حواء وكبرياء آدم
بقلم أمونه.. ..
بابا كعد على الكرويته انتجه بيها .....
مثل المصدوم ....وعيونه فاتحهن ...
وامي عاطت وضلت تبجي....وخواتي
تقدمن ع التحليل ..
واني بوضعيه صدمه ....
واكفه ومتبسمره بمكاني ...
عبالك عايشه بفلم .....
وكعت مني دمعه مسحتها ....
اساسا ماريد اهلي يشوفون انكساري ....
ولحد الان ماعرف شبيه ...
رحت على الجمعه والهوسه الصايره ...
بابا وكع كمت اعيط ..كلهم يكولون جيبو مي .
رحت بيدي المي وايدي ترجف وريكي يابس
وادعي بابا ..انشالله مبي شي ..
رشو عليه مي ...
كعد ..وامي اباوع عليها ناصبتها مناحه ..
وخواتي هم عبالك كاعده ..بعزه ...
مو تحليل ....
-ماما شكو خبلتي الكل اهدئي ...
ببجي -وج يمه ميساء وج سوده عليه
يووم ميوسه بيه ولا بيج انشالله ....
شنو شفتي من حياتج....وتبجي ...
علي-التحليل يكول انه انتي بيج ..غص بالكلمه
وعيونه تجمعت الدموع بيهن....
-احجي شكو شبيه ...
مسح دموعه اول مره اشوفه يبجي ..
-بيج مرض بس انشالله مو خبيث بالدم ...
دموعي زادت ....
صعدت ركض للغرفه ....
رحت ع المخده واكتم صرخاتي بالمخده ...
اااااه ياربي .....
جني خواتي ...وسرى ...
نداريت ع الشباك ...
امسح دموعي
جتي هاله حضنتني هيه وبناتها ...
وخطيه يبجن ...
وحده ساره والثانيه هديل ...
يبجن ويباوعن عليه ...
كتلهن شبيجن ...
هديل عمرها 6 سنوات كالت
-خاله انتي مراح تموتين لان اني احبج ..
-اووف بوستها وتمسح دموعي باديها ...
*******
ماعرف شلون كضه الليل بس
مااعتقد ..احد بالبيت نام الكل تبجي ....
وماما سوده عليه كاعده وتبجي ...وتدعي
واسمعها اشكال تنذر ....
من علي جاب التحليل صادف يوم ..خميس
والجمعه والسبت عطله متفتح الصيدليه ....
خواتي يسون اكل ويرجع ...كما هو ..
وضلت بس هاله وغفران كل يوم تجي ..
وخواتي ذنيج هم يجن شويه ويروحن ..
مرات من اشوفهم مياكلون ...
اغصب روحي واكل هوايه ...
اكول بلكت ياكلون ...
بس تصير الانضار كلها عليه ..
الدنيا ضهر كنت كاعده ع المرجوحه ظ..
الجو كلش حلوو ...
اني واختي غفران ...
وجهالها يلعبون يمنا ...
وماما كاعده جوه ....
كنا نسولف على بيت عم غفران ..
شلون عمتها موزينه وياها ....
وشكد تهمتها ...
بس تكول اتحملت علمود زوجي ...
وخطيه تكول زوجي يصدكني ..
بس مرات هم يسمعلها ضلت تسولفلي ..
وتضحكني ....
غفران كلش هادئه وكلش تخجل ...
جا علوش يمنا ...
-شلونها ميوسه ...
-دتخاطبني الي لو غيري ...
-الج اكو احد غيرج اسمه ميساء ...
-اي بس انت محاجيتني الي
كلت شلونها ميوسه اليوم ...
هااا اخاف هاي الكاتب عليها قلبي ..
وغمزتله ...
ابتسم -ولج بعدج صغيره على هاي السوالف
-اهووو يله معندك صوره الها ..
بابتسامه -نشالله من تتعافين اعرفج عليها ..
وبس تصيرين زينه اخطبها ...
نزلت عيوني وابتسمت وكتله انشالله
غفران -انشالله ميوسه مبيها شي ..
دباوع وجها احمر عبالك تفاحه ...
ابتسمت واتذكرت عمار تذكرت شلون كان يعصب ..ومن يكوول انه ....
