للحب قيود
البارت الثاني
الكاتبه #،طائر بلا تغريد #
نور جنت نايم وما حس غير دكت المبايل
واني نايم رديت
الو منو
الو دكتور اني الظابط اسامه
اهلا وسهلا خير
دكتور تكدر تجينه شويه لمركز الشرطه
هسه
اي هسه لان عرفنه اصحاب السياره وهسه اني راح اروح اجيبهم
يلله ماشي هسه جاي
كمت من الفراش واني مصطور
بدلت وطلعت
في مكان ثاني
وصل الظابط البيت علاء
السلام عليكم
وعليكم السلام خير حظرة الظابط
حظرتك ابو علاء
نعم اني خير
اخي ابنك مطلوب للمركز
خير شنو سوه
هناك تعرف هسه لازم نروح منتظرينه
ابو علاء حاظر هسه اكعده
ابو علاء علاء ولك علاء اكعد نايم لسه والدنيه مكلوبه عليك
علاء جنت نايم واسمع ابوي يرزل ويصيح جنت مطفي من سهرة امس شلت راسي كتله ها شكو
وجعا ولك اكعد غبي
ها كعدة
ولك شمصخم انته
والله ولا مسوي شي
وهاي الشرطه الواكفه بلباب وتريدك ها شعده مشتاقتلك مثلا
علاء من سمعت بطاري الشرطه كمزت وكفت عل جربايه
والله بويه ما مسوي شي بعدين اتذكرت البنيه ظربت كصتي هاااااااا
وجعا شكو شتذكرة
بابا والله احنه لكيناهه مذبوبه بلحاويه
شنيه ولك
بنيه
شلون لكيتو بنيه بلحاويه
اي والله بويه لكيناهه مذبوبه بلحاويه اخذناهه وديناهه للمستشفى
عزه بعينك عل هل دكه منو راح يصدكك
علاء اكلك ياب عود همه شمدريهم اني الي وصلتهه للمستشفى
والله عيني مو كل الناس اغبياء مثلك وما يدرون اكو كامرات
ها يعني شافوني بلكامره
اي شافوك بلكامره ياغبي
علاء اكلك جا هسه شلون شسوي
دكوم بدل عل ما اخابر المحامي حته نجي وراك
اي حباب بابا لتعوفني والله تره هاي اول مره اسوي شي زين بحياتي
والله بابا لو ما مسوي زين احسلك
بلمركز
الظابط اخ علاء الكامرات شافت سيارتك وكفت باب المستشفى ورميت بنيه ومشت صح لو لا
علاء صح دكتور بس والله اني لكيتهه هيج
وين لكيتهه اهدء وحجيلي كولشي
