الجـنـه يـا صـديـقـتي

الحجاب

السلام عليكم حنتكلم عن الحجاب النهارده مرتين يعني بطرقتين طريقتي وطريقة واحده.
يلا نبدأ💫
****
السلام عليكم ورحمة الله وبركاته ازيكم يا عسولات 🌸😍
مش عايزه اتحجب😩😫
احم احم صراحه دا موضوع لازم اتكلم معاه مع البنوتات القمرات 😚 بصوا بقا يا عسلات انتي مش عايزه تتحجبي ليه؟؟🤔🤔
اصل عايزه اتمتع بشبابي شبابي حيروح بالحجاب 😫😫
طب انتي ايه عرفك انك ممكن تخليكي عايشه لبكره🤔🤔ولو وقفتي قدام ربنا حتقوليله ايه؟! ملكيش حجه يا حبيبتي قدام ربنا🙁 بصي بقا يا حبيبتي الحجاب دا حاجه لازم تفتخري بيها 😍دا ربنا عظم شأنك وانك تلبسي ملابس فضفاضه واسعه مش تبين جسمك عارفه البناطيل الي بتلبسيها دلوقتي وانتي ماشيه وكل شاب شايفك ماشيه بيها ليه ترخصي نفسك وتخلي حد يشوف تفاصيل جسمك ليه يا بنوته متقوليش انا صغيره دا انتي تعرفي السيئات الي بتخديها اما كل شاب يبصلك ويفتن بجسمك😞واما بنت صغيره تشوفك وكانت لابسه الحجاب ولابسه لبس واسع تقول حعمل زيها😞 شوفي بقا الذنوب قد ايه انتي دلوقتي حتسئلني انتي دخلتي في اللبس ليه ما انتي كنت بتتكلمي عن الحجاب ايه الي وداكي عن اللبس😒. ثانيه كدا يا سكره مش اللبس برده من الحجاب ولا ايه الحجاب مش طرحه علي الراس وخلاص ☹️ يا سكره بصي يا حبيبتي لو مشيتي مثلا بهدوم واسعه وطولتي الطرحه شويه صغيرين ايه الي حيحصل حتموتي😵😂😂
اولا انتي حترضي ربك.
ثانيا حتكوني ماشيه ملكه زي الملكه وكمان مش حتفتني حد ومش حتخدي سيئات وبصي بقا حقولك سبب ان ربنا فرض علينا الحجاب
اولا عشان يسترنا اللهم انا نسألك الستر يااارب
ثاينا دي حمايه ليكي علي فكره شوفتي الجيل البايظ دا دا حمايه ليكي من شباب الجيل ربنا يهديهم يلا ما علينا شوفتي ربنا يبحبك ازاي😍ليه مش عايزه تسمعي كلامه طب انا عايزه اقولك حاجه الرسول صلي الله عليه وسلم قال:صفان من النار الكاسيات العاريات.
عايزه تبقي منهم ما البنطلون اصلا مبين تفاصيل جسمك كإنك مش
لابسه حاجه عايزه تبقي من اهل النار عايزه تبقي من الكاسيات العاريات😞الي لابسين لبس ضيق والله يا جماعه شبابكوا مش حيضيع دا شبابكوا دا حتي انتوا حتحسوا بسلام داخلي اوي والله 😃 طب انا حقولك حاجه انتي فاكره انك لو عصيتي ربنا حتفرحي لا ابدا علي فكره حتحزني في الدنيا والعذاب في الاخره😢الدنيا دي متستحلش والله خلي هدفك للأخره للجنه لجنة الفردوس ان شاء الله😍🌸.
كدا خلصت الحلقه بس انا عايزه اقول كلمه للعايزه تتلتزم والي ملتزمه جديد بصي انتي حتقبلي عقوبات كتيره من الاهل زي انتي لسا صغيره عامله في نفسك كدا ليه والكلام دا بصي بقا متتأثريش عشان هما مش حيبطلوا ولازم تتحديها وتستعدي وطنشي زي القول الي بيقول طنش عش انتعش😂😂دي جمله رائعه وان الله مع الصابرين😉.
والسلام عليكم ورحمة الله وبركاته 😍🌸#Noor❤️
*******
يلا نشوف محادثه بنوته مع بنوته❤️
-----------------
-آيه
-يا نعم
-كلميني عن الحجاب
-ايواا بقي👏🏻😂
بصي يا ستي ....
