Bahandi (Mga Balak Ug Panultihon)

Krosing

Sa kadaghang tawo dinhi sa siyudad sa Sugbo,
Siya pa gyod ang akong gikatagbo.
Sa kadaghang agi-anan,
Siya pa gyod ang akong nasugatan.

Maybe you wonder what this is all about,
Ayaw’g kabalaka kay ang inyong balhibo
dili raintawn manlimbawt.
Kay kini, dili bahin sa gugma-gugma sa usa ka tawo.

Kundi bahin kini sa akong pagpanimpalad
Sa siyudad nga dako ug lapad.
Bahin kini sa akong pagpakaihalas
Sa siyudad nga ako dili suheto ug hanas.

Kini laging taga-probinsiya ‘ta
Mangandoy muadto sa siyudad aron makakwarta
Para naa’y ikatabang sa pamilya
Ug dili sad mabuybuyan sa mama ug papa.

Bisan gikulbaan ko og maayo,
Nisakay ko ug bus padulong didto.
Di’ ko maghisgot kung Ceres ba o Librando,
Basta kay ang number: four six zero.

Bitbit ang usa ka gamay’ng bag
Sul-ob ang sapatos, pantalon ug t-shirt nga luag
Ganahan ra gayod ko’g hayahay sa paminaw
Kay kabalo kong dinhi sa siyudad magsigi ko’g lakaw

Nisunod ko’s panon sa mga tawo
Para mugawas na sa terminal sa bus
Ug didto, nakita nako ang mga tawo sa nagkalain-laing akto
Mga taw’ng naningkamot nga sa kapobrehon mahaw-as

Dagko kaayong mga building ang nagpalibot kanako
Murag mabali na akong liog sa akong paghangad ug maayo
Nilingo-lingo ko ug mipadayon sa akong paglakaw
Sa dalan nalang ko nag-focus ug tan-aw

Sa dihang padulong nako ug labang
Sa may dakong poste ko nag-atang
Kung kanus-a mo green ang traffic light
there’s a man across me, he’s wearing a shirt that’s white

He was staring at my direction for the whole time
Nilingi pud ko sa akong palibot pero ako ra gyud isa
Asa naman diay ‘tong mga tawong akong gisundan last time?
Wa’ ko kabantay’ng wa’ na diay sila.

Krosing – ana akong inahan sa probinsya
nga mao na ang tawag sa lugar
Nga duha o daghang mga dalan ang naa
Lugar kung asa ko nahimutang karong orasa.

Ang lalaki sa akong atbang, wa’ gihapon ko lung-i sa pagtan-aw
I am starting to feel uncomfortable
Ako gyung gihinumduman ang mga events nga possible
basin nagkita na ‘mi kaniadto ug nakalimot lang gyud ko.

Pero wa’ gyud koy mahinumduman
Bag-o iyang nawong sa akong panumduman
Maybe, it’s just because he’s friendly
Ingon ani lang gyud ‘guro ang mga taga-siyudad, sosyable.

Sa dinugay nakong huwat, naa na gyud ang akong gipaabot
Ni-green na gyud ang signal, ug nag-ready na ko daan.
Nihunong na sad ang mga sakyanan nga naa sa kadalanan.
Nagsugod na ko ug lakaw paingon sa pikas dalan.

Nakita ko ang lalaki nga nagdagan paingon sa akong nahimutangan
Nganong nagdali man siya nga naa pa man unta’y oras nga gilaan?
Pero sa dihang naa na siya sa akong kiliran,
Iya dayong giilog ang akong bag nga mao ray akong kabtangan.

Wala ko kalihok!
Mura kog nakugang!
Atay uy!
Snatcher man diay ‘tong buang!

Mikalit na lang ug tulo ang akong luha.
Niari ko’s siyudad aron lamang makakwarta
Pero ang quinientos nga mao ray akong dala,
Giapil pa gyud ug kuha niadtong inataya!

Krosing – ana akong inahan sa probinsya
Nga bantayanan ra gyud aning lugara kay ang mga sakyanan
aron dili madisgrasya pero wala ko nainform nga
naa’y mga taw’ng kuhaon ang mga butang nga dili ilaha.

Piste uy! Maayo pa’g mouli na lang sa amoa.
Naa pa man koy usa ka gatos nga gisuksok sa akong bulsa.
Maayo pa ug manginabuhing  malinawn sa probinsya.
Ug magmalipayon kauban akong pamilya.