روايـــــَة
هــيــدا نــصـــيــبــي
الــبــارت الــعــاشـــر
.....................
...............
......
...
لا اعلم مايحدث لي وماذا يحدث حولي كل مااعرفه ان نبض قلبي يرهقني !!
#لـيــلا
وسق >> هي انتو ارقدو اهني وتبو اي شي نادوني
اسراء >> باه
ريان >> شافت لوسق بحزن ع حالها
وسق >> فنصت في اختها متع اسكتي
ريان >>تصبحي ع خير
وسق >> ماديروش دوشة محمد بيرقد هي تصبحوو ع خير ردت الباب وطلعت
.
.
.
.
خشت الدار
خدت حوايجها وخشت الحمام "اكرمكم الله " بتغير حوايجها طلعت وشافت محمد راقد ع السرير وواخد راحته
وسق >> محمد حول واني وين بنرقد
محمد >>ارقدي معاهم
وسق >> والله شن حالك انت باهي
محمد >>عاادي قاعده صغيره انتي زيهم
وسق <<بغيض >> سلمكك ياكبير
محمد >> ااي كبير مش زيك
وسق >> بنرفزه>> وبعدين علاش راقد في جيهتي
محمد <<بإبتسامه >>مكر فيك وعارفك مش ح تقدري ديري شي قدامهم
وسق <<تتأفف>> بااارد رااك باااااارد ورقدت
محمد <<ابتســـم من قلبه ع حركاتها >>وغمض عيونه وهوو مش قادر يعرف شعوره او علاش يتعامل معاها هكا
اما وسق >> اللي كان قلبهاا يوجع فيهاا وكانت مش متخايله ان يجي يوم زي هذا وتكون جنب راجل غير عمر
...............
#صـبــاحـــاا
وسق >> هي نوضوو وقت ع المدرسه راه
اسراء >>بنغيب انا
ريان >>لالا نوضي نبي نمشي
اسراء>>بااه هي
وسق >>محمد هي نوض
محمد <<فتح عيونه >>شن في
وسق >>وقت ع عملك وبتوصل البنات
محمد >> اها باه هي
.
.
.
.
.
.
.
.
محمد >> اووف سياارة وقفت
ريان >> لازم نمشي انا
محمد >>علاش
ريان >>عندي امتحان لازم نديره
محمد >> اتصل بعبدو صاحبه >>
عبدو >>صبااح الخير ياساتر شن في متصل الحلو
محمد >>ضحك >>هههه صكر فمكك نبيك توصلني انت وين
عبدو >> كيف طالع تصدق حظك حلو زيك
محمد >>باه هي نستنى
.
.
.
.
ركب محمد و اسراء وريان في السياره
عبدو >>خيرهاا سيارتك
محمد >>وقفت
عبدو >> وين بتمشي
محمد >> ارفعني للمدرسه قبل
عبدو >>شااف في المرايا لعيون ريان وارتبك
ريان >>استغربت علاش يشبحلهاا بس سكتت وخلاص
عبدو >> بداخله <<يااارب تكون هي >> وقف قدام المدرسه
محمد >> هي انزلو
نزلو ريان واسراء
عبدو >> كيف حالك ياصاحب
محمد >>كويس وين يوسف
عبدو >> مشي لحوش اهله وبيرجع الاسبوع الجاي
محمد >> حالكم باهي مش ناقصةم شي
عبدو >>شوفتك ياحلو بس ناقصه
محمد >> هههه ت نجيكم يوم تاني
عبدو >>تسلملي ضحكتك الحلوه
محمد >> بغيض >>عبدوو
عبدوو >>لا تقول عبدو لوو كانت بنت وانا نقولها ياحلوه راه فرحت اما انت ماتستاهل
محمد >> ضربه >>شن قصدك انا بنت
عبدو <<يضحك >>ههههه لالا
...........
....
ساره >> الو
ايوب >>صباح الخير ياقلبي
ساره >>صباح الورد
ايوب >>وتي روحك بنروح بيك
ساره >> باه
.................
........
كم كان الدرس قااسياا لنتعلم ان لا احد يستحق الحــ❤️ــُـب والـثـقـة
.
.
.
.
