#صحوه_ضمير
مرحبا وياكم رامي مصلاوي الاصل طلعت من الموصل سنه 2003وكت الاحداث ذاك الوكت جنت بعدني صف رابع طلعت وي والدتي وزوجها والدي مستشهد من قبل
ولادتي بحرب من حروب العراق كان ضابط بالجيش المهم طلعنا من العراق واستقرينا بسوريا وكنت عايش احله عيشه كملت دراستي وتوضفت بالاتصالات بسوريه وراتبي محترم مكفيني وجنت مقرر اتزوج سوريه لان كلش حلوات بس تبقه العراقيه الها معزه بالكلب
والدتي روحي من الدنيا وزوجها ممقصر بشي كانما والدي المهم قبل 5سنين صارت الحرب بين الاسد والتنضيم زوج امي التحق بالتنضيم وي صديقه اني ردت اسافر لمصر لان والدتي توفت المن باقي بعد بس زوج امي كعد ويايه ساعه غيرلي المفهوم عن الحياه كلها طبعا ماريد اكولكم شكال وشحجه وشون سوالي غسيل مخ
اني ديانتي للاسف قليله وادتي كان كل هما دراستي ومن النوع السبورت الله يرحمها ولا فد يوم كلتلي صلي عدها المبادئ اهم من الدين لتكذب مو علمود الله يذبك بالنار لا لان عيب ومحد يصدكك
وهكذا هواي شغلات نفس النوع كعدت وي زوجها وحاجاني للاسف انقلبت تماما فهمني انه الدنيا حرب واحنا بوكت الرسول والرسول ديتفرج علينا من سابع سماء يشوفنا منو حيتركه ومنو يلتحق بيه ونطاني ايات قرآنية تثبت هالشي
اقتنعت جدا كلي ابقه وحارب الدنيا زائله مبقه شي عالقيامه بقيت بسوريا ايام وجتي الرتلات مال جيش التنضيم والاسلحه كنت متحمس اقاتل بس من بدو يدرسونه السبي والقتل الاطفال وجهاد النكاح كنت مصدوم فهموني انه الوكت تطور ولازم الاحكام هم تتطور وجهاد النكاح
لازم حته الجندي ميكون محتاج شي جنسيا تقريبا اقتنعت بقيت بسوريا فتره اسبوعين بس لحد هسه مكاتل اي شخص عينوني خليفه على محافضه تمره محافضه صغيره بسوريا صقطت بيد التنضيم
عيني زوج امي واني سلاحي بعده طلقه مضارب بالبدايه جان السقوط سهل حيل محد قاومنا واسن دخلنا بعدها كامت نجي جيوش من العراق وايران ولبنان بدت المقاومه تمره كانت بعيده عن المقاومه المقاومه كانت متمركزه يم السيده زينب والسيده وقيه والسيده سكينه واني بعيد منها وره اسبوع كنت كاعد ببيت فخم متروك من قبل السوريين وكلشي عدي العصر اتصلو بيه بالسوك السبايا كالو سوريا موجودات ديبيعوهن ولازم كل الجيش ياخذ وحده
دخلت للسوك ضليت كاعد انفرج والشباب تشتري وتسحب للبيوت والبنات مدنكات وبيهم كلش صغار بالبدايه معجبني بليل من كنت وحدي تندمت لو مشتري ومتونس هسه وعاقد عليه حالي حال شباب التنضيم ثاني يوم الصبح بلغتهم اذا جابو سبايا ينادوني اني بعدني ممجرب هالشي ممقترب من بنيه ابد ولا حاب كنت ملتهي يمكن كانت تعجبني وحده من الجامعه وره الاحداث سافرت
بليل انجمعنا وي الشباب وكلمن كام يحجي مغامرته وي السبايا واني انحسر كلولي الخليفه ليش مختار متعجبك البنات ()
