SEXTION

SEXTION FIVE

April.

Pumasok ako ng maaga para hindi makasabay yung mga fangirls ni Frox. Pero kahit ganon, di pa rin maalis ang tingin sa akin ng mga estudyante dito sa lobby. Usap-usapan na kami dito sa school, rather USAP-USAPAN NA AKO DITO SA SCHOOL. What the heck?! Di ko pinangarap maging sikat. Naging sikat nga ako pero in a bad way naman. Bad Image! Hindi ko inasam na mapunta sa ganitong sitwasyon.

"Geez.."

Napansin ko ang pagdami ng tao sa gate habang ako ay nakaupo sa bench dito sa lobby. Akala ko may artista na dumating kaya napatayo ako at sinilip ang pinagkakaguluhan. Malay mo si James Reid! Isang magarang kotse ang nasulyapan ko. Bara-bara syang nag-park at lumabas ang isang gwapong nilalang. Gwapong Nilalang?

"Joooooooosssshhh!" sigaw ng kanyang mga fangirl. Napaupo akong muli at nagkunwaring nagbabasa ng libro nung dumaan sya sa harap ko kasunod ang kanyang mga fans. Tinanggal nya ang shades nya habang naglalakad. Matangkad, matipuno, gwapo, mayaman.... ano pang hahanapin mo? Ano pa--?

"Huy!"

Natigil ang pagpapantasya ko nung biglang lumitaw sa harap ko si Jayson.

"Don't tell me gusto mo na rin si Josh?" Sabi nya habang tinutusok-tusok ang tagiliran ko.

Ano daw?

"Gusto ka dyan?! Ulol," sambit ko at napatawa sya dahil sa reaksyon ko.

"Hahahaha! In denial ka ha," sabi nya at ipinagpatuloy ang pagtusok-tusok sa tagiliran ko. "Aminin mo na kasi!"

"Anong aaminin kung wala naman talaga?" Naiinis na ako dito ha. Hayaan ko na nga lang.

Lumakad na ako papalayo at tinahak na ang landas papuntang classroom. Napansin ko naman sumusunod ang maingay na si Jayson. Umirap ako sa kawalan ng makarating kami sa classroom. Kumpara sa mga unang araw ko dito, di na ako masyadong pinapansin ngayon. Walang masyadong lumalapit. Walang nakikipag-usap. What do you expect? Hindi naman ako nararapat dito. I don't even need them.

I rolled my eyes again when I sat on my chair. Nilagay ko ang earphones ko at nakinig nalang ng music. 2 weeks na rin ang nakalipas at everything's smooth. Di na ako kinausap o nilapitan ni Frox. Okay lang yon. At least my life is peaceful kahit papaano.

Makalipas ang ilang oras, wala pa ring teacher na pumapasok. Ewan ko ba kung bakit mailap ang mga teachers sa section namin. Well, kung wala ako dito, siguradong pinangdirihan ko na 'tong section na ito. Kaso wala eh! Itinadhana akong mapunta dito.

Kanina pa ako nagmamaldita. Di halata noh? Well, masama lang talaga ang gising ko. Nahihirapan na rin kasi akong mag-aral dahil di ako makapag-concentrate. I have so many problems these past few days.

First is my allowance. Nung Monday, binigay sakin ni Mommy ang allowance ko for 2 weeks. Sabi nya ibibigay daw nya sa akin para wala na syang aalalahanin. Sinabi nya din na kailangan ko daw matutong mag-budget kaya ingatan ko daw yung pera ko. That night, pagkauwi ko galing school, I found my wallet missing.

Hinanap ko na sa buong bahay pero walang ako nakitang wallet. Hindi ko pa sinasabi kay Mommy. Buti na nga lang at hindi ako nagco-commute. Nagbabaon rin ako ng lunch para may makakain ako sa school. Hindi naman nahahalata ni Mommy na wala akong pera. Ang hirap lang sa'kin ayokong humihingi ng pera kay Mommy lalo na kung alam kong kasalanan ko kung bakit wala na akong pera.

Ang tanga-tanga ko kasi eh!

"Oo nga, ang tanga-tanga mo!" singit ni Jayson. Nabalik ang utak ko sa real world.

"Ano?!" sigaw ko sa kanya.

"Bakit? Nag-agree lang naman ako sa sinabi mo ha?"

So nasabi ko pala yon. Hindi lang sa isip. Haynako!