسبه لأني كسلت عن الطاعه و حاسه ان رمضان بيضيع مني ؟!
ج / دا بسبب انك مش مدركه اهمية و جمال شهر رمضان .. اعظم شهور السنه ... دا الشهر اللي فيه نااس بتستناه عشان تدعي فيه عشان متيقنه ان ربنا هيستجيب دا الشهر اللي الحرف من القرآن فيه بحسنه و الحسنه فيه بعشرة امثالها 😌 دا الشهر اللي الشياطين فيه متسلسله دا الشهر اللي بنروح نصلي فيه التراويح 😉 و ع فكره بقي هقولك علي سر يا جميله .... كل واحد عندنا رمضان بيفكره بحاجه معينه تعرفي رمضان بيفكرني بإيه ؟!
بالتراويح بالنسبه للناس اللي مش بتصليها او بتقول انها في امتحانات و تعبانه و مش هتقدر تصلي كل ده والله صلاة التراويح دي ليه لذه معينه كده اقسم بالله حاجه كده مش هيحس بيها غير اللي بيصليها 😉

طب لو انا عندي ظروف تمنعني من الصلاه او من مسك القرآن اعمل ايه عشان مضيع الايام دي مني و اكون استغلتها علي قد ما اقدر ؟!
ج / هي ممكن الظروف دي تمنعك من الصلاه بس مش هتمنعك من قراءة القرآن !! ازاي ؟!
في كذا تطبيق علي جوجل بلاي لـ ختمة القرآن نزليه ع الفون و ابتدي اقرأي و كملي فيه ختمتك عادي جداً و الاذكار برضه عادي ممكن تستخدمي السبحه او خاتم التسبيح عادي ... الظروف مش هتمنعك غير من الصلاه لكن باقي العبادات ممكن تعمليها... 😌

انا كده تقريباً خلصت الاسئله اللي ممكن تيجي في بال حد بس اكيد مش كلها
فـ لو حد عنده اي اسئله يكتبلي ❤ كومنت ❤  بكده و لو حد عايزني انزل حاجه معينه عن موضوع معين يكتب  علي لوحة الرسايل  🌸

كان معكم من الغرفه 😂😂😂 Naglaa_ebraheem
دمتم في امان الله و السلام عليكم 🌸❤