ذنب بلا ذنب

بارت الخامس

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ⁴ الــبـــارت الــرابـــــع ⁴ "

سرّي : استغفر الله .. استغفر الله .. لااا عيوني ربي .. لااا عيوووني فدوووة ماتحمل هيج

كمت ابجي مابية اوكف رحت تمددت بالگاع .. اريد افكر بشي .. عقلي مابقى بي شي

هذاا حرام .. هذا يطببني جهنم اذا نولد .. اتحاسب عليه هذا ابن حرام .. يارب مو حامل .. عيوني ربي مو حامل

وين اودي لنفسي ملاگية اكل هذا وين اودي مو لازم ينولد اي اذا حامل انزله الله ميحاسبني اي ميحاسبني لان هذا حرام هذاا ذنب ماريده .. ياربي ماريده

ام سيناء : رجعت المغرب لگيت سرّي نايمة رحت ع سينا

ماما ماماتي .. فدوة يروحي ها كعدتي تشوفين ماما ... اغوو

سرّي : من البجي نمت بدون مادري فزيت ع صوت ام سيناء

هاا اجيتي ..

ام سيناء : اي .. خوما كببتج

سرّي : لا .. اكوم اسوي اكل اكيد تعبانة انتي

ام سيناء : لا خليج جبت لفات وياي .. هاج

كعدت شفت عيونها حمر

شبيج .. باجية مو .. لتبجين هي هاي الدنيا هسه تتعودين

سرّي : بس اشتميت ريحة اللفات نفسي كامت تلعب كمت ركضت رديت بس المي الشربته

ام سيناء : اسم الله شبييج ..

ركضت وراها كامت ترد من راسها .. عاي بسلا تسممت من الاكل .. كامت تبجي؟؟؟

سرّي .. كومي .. كومي ارتاحي

سرّي : كعدت ع حيلي و ابجي ع حظي شراح اسوي بهذا الذنب وين اودي

كومتني ام سيناء طبيت كعدت

ام سيناء : كافي لتبجين اشبيج ..؟  اشبيج سرّي يمكن متسممه من الاكل

سرّي : لاا ام سيناء لااا الدورة فاتتني اسابيع

ام سيناء : من الصدمة خليت ايدي ع حلگي اوووي خطية مات و عافها و عاف الها ابنه بطنها

كولي يالله .. ليش تبجين عادي واذا حامل طبيعي تحملين عمري مو زين لتبجين

سرّي : شاكوللها ابن حرام .. صار من غلط و ذنب .. شاكول مو المصايب التمت علية .. وين جانتلي هاي ..

ماريده .. ماااريده ام سيناء .. لازم انزله

ام سيناء : اتخبلتي اكيد .. حراااام بابة حرام

سرّي : مووو حرام الحرام اذا خلفته مااريده

ام سيناء : اتخبلت من شفتها هيج تحجي و من كل عقلها .. يعني حتى اذا فگر و متشرده اشلون تذبح ابنها؟؟؟؟

الصفحة 2 من 2
شدتحجين انتي ..؟؟ اكو وحده تذبح ابنها .. و بعدين اني يمج ماعوفج حرام تكتلين روح ابطنج

سرّي : متت بجي شاحجي ماكدر اكوللها .. مو ابني .. صار ابطني غصب ..مو لازم هيج ينولد ابني .. هذا من واحد نگس و راح يطببني جهنم ابن غلط هذاا ذنب

وين اودي ... ووووين .. اشلون اعيشه

ام سيناء : الله الـ انطاه الج الله يرزقه و هاي كدامج سينا عايشه و الحمدلله ما ماتت جوع .. سرّي حرام تكتلين روح مهما كان السبب ترا الله يحاسبج و اذا نزلتي هسه تموتين ويا

سرّي : لو شكد تحجي اذاني متسمع .. ما انسى هذاك اليوم و هذاك النگس الـ هدم حياتي ماريد يجي طفل منه عيونه لحد هسه ابالي متروسات شر .. لازم انزله ليش حرام علية لعد مو حرام ع ابو الـ ذبحني بالحياة

نمت بهذيج الليلة و همي اكبر من همي من عفت عربنا و حياتي انتهت .. اتمنيت لو متزوجه ابن عمي جان مصار هيج بية

مرت اشهر و النگس ابن النگس يكبر ابطني كم اجوع روحي و اهد حيلي بالشغل حتى ااذي .. اكرهه و هو ابطني .. حقير ع ابو راح يهدم حياتي بالزايد ..

اشلون انزله يربي .. هسه كبر صار ست اشهر اذا نزل ما اتاذى هو كم يوم و ترجع عافيتي
نومت سيناء و طلعت بعيد اركض اريد انزله ..

مووت .. مووووت ماريدك .. اكررررررهك مووووت ..

ام سيناء : رجعت المغرب

سرّي .. سرّي اني اجيت ..!

طبيت ماكو بس الطفلة نايمة

سررّي .. لا يا مخبلة اكيد سوت شي بروحهاا

طلعت ركض شفت مرة

عيوني ما شفتي سرّي هاي البنية العايشة وياي

المرية : اي عيني شفتها قبل ساعه راحت تتمشى من هذا الاتجاه

ام سيناء : ركضت بنفس الاتجاه بقيت اركض شفتها من بعيد واكعه

سرررري .. سررررري ..

شلت راسها و اضرب ع وجهها ..

خرررب نازفه .. مخبلةةةة شسويتي برووحج

حاولت اشيلها مكدرت ثكيلة انوب الشارع ترابي و فاضي ماكو احد .. فاتت سيارة تيوته

عفيييةة اوووكف .. اوووكف سااااعدني

السايق : شفت بطريقي نسوان واحد تصيح و الخ بالكاع راسا وكفت و نزلت

هاا اختي هااا هاي شبيهاا

ام سيناء : كامت تنزف عيووني وديني للمستوصف ساااعدني

السايق : ماشي ماشي

ام سيناء : ابن الحلال شال سرّي وياي وديناها للمستوصف القريب من يمنة نوموها و شدولها مغذي .. الطبيبة كالت اجهاد و بخير هي و طفلها بس لازم متتعب روحها .. بقيت كاعده يمها