الضابط والجميله

البارت السادس

#البارت السادس
#الضابط وجميله
#الكاتبه/طيبه الغراوي

مريم:دخلنا اني وحيدر حتى انباركلهم
جان قبل مااوصل انصدم صدمت عمري
مستحيل اعز صديقاتي و حب حياتي
شوكت وليش ويمتى هذا الحجي
مصدومه لادمعه تنزل ولا الرجل تتحرك

حيدر:دخلنا للقاعه ودانمشي اني ومريومتي
وجان توكف فجأه ضلت صافنه بعدين وره شويه
لزمت ايدي وابتسمت وتقدمت
اااخ بويه الحكلي هاي ناويه تموتني

مريم:اتذكرت حجي نور وتذكرت كلشي صار وياي
اي تتهرب مني لان باكت اعز شي عندي
وعلمود ماابين ضعفي وانكساري
لزمت بيد حيدر ورسمت ابتسامه

في بعض الاحيان ...
نبتسم بنكسار...
نشعر اننا لا نملك ذرة مشاعر...
نتجرد من جميع الاحاسيس...

لزمت ايد حيدر وتقربت شويه شويه
واول مشافتني صفنت عليه وضحكت
ضحكت بخباثه
معقوله هاي الجنت اسميها اختي
الجنت اسولفلها كلشي
مع الاسف اي والله
لا والصدمني اكثر وليد يباوع عليه ولا همه شي
دار وجه

مريم:(بصوت مخنوك)
مبرووك الف مبروك يااعز صديقه عندي
تقربت من وليد
مبرووك يا حب حياتي
ضلو صافنين
صدك خل اعرفكم بخطيبي الضابط حيدر ابن شيخ
الشيووخ

نور:هع مو كتلك حبيبي تخونك
وشوف فوكاها جايبه خطيبها متستحي

مريم:والله شوفي منو البينه الميستحي
بس تدري انتي دائما جنتي تاخذين فضلاتي
شكد جنتي تغارين مني واني لان قلبي طيبه
اغلس
بس يله شوفي انتي اخذتي وليد عادي شبعي بي
اخذتي فضلاتي
واني لزمت ايد حيدر اخذت ابن الشيوخ
عفتهم وسحبت حيدر وطلعت من القاعه

حيدر:شنوو ضليت صافن ع حجي مريم
اول مره اشوفها بهاي الحاله حسيتها
مكسوره كلش
وشنو حبيبها وشنو صديقتها مفهمت شي
سكتت من ردت هسه احجي وياها
ركبنا السياره ورحنا
حسيتها مخنوكه من جنت احس بخنكه اروح لشط
العرب اصيح حيييل وارتاح
كمت اخذتها لجسر الجادريه ونزلتها جوا الجسر
كتلها ....

حيدر:عيطي ابجي احجي سوي التريدي
احسبيني مموجود

مريم:من طلعنا للقاعه حسيت مخنوكه اريد اوخرها
اريد ارتاح مادري شكد مشينا بس من وكف ونزلني
وكلي عيطي ابجي احجي
كمت لا اراديا اصيح وكمت اغلط ع نور وليد
كمت ساعه ابجي واعاتب وساعه اضحك واغلط
بعدين حسيت بدوخه مااشوف شي وكعت وبعد مادري شصار

حيدر:هي تعيط واني نار وشب بصدري مادري شسويلها
مفهمت منها ساعه تبجي وتعاتب وساعه تضحك وتغلط
وفجأة اغمى عليها كمت شلتها ورحت للمستشفى

حيدر:دكتور فدوه اغمى عليها افحصها

دكتور:هدي هدي ابني ماشي هسه افحصها