معاناتي_كعروس_جدييدة

Part 9

بقا شحال وغاكيتحلف مشا دخل عند لالة لعروسة،لي فاقت مع جيران داخلين عندهم في،لعشية كوتي جاو هل لعريس اتغداو جابو شي لعابات دخلو جيران بقاو العبو شحال سلمو مع لعرسة خرجو ام هل لعريس رجعو مراكش مهم دوزات هاد يومين جمعات لي بغات تجمع خدات نصائح لي بغات تاخد ليوما غاتمشي دوشات جات كوافورة قدات ليها ماكياااج غايمشي معاها غاخالها ومها وختها كبيرا وخالتها قادو كلشي شوانط تا جا باها تيلي من عندهم لي خلاه مصدوم وقاليهم رجعو لدار ماما: امالك اشي عزيز ماتقوليش لي مابقاوش بغاو طفلا هاحي علا شوهتي انا: اومن بعد بلا ماتبقاي تحيحي الحمدلله بشارافي وعراضي ماما: هاهي ناااوي ماعندك زهر يتبنيتي تاقلت جاب ليك بابا: سكتونا ناس راه عندهم موت مات ليه صاحبو ولد خالتو في خطر ماما؛ كاتحس برتيااح ) الله ازحمو بابا: براك من جقلا غاتمشي غي نتي وبنتك علي او خوك هي هاديك توادعت معاهم مشينا شادين طريق مراكش ماوقفناش تاوقفنا عندهم هبطنا علا واحد دار كبيرا تلقات لينا جداه سلمات معانا مو ماكيناش شي بنات عمو دخلنا تا مهدي ماكانش مع ليوم جنازت صاحبو باغين ادفنوه صاحبو روح بروح دخلت حيدت شالي بحكم كاين غاحنا بابا مشا هوا خالي عندهم دخلاتني جداه لبيتي كبير شوي في ناموسية كبيرا ديال شتيف وعالية بيت ملون بي الخضرر غامق في وردات بي الخزي جاواعر ماريو كبير كلو زاجاجات ماكيحشمش باغينا نبانو دخلت حوايجي قاديتهم في ماريو انا بنات عمو الله اعمرها دار دريفات بجوجهم مزوجات قادو معايا داكشي ماما مع جداه كي طيبو لماكلة اصلا ميتة بجوع سالينا لبست،انا بيجامة بسروالها او بنوارها درت،شالي لويت،علي خرجنا مشيت    كوزينة حطو لينا،كلينا كان لحم برقوق طرفنا حني دنيا بقينا كالسين شوي تاجات عدوزتي حبيبتي لي كاتحماااق علي،شافتني خصرات سيفتها مشيت سلمت سلمات عليها تاماما كلسنا حطو ليها تاكل كلات تاشبعات ناضت بدلات عليها لبسات عباية فكحل خارجة جداه: افين غادا عدوزتي: غادا عند ولد ختي مسكين نشوفو جداه: او هاد ناس ماعجبوكش لي جاو مرت ولدك لي ترحبي بيها توريها دار فين غتدا ماكيهموكش عدوزتي؛ باين لي عتبتو كحلة من نهارو بداو بنويح والغوات خليني نمشي حسن لي غالله ينجينا في ليامات جي وصافي خرجات حسيت بكلمتها داخلا لخاطري كي قرطاس وكان ماما لي كاتصبرني وكان هزيت حوايجي زدت خلفة مهم جداه: ماديش عليها ابنيتي رره واخا هكاك قلبها بيض ونتي مولات،لعقل انا: بست ليها اديها عارف،لي كاين اجدة صافي بقينا نهااار كامل جاليل جا بابا وخالي قرو امشيو بليل ديك ساع تاماما بغات تمشي انا: ماما عفاااك كلسي فين غادا شتي لجو كي داير ماما: لا بنتي خليني نمشي راه خليت دوك،هترات ماتعولي عليهم في والو الله ارضى عليك كبري عقلك وتسنطي راجلك وخلي حقو هوا لكبير وكوني حاار وعدك دراع ،صبر ابنتي توما صبر راه ماجيناش ودرنا ديور وصلنا فين وصلنا صبري ابنيتي الله ارضا عليك وتهلاي فراجلك وفخيمتك انا: هنا دموعي مابغتوش اتحبسو عنقتها وكانبكي فراااق صعيب ماكرهتش ديني معاها ونبقا معاهم ماكينش بحال داركم هازين هبالك وحماقك ومحو عليك تخطاء وباغين ليك الخير سلمت علا بابا لي مابخلش علي بنصائح بابا: بسلامة ابنتي وتهلاي فراسك ولي نبغيه عليك الله ارضا عليك مانسمعش منك جبدتي لعار مع شي حد ولا ماسمعتيش كلام راجلك ولا تقبحتي الله ارضا عليك ردي لبااال راسك ودارك وحسني بهاد ناس ابنتي ولي ضراتك بنتي اي ماتكون راه يهزك هاد لكتف وحطك لاخر ولي حكرك غاكوليها لي وتسوخري لور غاهي نتي نبغيك تجوني مرا ونص حمري وجهنا باخلاقك بدراعك صافي ابنتي عنقني وباسني فوق راسي خرج ماصبرتش دخلت لبيت كلست نتنخصص ونبكي ماسخيتش يهم ماقدرتش علا فراقهم مامستعداش لهاد لحياة،تانية ماعرفتش اش غايكون كي غايكونو واش كايتسناني من هنا لقدااام بقيت تاغفيت نعست فقت صباااح بكري نتكسل علا خيوط شمس كاضربني درت مابليش مهدي ادن ماجاش نضت كانت ساعة 7:30 نضت بان لي كلشي ناعس شفت الخبز نصايب ليهم زعما فطور مالقيت والو صايبت كيكة هي لولا درتها في فران جبدت دقيق صايبت مسمن علا حقو وطريقو كي جي مفرتتت تبارك الله خرجت كيكة لا تحرق كملت مسمن صايبت نيت لايجيو نااااس ساليت قاديت صينية وزيت وزبدة فرماج زيتو كوفتير كلشي قاديتو في طباسل عمرت اتاي ناضت جدة جدة؛ ايهاي علا كوطة،( هي حادكة ) الله اعطيك صحة تبارك،الله عليك ولدي تجوج وعرف بيمن تجوج انا: ربي خليك اجدة مشيت قاديت داكشي كلشي تفاجئ مني ههه اودي راني حادكة خاص غامعامن دخلات نيت عدوزتي ابعدا ماكاتسمحش في كرشها انا مشيت نجيب ليهم كيكة لي صايبت دخل مهدي باين فيه معصب وبقا فيه صاحبو شافني زاد دخل لبيتو غمزاتني جدا نتبعو ماقدرتش مي قلت نشجع راسي ونمشي قربت حدا لبيت درت شهيق زفير عاد دخلت لقيتو كي بدل لابس غابوكسر انا: ويلي ويلي درت بزرب غمضت عيني هوا كاع ماداها في ولا حشم تصرف عادي ( ههه واراه مراتو واباااز ) بدل درت