الحجاب ده مش مجرد قماشة بتحطيها علي رأسك و خلاص
الحجاب بيعلمنا حاجاات كتير اووي
و الحجاب لازم يكون ليه مواصفات خاصة
-ايوا عارفها ...يكون واسع ..شعري كله متغطي..الطرحة تكون طويلة..ملبس بنطلونات..مش لازم ابين نص دراعي ..صح؟
-براڤو عليكِ طلعتي تعرفي حاجات اهو...
-شكرا..بس بصراحة مش مقتنعة بالي قولته اديني دلائل
-بصي ...هنتكلم عن البنطلونات علشان ديه اكتر حاجة الايام ديه ....كلمة البنطلون شاملة كل انواعه-واسع..ضيق..فاتح..غاق..عليه حاجة طويلة..عليه هدوم قصيرة...في الغردقة..مش في الغردقة-كل انواعه مينفعش اخليه حلال في حاجات و حرام في حاجات! بالنسبة بقي للدليل في حديث الرسول صلي الله عليه و سلام..قولي عليه افضل الصلاة و السلام..
-عليه افضل الصلاة و السلام☺
-لعن الله المتشبهات....يعني ايه يعني بتتشبه بإي حد...و انت لما بتلبسي بنطلون كده بتتشبهي بالرجل ..يعني انتِ دلوقتي ملعونة من الله و كمان بقتي راجل!!
-بس انا توبت خلاص
-و ربنا قابل و هيغفر لك 😇بس قرار و مفهوش راجعة اتفقنا
-اتفقنا
-ممكن تقوللي ايه فايدة الهدوم؟
-فايدة الهدوم🤔 تداري جسمنا و تخفظه وقت البرد
-حلو اووي تداري جسمنا..يعني مش تبينه صح ..طب حضرتك دلوقتي بتلبسي البناطيل الضيقة و ديه الي بتبين تفاصيل جسمك كلها و لا كنك لابسة حاجة و لما تبيني دراعك يبقي انت كده بينتي جسمك اهو!
الحجاب مش معمول علشان يخنقك بالعكس ده معمول علشان يريحك علشان تحسي و انت ماشية ان جسمك متداري محدش عارف انت تخينة و لا رفيعة ما هدومك واسعة مش مبينة حاجة خالص
-بس انا شكلي وحش اووي بالحجاب و اللبس الواسع😔
-مين الي قال كده مفيش حد بيقي بالحجاب شكله وحش يمكن علشان انت ملبستيش الحجاب الشرعي الي ربنا امرنا بيه
و بعدين شكلك ايه وخش بالهدوم الواسعة انتِ هتستهبلي دا انت رفيعة رفع البسي واسع علشان تداري
-ده عود فرنساوي ايش فهمك انت😏
-ماشي يا عم عود..خلينا في موضوعنا
هسألك سؤال ...لو حد بتحبيه جدااا و انت متأكدة انه عايز مصلحتك و طلب منك حاجة هتعملي ايه
-هنفذ و انا مغمضة
-حلو اوووي ...بتحبي ربنا؟
-طبعا
-عارفة ان ربنا خايف عليك و عايز مصلحتك
-اكيد
-ربنا امرك بزي شرعي -لبس واسع لا يصف ولا يشف ...شعرك مش باين ..طرحة طويلة ...مفيش بنلطونات.
..هتنفذي و لا لا
-فهمتك..طبعا هنفذ
-شطورة يا بطة👏🏻
-ثكرا...هو بس كده الحجاب؟
-لا طبعا...الحجاب شكلا و جوهرا
-احم ...مش فاهمة
-عارفة ده طبيعي يا قلبي...بص يا عم
-بصيت
-الحجاب شكلا زي مقولنا من دقتين ...اما جوهرا بقي ديه حاجة كبيرة و ديه بيتبني عليها اذا حجابك صحيح و لا لا
مينفعش تبقي محجبة و بتشتمي!
ميتفعش محجبة و بتكلملي ولاد!
مينفعش محجبة و مش بتنفذي اوامر دينك!
مينفعش محجبة و مش بتصلي!
مينفعش محجبة و بتصاحب و لاد!
مينفعش محجبة و بتنم علي خلق الله!
مينفعش محجبة و مش محترمة!
مينفعش حاجات كتير
الحجاب عامل زي الميزان لازم يكون الكفتين-الشكل و الجوهر-متساوين علشان يكون مظبوط
لازم نوازن بينهم علشان يبقي حجاب صح ميه في الميه
مينفعش يبقي شكل بس بدون جوهر
و مينفعش يبقي جوهر بدون شكل
لو كفة بقت اقل من التانية الميزان بيبوظ 😕 وصلت؟
-#Mariam_EsSam🥀❤