جبروت_رجل / الجزء الاول والثاني

بارت ١٦

🌸(حلقه١٦)🌸
🔞🔞

نغم: معقوله يعني اني وعمر راح نصير بمكان واحد وبنفس الغرفه لا لا مستحيل عمر هواي جان ياذيني اوف ياربي والله مابيه بعد عذاب اكيد حياتي ويا راح تصيًر تعيسة

عمر: رحنا اني وشهد ومهدي دنيا شتاء بوقتها نزلنا على صحراء الانبار بقينه ندندن شعلنا نار وكعدنا صارت ب٧ونص كتلهم يله خلي نروح  رحنا لبيتنا وصلنا تقريبا ب٨ونص هيج شي لكينا ابويه منتضرنة ..

ابو عمر: ليش تأخرتوا هلكد
عمر: حجي شهد كالت بس اَْســـــــَِِِمع بصحراء الانبار ومشايفتها بقينا هناك كاعدين
ابو عمر: شهودة انتي ومهدي قبل لا تسافرون اله اونسكم ونسه تسوة العمر
مهدي: اي والله عمي نحتاج هيج ونسه تدري ملتهين بالدوام
ابو عمر : تُدلل مهدي بس خلي نخلص خطوبه عمر
عمر: اول مرة بحياتي احس بنفسي فرحان من صدك احس مرتاح بالي ماخذني الواهس

شهد: دخلت جوة شفت ملكة البنات كلهن حبابات خطيه عائشة وسفانه وفاطمة فرن بيه ورحبن بيه
ورقيه الجبيرة اجت هًوة عمر عندة ٨خوات وكالوا باجرر يجن سمية وأسماء وكلثوم
لمه الحبيبات كلش حلوة وحدة تشكي همها للأخ وحدة تحجي مغامرات جهالها للأخ 

شهد: كلش ندمجت وياهن فدوة العينهن شكد ينحبن بس ام عمر ابددد ملاكلي وضعها كانوا تحجي بنتر
تعشينا وكعدنا بالغرفه الاخيرة مالت الحبايب  رقيه عدها طفل يرضع كعدت يمها اتحسر ع الطفل بقت تدعيلي خطيه الله يرزقني بطفل كعدت وياها نكمط الطفل ونكرز حب وسوت سفانه جاي واجة عثمان وبكر مثل غيث وليث بضبط كعدنا نكت ونضحك ونسولف

مهدي: اول مرة ابرز شخصيتي بالقصه صراحة لان اني وضعي مختلف رجل كلش عادي موضف وزوجتي موضفه مافارغين من البيت للدوام  اكيد الكل كالت معقوله نغم اخوانها مالهم دور بحياتها لا بلعكس دورنا كلش قوي بنغم
بس كولشي جان يصيًر بنغم مانعرف بي لان مرات النسوان يسرن اسرار بينهم يخافن من المشاكل وماينبهن اهل الدار بيها كفاً للمشاكل والنزاعات
الي موضح الي عن حياة نغم جان جدا سطحي وماتعمقت لان نغم مجانت تشكي من شي وكلت اختي فاهمة واكيد حياتها بخير بس توضيح لا أكثر او تنبيه لدور اخوان نغم اما بنسبه لغيث وليث طلاب جامعات وصغار يعتبرون بالعمر دورهم فعال من باب ألمه والاهل

نغم: والله كلبي احسه نار من باب مامطمئنة الوضع عمر وياي ومن باب خوفي من المستقبل ومن باب ماحب عمر اي ماحبه العمر اذاني كلش والله اذكر شلون يكطع الحزام ع ضهري شلون يلقي الفاظ عليه قذرة ومثلني وصخة ورخيصه وتهمني بعلي شلون اخلي عيني بعينه ياربي ليش هيج مدارتاح بحياتي والله تعبت واني عمري ال٢٣سنه مشفت شي بس ضيم

عمر: صعدت الغرفتي شكوو شي يتعلق برغدة كلت للبنات يطلعونه برة الغرفه بزبل يذبونه اريد الغرفه فارغه مجرد فراش انام عليه حتى ملابسي خلوهن ويه  كنتور عثمان وبكر