(၇)
ကိစ္စတစ်ခုခုကို မျှော်လင့်ထားပြီး မျှော်လင့်ထားသလောက်ဖြစ်မလာတဲ့အခါ
ကိုယ်ပဲ စိတ်ပျက်အားငယ်ရတာမလား။____________
ညကအိပ်တာနောက်ကျသွားလို့ထင်သည်။ မနက် ၉နာရီလောက်မှ ကျွန်မနိုးလာခဲ့သည်။
အောက်ထပ်ဆင်းလာတော့ မကြီးတောင် ရုံးသွားဖို့ပြင်ဆင်ပြီးနေပြီ။"အော် မယ်မင်းကြီးမ နိုးပြီးလား "
"အင်း မကြီးကရုံးသွားတော့မလို့လား"
"အေးလေ ဘယ်နှစ်နာရီရှိပြီလဲ
အော် ဒါနဲ့ အဖေတို့အမေတို့ဒီနေ့ပြန်လာမယ်တဲ့""ဟုတ်လား "
"အေး အေး မကြီးလည်းသွားတော့မယ် အဖေတို့ဖို့ တစ်ခုခုချက်ထားလိုက်ဦး"
မနက်စာစားပြီး ဟင်းချက်စရာရှိတာ ချက်ပြီးတော့ မနက်၁၁ခွဲပြီ။
စိတ်ထဲမှာမွန်းကြပ်လာသည်မို့ ရေချိုးလိုက်မှအနည်းငယ်သက်သာသွားသလိုလို။
စာကြည့်စားပွဲပေါ်က ဒိုင်ယာရီစာအုပ်လေးက မရေးဖြစ်တာကြာပြီမို့ ဖုန်အနည်းငယ်တောင်တင်နေပြီ။ဒီနေ့ရက်စွဲကို တပ်ကာ ကဗျာတစ်ပုဒ်ချရေးလိုက်မိသည်။ စိတ်ထဲကမွန်းကြပ်မှုတွေအနည်းငယ်များ ပိုသက်သာရာရမလားပေါ့။
ငှက်ကလေး သို့...
အချိန်တန်ရင် ဒီကိုင်းက ခွာမယ်ဆိုတာ
သိထားလည်း မင်း ခိုနားစဉ် တစ်ခဏ
နေပျော်အောင်ထားပေးချင်တယ်တော်ရာမှာ မပျော်ဘဲ နေပျော်ရာမှာ နေချင်တဲ့သူ
ကိုယ်နဲ့ လမ်းချင်း ဘယ်တူပါ့မလဲအရိပ်နေနေ အခက်ချိုးချိုး
မင်း လုပ်သမျှ ကိုယ် ကြည်ဖြူပါတယ်တစ်နေ့
ကိုယ့်ထက် ပိုမိုစိမ်းလန်းတဲ့ သစ်ပင်တစ်ပင်
မင်းတွေ့နိုင်ပါစေငှက်ကလေး ရေ
ခပ်မြင့်မြင့်တော့ မပျံနဲ့ကွယ်
မင်း ပင်ပန်းတဲ့တစ်နေ့
မင်းပဲ ထိခိုက်ခံစားရလိမ့်မယ်