#روايــة
#هـيـدآ_نـصـيـبي
#الـبـارت_الـخـامـــس
__________√ °^_^
ريان »بعصبية » ممكن تفهمني علاش ماتردش
مروان »» ريان انا مش فاضي ممكن تصكري تلفون توا
ريان »بصوت عالي » شن هو اللي أهم مني يامروان شن هو اللي مخليك مش مدورني
مروان »» تمام هي سلام وصكر
ريان »»بعصبيه »» حيواااااااااان شن هالولد هذا يااربي كيف نحبه اني
-
-
-
-
-
-
محمد ويوسف كالعاده قاعدين في مكانهم المفضل ويهدرزو وهالمكان هو حوش يوسف وعبدو
طبعاا محمد ويوسف وعبدو أصحاب من هما صغار
وعمره ماتفارقوا
وسق »» شدت المصحف ومقعمزه في الصاله تقرا في قرآن سمعت صوت الباب
وسق »» إن شاء الله خير فتحت الباب
إسراء »» تاخد في نفس »» وسق محمد محمد وينه
وسق «« برعشه »» خيره طلع توا شن في
إسراء »» لالا مش محمد بس قيس من أمس مهناش وماما خايفه عليه اتصلي بمحمد يشوفه
وسق »»تنهدت »» خلعتيني باه هي ت نكلمه
مشت بتجيب تلفونها وإدكرت ان هي ومحمد مايتكلموش قالت في خاطرها بنتصل بيه وهو حر يرد مايرد
محمد »» كان ماشي بالسياره رن نقاله رد
وسق »»الو
محمد »» ايوا
وسق»» حبيبي أهلك مشغولين ع قيس
محمد »» حس بقلبه يدق وسرحه في كلمتها »»
وسق »» حولت من جنب إسراء »» الو محمد
محمد «« فاق لنفسه »»هحم ايواه معاك معاك شن تبي
وسق »» اهلك مشغولين ع قيس
محمد »» اوك ت نشوفه
وسق »» تمام هي باي »»صكرت
إسراء »» هاا شن صار
وسق »» قال ت نشوفه
إسراء »» تمام هي تعالي نتغدو لوطه مع بعض
وسق »» تمام نغير حوايجي وننزل نوتي معاك الغدي
اسراء »» اوك انا نازله
-
-
-
-
-
أماا محمد اللي درس سيارته وسرح في كلمة وسق ورااح في ذكرياته مع نبض قلبه ووتينه أية
محمد »» تنهد »» الله يسامحك ياأية
رن نقاله رد بصوت مبحوح
عبدو »» الوو
محمد »» ايواا
عبدو »» تي وين ياصاحب ليا ساعه نستنى
محمد »» سامحني مانقدر نجي
عبدو » حموده فيك شي خيره صوتك
محمد »» تأحمم وعدل صوته» لالا بس شكلي خديت برده
عبدو »» فهم ع صاحبه »» تمام قاعدين الشباب تعاله حتى في الليل
محمد »»» ان شااء الله »صكر
-
-
-
-
-
-
-
وسق »» كيف حالك عميمه
عواطف »» بخير كيف حالك انتي بنيتي
وسق »» الحمدلله كيف صحتك
عواطف »» الحمدلله
وسق »» شن تبي تتغدي اليوم بنطيب انا
عواطف »» ع راحتك اللي تحبيه
وسق »» لا عااد انتي قولي شن تحبي
عواطف »» محمد راجلك يحب الفاصولياء طيبي رز وفاصولياء
وسق »» حاضر
-
-
-
-
-
-
قيس »» مروح من المزرعه متعهم
أنس صاحب قيس »» افتح اغنية باهيه ياراجل
قيس »»غير الاغنيه ع نحبك قولهالي وهو يغني «« نـحـبــك قـولـهـالـي بصوتك سمعهالي ونبي تعاودهالي وذوبني ياغالي
أنس »» مش خسااره فيا كان تعاودها لياا مره اتنين ومية وهلباا كثرهالي
قيس »» ههههه
انس »»بخوف وصدمه »» قييييس شوووف قدامك
-
-
-
-
-----
مروان »» اووف علاش مايرد هالولد زعما فيه شي
رن نقاله »» طلعه ورد الووو
ريان »» مروان
مروان »» تنهد »» نعم
ريان »» ليش هالمعاملة
مروان »» ريان انا مهمووم همومي وصلت حدهاا
ريان »» بخوف »» سلااامتك شن فيك
مروان »» تعبت من هالدنياا تعبت
رياان»» مرواان شن فيك اشغلتني عليك
مروان »»بأســـف »» ريان
ريان »نعمم ياقلب ريان
مروان »»اســف ماعااد نبي نكلمك
ريان »» بصدمه »» كيف
مروان »» زي ماسمعتي اســف صكر
--------------
وسق »» عميمه الغدي واتي بنركب نحط الحوايج في الغساله ونجي نسقي
عواطف » خودي راحتك يابنتي
ركبت وسق لحوشها خشت لدارها واطلع في حوايجها اللي بتغسلهم
جت بتطلع شافت لدولاب محمد وقررت تشوف حوايجه وتغسلهم
فتحت الدولاب تشم في الحوايج
وسق بداخلها يااربي تقول مش حوايج ولد كيف هكي كان الدولاب مرتب ومسااوي والحوايج صنتهم نظيفه مع ترتيبهم لمحت صندوق قربت منه واخداته
سمعت صوت محمد ردت كل شي لمكانه
طلعت وصكرت الدار