وسق كسدت بروحهاا في الحوش
ادكرت الصندوق اللي في دولاب محمد
وسق >> هالصندوق غريب فتحاته
كان معبي رسائل وحديده فيها حرف A وسنسله ع اسم أية
وسق >> بصدمة >> كان ديماا يغلط ويقول أية وانا نحسابه يتلخبط في اسمي بس طلع مش اناا
طلع في بنت اسمهاا اية
شافت الرسالة وصور وبدت تقراا
....,{...... محمد انا عاارفه اني غلطت معااك وغلطت هلباا بس ساامحني ماكنت نبي نعيش حياتي بلاك وماكنت نبي نخسرك ياما تمنيت نكون مرتك ونجيب صغاارك
ياما حلمت ان نكون انا وانت راجل ومرته زي ماكنا نلعبو زمان وياما تمنيت نسمع كلمة ماما من صغارنا
اسفه محمد عارفه انك تتوجع
وعارفه ان جرحت قلبك
بس ماكان في يدي شي انا ماكنت نبي نعيش من غيرك
بس الــنــصـــيــب فــــ💔ـــرقـــنا
النصيب كان اقوى مني ومنك
ياما بكيت وقلت من غيره مش ح نعيش وقلت غيره مش ح ناخد بس ماحد سمعني وماحد عدل ولا دور كلامي
اناا اسفه ع كل دمعه نزلت منك وانا السبب فيها انا عارفه انك غامض وبتقول انك عايش بس قلبك مش عايش من غيري
النصيب كان اقوى مني وماقدرت نحتفظ بحبك لياا بس يشهد ربي علياا مش ح ننساك يااحلى حاجه صاارت في حيااتي
نـــحــبــك محمد ....,}...,
وسق <<بدموعهاا >> يااربي نفس قصتي طلع محمد مجروح وهذا سبب تصرفاته وانا اللي نقول انه بارد واناني طلع يحب ومتعذب
تضرب في راسها بيدها >> حماره انا حمارره وربي حمااره ماعرفت نتعامل معااه
الله يعين قلبك ياامحمد ياالله يعينه ع هالوجع
شافت صور كانو صوره هو وأية
وسق << يارووحي بس هو احلا منهاا
شكلها مش حلوو وواضح ماتحباش
وقفت ع المراياا تتأمل في وجهاا
والله انا احلا منهاا
سمعت صوت الباب قامت الورق وصندوق وسكرت دولاب وطلعت
وسق >> مني
قيس >> انا قيس
وسق >>فتحت الباب >> اهلين قيس كيف حالك
قيس << محمد وين
وسق >> طلع من امبكري
قيس << اها ماريتاش
وسق >> والله طلع اتصل بيه
قيس >> باه >>اتصل بمحمد
محمد >>الو
قيس >> وين انت
محمد >>في مستشفى
قيس >> كيف حال عمر
وسق >>شافت لقيس
محمد>> قال الدكتور كويس
قيس >> وين مروان جنبه
وسق <<عيونها قريب يطلعوو >>
محمد >> اي اهو جنبي
قيس >> باه انا جااي صكر
...........
وسق >>واقفه مصدومه >> مروان عمر قال عمر ومروان انا متاكده
يااارب الصبرر بس
....
محمد >> هي نطلعو مروان
مروان >>هي
محمد >>سيارتك وين
مروان >>غاادي تعال نمشولها
.
.
.
.
.
.
.
.
.
وصلو لحوش عمر
نزل مروان ومحمد
مروان >>طقطق ع الباب
مياار >> مني
مروان >>انا مروان
ميار >> شوي بس
ام عمر >>فتحت الباب اهلا ياوليدي
مروان >>كيف حالك خالتي
ام عمر >>الحمدلله
محمد >>يشووف للحوش كان حوشهم حوش عربي قديم حتى السقف بالزينقو
ام عمر >> تشوف لمحمد >>من هذا يامروان
مروان <<هذا
محمد >>قاطع مروان وباس يد
ام عمر >>انا محمد صاحب عمر
مروان <<شافله بإستغراب
ام عمر >> اهلين بيك تفضل خش
محمد >>خش وهو يشوف للحوش
ام عمر >> وين عمر امالا
محمد >> انا بعته عنده شغل برا
ام عمر >> ربي يرزقك ياوليدي
محمد >>الله ايسلمك ياامي
وهكاا قعدو يهدرزو الحاجه ام عمر ومحمد
اماا مروان كان مستغرب من محمد وعلاش يدير هكي
................
.......
ايوب >> هي انا برا اطلعي
ساره >> انزل هدرز
ايوب >> لا اطلعي هي
ساره >> باه سكرت
هي ياصغار اطلعو بابا برا
فوزيه >>العفو خيره ماينزلش يهدرز
ساره >>فكيني منه ياماما
فوزيه >>بسلامة يابنيتي
ساره ركبت في سياره
السلاام عليكم
ايوب >> وعليكم السلام
ساره >>خيرك مانزلتش تهدرز
ايوب >>مستعجل
ساره >>باه
.........
محمد >>انا نستاذنك توا
ام عمر >> ادنك معااك ياوليدي ربي يحميكم
محمد >> الله ايسلمك ياامي
هي مروان
مروان >> هي
طلعوو
.................
قيس في مستشفى
الدكتور >> وين محمد
قيس >>مشى لحوش عمر
الدكتور >> والله هالمحمد مافيش منه
قيس >> اي والله
الدكتور >> شوف ياقيس قريب قتلت الولد دير عقلك في راسك واعقل
قيس <<ان شاء الله بس والله ماغلطت اني هو اللي جي قدامي
الدكتور >>عاارف بس دير بالك انت
قيس >>ان شاء الله
خش محمد >> السلام عليكم
الكل >>وعليكم السلام
الدكتور >>عمر فاق وتقدر تشوفه
مروان >>عادي نشوفه انا
محمد >>خليني نشوفه قبلك
مروان >> تمام
..
..
