حواء وكبرياء آدم..
بقلم أمونه ....
مر اسبووع ..
ورحت للدكتوره ..
وطلع بيه ولد ..
مرت الايام ..
واني على ترقب ..
اخاف يجي ..
بس ماكو اله لا حس ولا خبر ..
يوم من الايام ..
كنت داشتغل ..
غسلت البيت ..
ورشيت الحديقه ..
وكاعده يم التراب المبلل ..
استنشق الريحه ..
الله تجنن ...
ندكت الباب ..
كوه نهضت روحي ..
ورحت ع الباب ..
فتحتها ..
هناا تفاجأت ...
كنت متوقعه يجي ..
بس اقنع نفسي انه ميجي ..
لان كلبه مينطي ..
يخلي ابني بعيد عني ..
- عمار ..
شعندك هنا ..
باوعت ورا ناس ..
وكلهم عكل ..
كلي طبي بسع ..
- بس ..
- ولا كلمه يله طبي جوه ..
صيحي ابوج بسع ..
الناس جايه ..
يله ليش واكفه ..
رحت اني ..
وهوه طبك الباب ..
ومطب ..
هذا شبي ..
رحت ع بابا ..
- بابا عمار وياا ناس جوي ..
راح بابا لبس دشداشه ..
وع سريع .
هوه وعلي ..
واني بس ادعي ..
ينحل هذا النزاع ..
يايمه شلون ..
ماما تطمأني ..
وره شويه علي كال ..
مي ..
رحت جبت ..
وماعرف اسوي بارد من التوتر ..
كوه دبرت المي ..
اهدئ نفسي .
شكو شنو راح يسويلي ..
بس ماكدر ..
وره نص ساعه ..
طلعوا بعدما سلمو ع بابا ..
اباوع من الشباك ..
عمار شايل جكاره ..
وبملابس العسكريه .
ويسوي بحذائه ..
سرحت بافكاري ..
..
جتي ماما كالت تعالي ..
رحت ع بابا وسألته .
- يبه ..
كتله البنيه متريدك ..
وانت هسه عرفت حامل ..
ومتريدك ..
شنو غصب ..
كالي اسألها ..
واذا مقبلتوا ترجعوها ..
اطلبها لبيت الطاعه ..
واخذ ابني..
لان مادري بيها حامل ..
واله مااطلكها ...
كال هيج بابا واشتعلت بنااار ..
يعني علمود الطفل ..
لا وفوكاها يطلبني البيت الطاعه .
تجمعت عيوني بدموع ...
هذا الاكدرله اني بس ابجي ..
- وشكتوله ..
- مادري يابه ..
بس هذا يلوفها علينا ..
وهوه شرطي بعد ..
علي - لا تخافين ميمو ..
مترجعيله لو بس هوه بالدنيا ..
حبيبتي نامي ..
ولا تفكرين بشي ..
عفتهم ورحت للغرفه ..
ونفتح البوري .
مال الدمووع ....
ميحبني عمار ميحبني ..
انااااني ..
بداها بكذبه اكيد ينهي حياته بكذبه ..
كذب عليه وهو مزوج ..
واوهمني بالحب ..
يا حب هذا دخيل الله ..
سلمته كلبي ..
وعقلي وكل حياااتي ..
وهسه شحصلت منه ..
شنطاني بالمقااابل ..
وهسه يريد ياخذ ابني ..
نمت من القهر ..
مثل ميكولون ..
اكو هم يهوم واكو هم ينوم ..
اني نيمني ..
اجه الليل ..
ومابيه حيل اسوي عشه .
خطيه ماما سوت وصاحتلي ..
تعشيت ..
وبابا وعلي يتناقشون ..
*******
اصبحنا واصبح الملك لله ..
يالله ...
كمت من فراشي بكسل ..
عزلت البيت ..
مبي شي ..
ماما تطلع ..
للمسواك ..