محمد شافلها »»قرب منها وشد يدها »» شن قتلك اني انتي مرتي في الورق بس مستحيل في يوم تكوني مرتي غير هكي ولا عمرك ح تخشي لقلبي فاهمه
وسق «« مـصــدومه »» واقفه تشوفله وتتوجع من يدها اللي كان ضاغط عليها
محمد «« اناا مانبيك ومشــ سكت لما شاف الدموع في عيونها »»
قعدو فتره عيونهم في عيون بعض وكانو القلبين ينبضوو بس ماحد فيهم الاتنين فاهم التاني او قادر يفهم السر من وراء زواجهم
محمد «« نزل عيونه وطلع برا الحوش »»
اما وسق اللي كانت واقفه جامده إذگرت ألمها وجرح حــبــيــبــها عــمــر وقصتها مع هالزواج الكئيب طاحت وهي تبكي ع مــاضــيـها والإكـثــر حاضرهـــا 💔
-
-
-
-
-
-
محمد نزل لحوش أهله
محمد »» كيف حالك يما
عواطف »» الحمدلله هاشن كلمت خوك
محمد »» لا مقفل بس اكيد اليوم بيروح من المزرعه
عواطف »» ان شاء الله خير
محمد »» جعاان
عواطف »» اسراء يااسراء
اسراء :نعم ماما
عواطف : سقي لخوك الغدي
اسراء :حاضر هيي
-
-
-
-
-
-
-
ساره »» علوش ماما اهفت
علوش »» نبيس
ساره »» خليك عاقل زي اختك
ميرو »» شافت لامها وابتسمت
علوش »» سااره ميروو اععع
ساره»» كم مره نقولك قول ماما
علوش »» نبيس ساره ساره ساره
ساره »» ت نوريك لما نحرش فيك بوك
علوش »»يبكي»» حتى بابا يقولك ساره علاس يقولكس ماما
ساره «« تضحك »» هههه اني ماما ليك انت وهو عنده ماما
علوش »» بعصبيه »»نبيس هي انتي ساره ساره ساره
ساره »»سمعت صوت الباب»»
هي تحركوو خالكم أحمد جي
علوش يجري فتح الباب
علوش »» حاالوو أحمد
أحمد » علوووش شن الجوو
علوش »» بااهي ني وانت
أحمد »» باه هي أركبوو جري في السياره
ساره »» هههه بكل هالولد
أحمد »» هههه هي عطلنا امي تستنى
-
-
-
-
-
-
-
-
أنس »» قيس قيس فيك شي
قيس »» فتح عيونه »» مات مات الولد مات
انس »» ماندري انزل نشوفوه
قيس فتح الباب ونزل لعند الولد
انس »» فيه نبض الحمدلله
قيس »» تنهد »» الحمدلله
انس »» هي ساعدني نرفعوه للمستشفى
قيس »» هي
قامووا الولد ورفعوه المستشفى
-
-
-
-
-
-
محمد »» يسلمو يديك يما الرز والفاصوليا اطلع طول
عواطف »» بس مش انا اللي طيبته
محمد »» منو
عواطف »» مرتك
محمد »» انصدم »» من قالـها
عواطف » انا قلت انك تحب الفاصوليا وهي طيبتها
محمد »» تنهد »» الحمدلله شبعت
-
-
-
-
-
لا تحزن ياقلبِي فإِنَ الله مــعــنــاا ❤️
ريان مسحت دموعها بآلم من كلاام مروان حب حيــاتهــا عمرها ماتوقعت ان ح يجي يوم ويسيبها حبيبها او يكون سبب دمعتها اللي كان سبب ضحكتها
جمعت انفاسها وناضت صلت وقعدت تدعي لربي انها تقدر تكمل حياتها وماتضعف
-
-
-
يوسف : الو
محمد : ايوا
يوسف : وين مش بتجي
محمد : لا والله ماصارش
يوسف : فيك شي
محمد (تنهد ) لا يوسف مافي شي
يوسف : خيرك ياصاحب
محمد ( بــٓأســف وتنهيدة صدر مخنوق ت نهدرزو بعدين صكر )
فجاءة فتح عيونه شاف ان قدام باب حوشه رجع بينزل بس قرر يطمن عنها
وسق : كانت تبكي وتذكر في ايامها مع عمر وكانت تبي تطمن عنه بس ماقدرت لان تعتبر خيانة
محمد فتح الدار شافلها
تـــلاقو عـــيــونـهـم بس وسق طول حولت عيونها وكأنها ماتبي تشوفه او خافت تزيد تبكي
محمد : قرب منها : هذا كله تبكي لان صارحتك
وسق : ساكته
محمد : جاوبي
وسق : ....
محمد : بعصبيه ) نكلم فيك
وسق (خافت من صوتهه) لا طمن روحك لانك ماتهمني
محمد (شافلها ) متاكده مانهمك
وسق ( بإستهزاء) عندك شك
محمد: وعلاش طيبتي الرز امالا
وسق (شافتله ) ومن قالك انا طيبته
محمد (بإبتسامة )امي
وسق :ماطيبته عشانك طيبته لعمتي بس
محمد : بس امي ماتحبه
وسق : اووف قتلك ماطيبته ليك
محمد (ضحك) ع العموم يسلمو يديك ...طلع
-
سلآَما على عيون تضحكگ ولو ارتكب الحزن فيها ألف مجزره 🌹🌺
______
انتهى البارت
انتظروني في احدااث جديده
وسامحوني ع التاخير بس كان عندي ظرف
الكاتبة رورو
RORO Ashour
