اعادت لي الحياة

اعادت لي الحياة "1"

اسمي تيماء و بتقدرو تنادوني تيم .. عمري 18 سنة كنت ساكن بالاردن صارت مشاكل بالبيت  مع اهلي ف هربت برا ع المانيا ...
شخصياً ما بحب حدا يحكي معي بصيغة المؤنث ابداً بفضل صيغة المذكر ..
انا حدا كثير جذاب بس مش انا الي بحكي هيك عن حالي ..هيك البنات بحكو..
ف خلص انا جذاب و كثير بحب البنات بصراحة 😂😂
دخلت بعلاقات حب كثير مع تقريباً نص بنات المدرسة الي انا فيها ولا وحدة كانت جدية غير وحدة بس ويا ريتها ما صارت جدية ابداً لاني فعلياً نأذيت منها كثير مع اني حبيتها كثير ف صرت اكثر حدا player بالمدرسة بعد الي صار💔.
هون ب المانيا في كثير بنات حلوين بس يا الله ما ارخصهم ..
طبعا انا بس اجيت هون فوق ما انا حدا بخزي صرت حدا بخزي اكثر: شرب و عربدة و سهر لاخر الليل وبنات حوليي بس يا هيك الحياة يا بلاش ...
عايش حياة الكل بتمنى يعيشها . بدون قوانين بدون اهل بدون حدا يتحكم..و نبلش نحكيلكم قصة تيم
لوقت ما شاف وحدة بالسوبر ماركت الي تحت بيته اخدتله عقله...
كان نازل من البيت يجيب باكيت دخان مشان يركز ع الصبح وكانت الدنيا ثلج برا..
فات و شاف بنت اسم الله شو بنت ، يالله ملاك نازل السما 😍
عينه ما نشالت عنها.. هو مش نازل غير يجيب باكيت دخان و لف السوبر ماركت كله مشان يضل شايفها.. طلع وهو جسمه قدامه و عيونه وراه
وهو   اول ما شافها خطرت ع باله اغنية "يا قلبي  الحظ نادى عليك وجبهالك زي ما الحلم كان بيقول حقيقة بجد مش معقول دي هي حبيبتي بالاوصاف"
طلع ع البيت وما شال عينه عنها ابدا .. وضل يراقبها من الشباك و هي لاحظت اكيد بس عملت حالها مش منتبهة ومش مهتمة بس خلص حطها ب راسه..
مرق اسبوع..
تيم بحكي: القرف هلا انه بكرا اول يوم دوام مش حاب اداوم.. جو المدرسة ممل والبنات اول ما بشوفوني بتجمعو و هاي القصص الفارطة ونا قرفان حالي اقسم بالله🙂
بفكر بالدوام و بنفس الوقت بفكر بهديك البنت الي شفتها بالسوبر ماركت و خربطتلي مخي.
يا الله مش راضية تروح من بالي 😶
ثاني يوم..
صحي تيم و مش طايق حاله ما كان حاب يداوم بس فكر انه ممكن يشوف البنت الي ماخدة عقله ف قام اخد شاور و زبط حاله اخر تزبيط و تعطر و طلع..
بلش اول يوم وكالعادة خطاب المديرة بتعرفو اول يوم وهالهبل ...
تيم هو و صاحبه سمير "سميرة" قاعدين بتفرجو عالبنات وانه اذا في بنات جداد  ف لمح تيم وحدة جديدة  واقفة مع المرشدة..
تطلعت المرشدة  على تيم و نادته:تيماء
راحلها وقاعد بحكي بينه و بين  حاله: مش هاي البنت الي شفتها قبل اسبوع و عيونه تلقائي صارو قلوب حب ☺
حكتله المرشدة لتيم:ديري بالك عليها هاي جديدة هون وانتِ اكثر حدا عارفة المدرسة والي فيها بس بدون غبائِك ماشي و المرشدة سحبت حالها و راحت
طبعا تقول اعطته مليون يورو ...  البنت الجديدة هاي ابتسمت ابتسامة بريئة و مدت ايدها تسلم  ع تيم حكت اسمي "جنى" و تيم عرّف عن حاله كمان..
تيم:بالوقت الي بتحبيه خبريني مشان اعرفك ع كل اشي
جنى ابتسمت: اكيد اكيد
تيم بحكي:مرقو اول ثلاث حصص بملل وما لمحت جنى ولا دقيقة استنيت البريك و دورت عليها.. بس شافها تيم راح عندها
تيم: اذا ما عندك اشي هلا تعالي نتمشى  شوي بالمدرسة..
جنى: تمام يلا
بلشو يلفو بالمدرسة و ورجاها كل مكان و ورجاها طلاب مناح انه تمشي معهَ و حذرها من طلاب مش مناح انها  ما تمشي معهم..
خلصو لف بالمدرسة و رن الجرس مشان الحصة الي ضلت فهي ابتسمت ب وجه تيم و حكتله: شكراً ع كل اشي غلبتك معي
طبعاً تيم مفهي و صافن فيها بعدين انتبه ع حاله انه غبي ع و رد عليها ب ابتسامة "ولو اقل واجب "
تيم اكتشف انه عنده حصة مع جنى الي هي لاب الكيمياء مدتها 55 دقيقة بهدول ال 55 دقيقة عين تيم  ما انزاحت عن جنى ثانية حفظ كل حركاتها ..
وهم باللاب والكل مركز فجأة..
انقطعت الكهربا باللاب والبنات بلشو يصرخو  و جنى كانت كتير هادية و عيونها بتدور ع اي حدا تتخبى عنده..
تيم طبعا بس بده يكون قريب منها  راح مسكها من ايدها  و حكالها تعالي معي انا تيم ما تخافي و  هي من الخوف كلبشت ايدها ب ايد تيم و هو مسخسخ..
طلعو برا المختبر وجنى ضلت مغمضة عيونها  و ماسكة ايد تيم و مش قابلة تفلتها ..
ضلو هيك لوصلو الساحة فتحت عيونها جنى تشكرت تيم و باسته ع خده و كالعادة المعتادة ضل صافن..
هو مفهي من البوسة و هي اصلا راحت وهو زي  الحمار واقف  لسا مكانه مش عارف يتحرك بده الموقف يرجع يتكرر ولا فجاة ما لقي غير اشي سلخ رقبته من ورا
الاستاذ بالالماني بما معناه: نوم العوافي حبيبتي اجبلك مخدة و حرام
تيم:اسف اسف مش بقصدي والله
تيم  كان غافي بلاب الكيميا و كان يحلم احلام سعيدة..
جنى لفت وجهها عليه و ضحكت ع هبله و رجعت ركزت..