محمد >>خش السلام عليكم
عمر >>شاف لمحمد >>وعليكم السلام
محمد >>كيف حالك
عمر >>الحمدلله من انت ؟
محمد >>انا اسمي محمد وانا خو اللي ضربك
عمر >>اهااا اسف انا كنت مش بوعيي وقتها
محمد >>الحمدلله ع سلامتك والحمدلله جاتك بسيطة
عمر >>الله ايسلمك
محمد >> اذا تبي شي انا برا
عمر >>تمام
طلع محمد
مروان >> عمر الحمدلله ع سلامتك
عمر <<الله ايسلمك ياصاحب
مروان >>كيف حالك توا
عمر >>بخييرر
مروان >>طلعت من عينهاا
عمر >>هههه جن والعياذ بالله
مروان >> والله اشتقت لضحكتك
عمر >>مروان
مروان >>عيونه
عمر >>نبي نكلم وسق
مروان <<بصدمه >>كيف
عمر >>انا غلطت معاها هلبااا ونبي نعتذر منها بس
مروان >>بس البنت تزوجت
عمر >>انا ماقلت شي غير نبي نعتذر ونسكر
مروان >>عمر
عمر <<قاطعه >> انت قاعد تكلم في ريان
مروان >>لا
عمر >>نبي نكلمها كيف الحل
مروان >>اتصل بريان انت
عمر >> بااه
خش قيس <<السلاام عليكم
عمر ومروان >وعليكم السلام
قيس >>قرب لعمر >>كيف حالك
عمر >>ههههه اهوو دقدقتني وخلاص
قيس <بأسف >>اسف ماكنت نقصد
عمر <<انبصر عليك انا ولا تتأسف
قيس >>ابتسم >>الحمدلله ع سلامتك
عمر >>الله ايسلمك
...........
محمد >> انا طالع توا خليك معاه مروان وقيس تعال نبيك
عمر >>نبي نروح
محمد >>لا مزالك يومين وبعدين بنحطك في حوش صاحبي لين تشفى لان خالتي خيريه قلتلها اني باعتك عمل
عمر >> كيف ومنين عرفت امي
مروان >>طلب مني نمشوو لحوشكم ومشينا
عمر >>علاش
مروان >>قال بيتعرف عليكم
عمر >> اهاا بارك الله فيك محمد
محمد >> وفيك بارك الله خوي
...........
قيس >>بتروح ب اسراء
محمد >> اي هي واخت وسق
قيس >> باه
...........
وسق >>عمتي شن تبي نطيب الغدي
عواطف >>اللي يعجبك
وسق >>عندي اختي انا هي تعالي هدرزي فوق
عواطف >>نصلي الظهر ونجيك
وسق >> باه هي
..........
.
.
.
.
.
.
.
.
.
.
.
.
.
.
.
.
ساره >>شن صنة الدخان هادي
ايوب >>شي انا دخنت
ساره >> مش كنت زرده انت
ايوب >> ااي
ساره >> وكيف دخان والحوش مقلوب
ايوب >>اوووف سااره ماتزيديهاش علياا اللي فياا سااادني
ساره >>ايووب خيرك
ايوب >>شي شي طلع وصكر الباب
عليوه <<يبكي >>
ساره>> خيرك ماما
عليوه <<يبكي >>ساره نحبكس انتي
ساره >>علاش
عليوه <<زعلتي يوب
ساره <<لالا بابا مازعلش
عليوه <<امسي نبيكس نحبكس طلع وصكر الباب زي بوه
ساره >>هههه شن هذاا احرف من ايوب الا ولده
................
وصلوو للحوش
نزلت ريان واسراء
وسق >>اهلا
ريان >>اهلين
وسق >>هي غيرو حوايجكم وتعالو ساعدوني
اسراء >>بااه
....
محمد >>خش السلام عليكم
وسق >> وعليكم السلام
محمد >>ناديتي امي
وسق >>اي قالت بتصلي وبتجي نادي قيس يتغدا
محمد >>باه نزل بيناديه
........
قعمزوو العيلة كلهم يتغدو
عواطف >>يسلموو يدياتك يابنيتي
وسق >>سلمك عميمه
قيس >> يسلموو يديك مرت خوي
وسق >>سلمك
قيس >>خلااص من اليوم الغدي عندك
وسق >>هههه تفضل
محمد <<شافلها بنظره ماعرفتش تفسرها وسق بس خلاها تسكت وخلاص
ريان >> كليتك تبدا الاسبوع الجاي
وسق >>اي بنمشي نزل مواد
ريان >>حتى ساره بدت
وسق >> ت نمشي الخميس نزل مواد
محمد >> ومن بيرفعك
وسق >> شافتله >>كانك مستخصر ترفعني ت يرفعني قيس اصلاا قراب ع بعض كليتي وكليته
محمد <<شافلها >>ومن قالك بتقري
عواطف >>لا ياوليدي من لما خطبتهالك وهي شرطهاا القرايه بس
محمد >> لا ماصارش مافيش قرايه
وسق << ماتبيش ادير مشاكل قدام عمتها واختها سكتت وخلاص >>
عواطف >>لا ماتحشمنيش قدامها >>ارفع مرتك خلي تقراا
محمد <<سكت
.................
انتهى البارت
رايكم مهم عندي
#رورو
