(3)
المدير: انتوا جدد صح ؟
سمر: ايه
المدير : اي سنه انتوا ؟
شوق : اولى ثانوي
المدير طيب بنسجلكم بس وين ملفاتكم ؟
لينا : بكرا بتجيك كل شي
المدير :طيب وش اساميكم ؟
رنيم نست وقالت بسرعه : انا رنيم
المدير ما سمع زين : هاه وشو ما سمعت
شوق : ايه اسمه ريان وانا ماجد وهذا تركي و هذا محمد
المدير :طيب تركي و محمد و ماجد بفصل وانت يا ريان بفصل
رنيم : نعععم وليش انا بلحالي ! كأني جني لا ابي معهم
المدير عصب : ما فيه مكان بالفصل يكفيك
رنيم بصوت واطي : مالت عليك يا الشايب
المدير سمعها : وشوووو !؟؟؟
رنيم : ناظرته بطرف عين لا سلامتك
المدير قال للمراقب ودهم لفصولهم
وراحوا
المدير راح للوكيل وقال : تصدق اول مره اشوف عيال يهبلون <<< ههههه مايدري انهم بنات
الوكيل : ايه شكلي بخطب لبنتي واحد منهم
عند البنات
طقت لينا باب الفصل بقوه
الاستاذ : وجععع وش ذا الطق نعم وش تبون ؟
لينا : وجع يوجعك حنا جدد و هذا فصلنا بعدين وش ذا الترحيب!
الطلاب فقعوا ضحك لان الاستاذ تفشل
الاستاذ : طيب تفضلوا وش اساميكم
سمر : انا محمد وهذا تركي وهذا ماجد
دخلوا
واحد من الطلاب قال لخويه : هييه انت شفهم يهبلون يا لبيه اول مره اشوف عيال مثل كذا
خويه: ايه صدقت
راحوا البنات جلسوا ورااء اخر شي
نروح لرنيم الي بلحالها😜
رنيم تتمشى بالاسياب ماعرفت وين فصلها ولقته
راحت طقت الباب ودخلت :السلام عليكم
الاستاذ : وعليكم السلام من انت ؟
رنيم : انا ريان طالب جديد
طلت ع الطلاب وقالت : ياعيال في مكان ولا لا ؟
كلهم : ايه حيااك تعال
كان عليهم فراغ و كانوا العيال جايبين فطور وقهوه و مظبطين الوضع
قالت رنيم: يالبيييه اككل
واحد من الطلاب ايه حياكك تعال كل وجلست رنيم معهم وطاقتها سوالف معهم
واحد جاء بيصب لرنيم العصير وجاء مد لها وانكب بالغلط عليها
رنيم شهقت : جعلك الوجع عمى ما تشوف وصخت جكيتي
واحد اسمه مشعل كان جنب رنيم طلع مناديل ومسح لها رنيم خاقه عليه لانه وسييم
رنيم :شكرا يا ....
مشعل : مشعل اسمي
رنيم ابتسمت : ايه شكرا
مشعل خق ع ابتسمتها
مشعل : ماعليك انا معي جكيت ثاني انت كل وخلص ونروح الحمام واعطيك رنيم وافقت
وجاب الجيكيت من شنطته وراحوا الحمام اول ما دخلوا
مشعل : يالله افصخ جكيتك عشان تلبس حقي
رنيم داخل نفسها ( ايه ما تدري اني بنت ياحليلك)
مشعل : هييه انت وين رحت اكلمك انا
رنيم: طيب عطني و انا ابدخل و ابدل
مشعل : وليش ما تبدل قدامي تراه مو بنطلون بعدين كلنا عيال عادي
رنيم : ههههههه اخاف تخق علي
مشعل : من زينك يالله ادخل
-
(4)
رنيم : ههههههه اخاف تخق علي
مشعل : من زينك يالله ادخل
رنيم بدلت وكان بالجكيت فيه رحت عطر تهبل رنيم يالبيه يازين ريحت هالعطر طلعت
رنيم: اقول مشعل من وين عطرك حلو ريحته
مشعل : قال من وين
رنيم ما تعرف اسم هالمحل لانها رجالي وسلكت له -
نرجع للبنات
سمر : تركي
لينا ساكته
سمر بصوت عالي ترررركييي
لينا : تكلمني انا ؟
سمر ايه نسيت ان اسمك تركي يا سبكك
لينا : ههههههههههه
جو عيال عندهم يبون يسولفون
واحد من العيال: هلا والله بالجدد
شوق: هلا بك
هو: من اي مدارس جايين انتوا
شوق خرفت اسم من راسها: من مدارس ليالي الحصان
سمر كاتمه الضحكه
هو: يالله ترا باقي ٥ دقايق وتصفر بعدين فسحه
لينا: اخييرا ما بغينا تجي الفسحه
صفرت
شوق: بنات خن نروح نشوف رنيم
لينا : يووه نسيناها المسكينه هههههههه
راحوا يتمشون فجاءه شافوا رنيم مع واحد ! الي هو مشعل
سمر : بناااات شوفوا ذي الرنيم ما امداها عرفت لها واحدهههههه
