عاندت اهلي واهلها

البارت الاول

قصة جديده من نوعها ....
... البارت اﻷول ...
..... بعنوان .... عاندت اهلي واهلها ...
     شاب يحب بنت مختلفه عنه بهوايه
..... او الحرى تربية عن تربية تفرق ....... نتابع...

✏مرحبا ... اني زينب .مواليد 96 بيضه اعيوني
سود طولي 155 يعني مو ذاك الطول رشيقه ...
عائلتي متحفضة اني علويه من عائله معروفه ابا عن جد
ولكل يعرف العلوية او من اهل سادة تختلف بهواي
عن العوائل الثانيه لهم عاداتهم وطريقتهم بطبه وطلعه
وحتى بالبيت وبالبس هم ....

اني عندي اخوات اثنين فاطمة وكوثر
واخوان اثنين موسى وجعفر موسى الكبير وبعده كوثر وبعدها جعفر واني وفاطمه
موسى مزوج من علويه هم بنت صديق ابوي
وكوثر مزوجه ابن عمتي عدها 2 اطفال ولد وفاطمه ابن عمي رايدها

ولدي سيد معروف بالنجف بالحظرة تحفظا مراح اذكر المكان
وامي هيه بنت خالت بابا شافها بعرس اخوها
... وصارت القسمه
ساكنين بغداد منطقة الكاظمية ... ارجعكم لكم سنه
وياي .....

وقتها عمري 17 سنه

✏اعرفكم على نفسي اسمي سيف مواليد 90
طويل جسمي لا سمين ولا ضعيف اعيوني سود
البشرة حنطيه طوالي 180 ... خريج هندسه لكيت شغل بقناة مصمم ديكور اللبرامج
العائلة بسيطه مثل منكول مادين رجلينا على كد بساطنا من سكنت البنوك ...
عندي اثنين اخوات سارة وسرى واخ واحد اكبر مني حسن ابوي  رجال كبير عنده محل دالالية ونبع الحنان
.... منورة البيت وحياتنا

زينب ،،،،،•  فدوه ياربي اشكد حلوووه هذااا
ام موسى ،،،،،،•   ذبي من ايدج والله اذا ابوش شافه بيدج ... له ايدفنج

زينب ،،،،،•   هاي شبيج ماما ترى هوه اتراكسود
ام موسى ،،،،،•   الدشداشه احلى عليجن ومستورات بيهن كومي بله كدامي نظفي المطبخ مرت اخوج تعبت

زينب ،،،،،•   اي صار كمت واني ادردم
جنان  ،،،،، •   شبيج ادردمين زنوبه خير 😳
زينب ،،،،، •   والله يا جنان ضايجه اريد اطلع مخنوكه من هل بيت لا مسلسل تركيه واحد يباوع لا سوريه نهار كله على الانوار يااا العراقيه

جنان ،،،،، •   ههههه يله شنسوي
خلي يطلع موسى ونصعد فوك انباوع هم يحجي عليه
اذا يشوفني اباوع ايكول حرام مصلخات
زينب ،،،،،•   هه ياربي هم يجي يوم وعادي نكعد انباوع بدون خوفه

ام موسى ،،،،، •   نحجي المصلحتجن يايمه
قابل حرام علينا لو عليجن العلينا نوعيجن ونكول هل شي حرام

زينب ،،،،•   اعرف يمه بس كل هل عالم اتباوع
بس احنا هيج ادري ابتليت علويه وساده احنا
ام موسى ،،،،، •  خلصن شغلجن وتعالن اريدجن حتى افهمج الي معاجبج اشلون غيرج يتمنو وشلون العالم تحسبلهم احساب ...

جنان ،،،،، •   مخلصيه عمه احجي فدوه

سيف ،،،،،•  منير بشرفك علي الصوت اشويه
منير  ،،،،،•   العيونك هلااااا كووووليش
مرتضى ،،،،،•   ههههه واحد منكم يزوج خل نفرح ونركص
منير ،،،،،•   خل اشوفلي وحده تشبه هاي شسمها
سيف ،،،،، •   ياهيه تقصد هاي المقدمه خاف
منير ،،،،،•   لا يمعود هاي حلوه بس غير اذا اخذها امي تشمرني من سطح وعلي😂