#البارت الثامن
#الضابط والجميله
#الكاتبه/طيبه الغراوي
وليد:هسه اجه دور تتعرفون عليه اني وليد مخلص هندسه كهرباء عمري 23 سنه من بغداد بيتنا بشارع فلسطين عصبي حيييل واغاار حييل وعندي حب تملك تعرفت ع مريم من جنت مرحله ثانيه جانت عبالك طفله هستوها رابع علمي جنت ارتاح من احجي وياه واسمع صوته بس اجتي مده ابتعدت عني عبالي تلعب عليه ولكت غيري عفتها بس جسيت بفراغ كلش جبير ضليت ادز الها مخليت شي مسويتها حتى ترجع اليه حتى هكرت حسابها وهددتها بس تبقى وياي احسها ملكي شي خاص بيه
هي جانت تخاف مني لان اني اهملها وابينلها مااحبه
بس اني فعلا حبيتها خلقه واخلاق وبت ناس من تخرجت من رابع اختفت وهذا شي اذاني ضليت ادز ادز ماكو خلصت هي خامس علمي يله رجعتها ونطيتها كلمه رجال ان تصير الي وفعلا ردتها ام جهالي جنت اضوج حيل واعصب عليها من ولد يحجي وياه لو يتحارش بيه اغاار عليها حيل بس هي تعتبرني بارد مادري ليش المهم ضلت علاقتنا لحد مطبت للكليه وجلبه نور وهمتني ان داتخوني
لان عبالي مريم راح تتغير عليه من تدخل لذلك عصبت ونهيت كلشي ونور جانت تحجي وياي بس متملي الفراغ الي احس بي
اتزوجت نور وكلت بلكي انسى بس تفاجاة بخطتها موتتها من الكتل وطلكتها
طلعت من البيت واني روحي طافره ركبت سياره وضليت اسوق بكل سرعتي وبالي بس مريم اي اني ظلمتها وجذبتها شلون مااثق بيها واني داافكر مااحس الا سياره من جهة اليمين دعمتني وبعد مادري شصار.....
______________________________________
مريم:ثاني يوم حيدر اخذني للمحكمه وصرت مرته شرعا وقانونا اخذني افترينا شويه وكعدنا بمطعم
تغدينا ورجعنا للبيت لكناهم دايحضرون للعزيمه
مقبلوا اساعدهم
حيدر صاحني صعدت فوك ومن فتحت الغرفه جان اشوف حيدر جايب غرفه جديده كولش حلوه لونها ابيض وبيجي السرير ابيض وفرشته بيجي وكنتور سلايت ابيض وبي نقوش بيجي والبردات بيجي وتور بنص ابيض يعني كولش طولش عجبتني
حيدر:شلونها الغرفه ان شاء الله تعجبج
مريم:تجنن عاشت ايدك شوكت جبتها
حيدر:اليوم من طلعنا وصيت اخويه يوسف يروح يجيبها ونصبها
مريم ادري صار زواجنا بسرعه وبلا متلبسين البدله التحلم بيها كل بنيه بس اعدج بس دور سنه ابويه اسويلج عرس الكل يضل يحجي بي
مريم:حيدر مثل ماهو ابوك هو عمي ومثل ابويه وعادي اني مضايجه ع عرس بس اريد اكلك شغله اني مااكدر...