شوق: ايه لا تلومونها ترا بلحالها
لينا : طيب خن نروح لهم
شوق: طيب
لينا : هلااااا والله بريااااان
رنيم: هلا بك
مشعل : ريان تعرفهم ؟؟
رنيم: ايه هذول اصدقائي بس ما خلوني معهم بنفس الفصل
مشعل : اها
رنيم: خلني اعرفك عليهم هذا تركي وهذا ماجد وهذا محمد
مشعل : وانا مشعل
كلهم : تشرفنا
مشعل : دقيقه عيال بروح اجيب مويتي من الفصل
كلهم: طيب
لينا صفقت رنيم : وجع يا كلبه وش ذا الي يهبل
رنيم : ايييي وجع يوجعك قامت ترمش بعيونها ايه انا اجيب الزين من تحت الارض
شوق : يالبيه شوفوا شلون شكله
رنيم: قولي مشاء الله تراه حقي
لينا تطالع برنيم
رنيم: شفيك تناظريني كذا؟
لينابإستغراب: ليش الجكيت فيه ريحته عطر رجالي وغمزت لا يكون اءءءء وضحكت
رنيم: لا وجع انتي وافكارك هذا اصلا ورمشت بعيونها جكيت شعولي عشان كذا فيه ريحت عطره
شوق: اشوفك طاقه الميانه شعولي اجل وبعدين ليش لابسته
رنيم: لان في واحد من العيال جاء بيصب لي عصير و بالغلط انكب علي ومشعل عطاني جكيته
سمر: الزبده ان ريحت العطر جنااان
شوق: اص اص جاء جاء
جاء مشعل
-
(5)
جاء مشعل
مشعل : يالله عيال خن نتمشى بساحه
طلعوا
لينا : اقول وش رايكم نهرب بعد الفسحه وانت يا مشعل تدبر لنا المكان دام انك حافظ المدرسه
مشعل : يوووه حبيبي معد صار احد يهرب داخل المدرسه سيارات يبووي
اوديكم بسيارتي و نروح نفطر ونتمشى وفي اخر الدوام نرجع للمدرسه
شرايكم؟
شوق: يا انك كفو يلا قدام
طلعوا برا بالشارع
مشعل :يالله اركبوا
رنيم بصوت واطي: بنات السياره ما تكفينا حنا الاربعه وراء وحده مننا تركب قدام جنبه
لينا: مو انا
شوق: ولا انا
سمر: رنيم انتي تعرفينه اكثر يالله روحي معه
رنيم: وجع استحي وميلت فمها بس ماعندي الا هالحل
رنيم ركبت قدام وقلبها يدق
البنات وراء
و يلبس مشعل نظارته الشمسيه طلع يخقق
ويلف عليهم وقال وش تبون اي مطعم نفطر فيه ؟
كلهم سكتوا من كثر ما خقوا
انقذت سمر الموقف قالت: ودنا ماك
جاء مشعل و يشغل اغاني وفالين امها
وصلوا للمكان نزل مشعل اول واحد
لفت رنيم بسرعه وقالت: بناات معكم فلوس !
كلهم ما عدا سمر : لا
رنيم : وجع شلون بناكل نخلي الولد يدفع لنا :/
سمر : احم لا انا معي ميه ريال
شوق: حبت راسها يخليلي الزين انا
سمر: ايه وقت الفلوس تبيني
مشعل جاء : يالله انزلوا سنه
كلهم : طيب طيب ونزلوا
دخلوا قسم الافراد و المكان كان كله شباب
وجلسوا
شوق: ياوييلي ذول بعد مثلنا هاربين هههههههههه
مشعل ؛ هههههههه ايه
لينا : الزبده انا ابروح اطلب لكم وش تبون
قالوا لها
قامت لينا راحت للكاشير و قالت الطلب
خلص الطلب وكان كثير صنيتين
لينا: اففف الحين شلون ابشيل ذا كله
جاء واحد عند لينا قال تبي مساعده ؟
لينا: ايه تكفى شل معي جعلك الجنه
الولد: طيب بس وين طاولتك
لينا: تعال معي
وجت لينا وتناظر البنات يعنني شوفوني معي واحد يشل معي
البنات يناظرون لينا بإستغراب
وحط الولد الصينيه وقالتله شكرا وراح
سمر تبي تفشل لينا: اقول حرام عليك ليش خليته يشيل معك كان ناديتيني اشيل
لينا: هـء هـء هـء هو اصلا الي جاء
مشعل : محمد شفيك ترا عادي هههههههه
أنت تقرأ
* هبال 4 بنات *
Teen Fictionتعريف الشخصيات : - هم 4 بنات صديقات بعض وكلهم بالثانوي وهم كلهم يتيمات : *لينا : طويلة وسمرة وسمارها جميل وشعرها كيرلي جميلة ومحششة تضحك الكل وتحب تسوي مقالب *رنيم : بيضة وعيونها عسلية شعرها بني هي ولينا اسرارهم عند بعض طيبة وتحب تسوي مقالب *شوق...