اندك الباب
حيدر:ادخل
حوريه:خويه اجه سيف ويكول اكو زلم بالديوان وجاي ينتظروك
حيدر:ماشي جاي
التفتت ع مريم
مريم بعدين انكمل حجينا
عفتها ونزلت وبالي يمها اخيرا راح اكدر احضنها واتغزل بعيونها واضوك طعم شفايفها
مريم:نزل حيدر وعافني اووف مو وقتها ردت اكله ان
انجل ليله دخله الان اتقبله فكري محصور بس بوليد
4سنين بس افكر بي شلون بين يوم وليله انسى
اووف عفتها ع الله ونزلت كعدت يم ماما وعمتي هناء ضلن يحجن ويعلمن بيه واني مخنوكه شلون ياربي
صبينا العشاء والناس تعشوا وراحوا وامي صعدتني
ولبستني سيت نوم ابيض يفضح اكثر مما يستر
ومكيجتني وسوتلي شعري ونزلت
ضليت كاعده افكر وشلون راح اكله
وره ربع ساعه واجه حيدر
حيدر:رحت للديوان وسلمت ع زلم وباركولي صبوا العشاء واكلوا وره شويه ترخصوا وراحو دخلت للبيت وسلمت ع عماتي وعمامي وعمي ثائر وصاني ع مريم
هم ميدرون مريم روحي شلون ماادير بالي عليها
هسه غير يعفوني بالكوه شلعت نفسي منهم وصعدت
فتحت الباب جان اشوف ملاكي
طالعه جنها فلعة كمر معقوله هذا كله الي ابوب شلابسه هاي ناويه ع موتي اليوم
تقربت يمها جانت مدنكه رفعت راسها وضليت صافن بعيونها وجان تحجي...
مريم:حيدر ممكن احجي وياك بشغله
حيدر:مو وقته هسه خليني مستمتع بهل العيون الحلوه
مريم:حيدر ممكن اتأجل الموضوع مالتنا الان اتعود عليك
حيدر:رفعت حاجبي ياموضوع
مريم:ل ل ليه دخلتنا ممستعده هسه
حيدر:نزلت ايدي كلش ضجت واني الي اتمنى هاي ليله من واني طفل وهسه دكلي ممستعجله
براحتج...
عفتها واخذت خاولي ودخلت للحمام سبحت وطلعت لكيتها متمدده وغافيه
اووف واني شراح يصبرني
طفت الضوه وتمددت يمها وحطيت ايدي ع خصرها وجريتها لحضني وضليت اشم بشعرها ريحتها تسطر
وبعدها غفيت
______________________________________
وليد:فتحت عيني لكيت نفسي بالمستشفى
ااااخ راسي يوجعني اجه الدكتور
الدكتور:الحمدلله ع سلامتك
وليد:شصار دكتور
الدكتور:ماكو شي لتخاف شويه رضوض وايدك ورجبك مكسوره ..
وليد:طلع الدكتور وبالي وفكري يم مريم اااخ يابت قلبي لازم ارجعج ومستحيل استسلم
مشتاقلها نزلت دمعتي من تذكرتها من طبت للقاعه وشلون انصدمت وانهارت ااااخ شسويت اني ارجعها يعني ارجعها
_____________________________________
مريم:كعدت الصبح لكيت خالد حاضني وحاط ايده ع خصري ورجله ع رجلي وحاصرني حيل
ضليت صافنه بوجه ملامحه تجنن شفته مرسومه رسم وحواجبه حتى وهو نايم طابكهن كمت احب عصبيته وخوفه عليه
اتذكرت اليوم الشؤوم زواج نور شلون من نهاريت ضل خايف عليه
كمت لا اراديا وبسته من خده ...بعدين انتبهت
عزززا اني شسويت همزين نايم كمت سحبت نفسي ودخلت للحمام
حيدر:فزيت ع حركه مريم وسويت نفسي بعدني نايم
حسيتها صافنه عليه وجان وره شويه باستني من خدي وانهزمت ههههه كمت من نوم اضحك ع تصرفها
ياربي حنن قلبها عليه طلبتها منك....
______________________________________
هلووو شلونكم اسفه اتأخرت عليكم بس جنت مريضه وهسه كلت خل اكتبلهم خطيه ينتظرون
وهاي احلى بارت لعيونكم😘 ولتنسون تصوتون
وشتتوقعون وليد شراح يسوي
ونور شراح تسوي هل مره انطوني أرائكم
الكاتبه/طيبه الغراوي
أنت تقرأ
الضابط والجميله
ChickLitنحب بصدق ونعطي قلوبنا ان كان لحبيب ام صديق.. ولكن يأتي يوما ويطعنون بنا ونحن لا نفعل شي ... ان كان الحب محرم .. مأحبت زليخه يوسف.. وان كان العشق حرام.. ماعشق قيس ليلى.. القصه تختلف عن القصص سابقه قصه فتاة احبت بصدق وبدأ هذا الحب يكبر رويدا رويدا واص...
