عاندت اهلي واهلها

باااارت ثامن عشر

///البارت الثامن عشر ///
///قصة #عاندت_اهلي_واهلها ///
///بقلم الكاتبة #بنت_الحجي ///

زينب  :-  ههههههه والله له اكوله عليج ...
تقى    :-  لا ولج اشاقه

سيف  :-  كعدت ساعه 6 هم سبحت وبدلت وطلعت ..
تقى    :-  حروح اللمدرسه اني وانتي تعالي وراي ..

زينب  :-  لا الله عليج اروح سويه ..
تقى    :-  ابقه شسوي ديلا حتانيج بركن لعد ...
زينب  :-  اوك ..

سيف  :-  وصلت .. طبكت السياره الشارع فارغ ... المحلات معزله باوعت سبعه وثلث .. شفتها اجت ...

زينب   :-  احس اول مره اشوفه ههه مثل كل مره الخوف مسيطر عليه  ... نزل من سيارة لابس تشيرت ماروني ..وابيض  وبنطرون نيلي  وحذاء رياضي ابيض يبوووو فدوه

سيف   :-  هلاااا حبيبتي .. اريد احضنها ياربي ..
زينب   :-  ههه هلا بيك اشلونك 😌
سيف   :-  مشتاقلج والله ارفعي راسج شبيج مضيعه شي بالكاع ...

زينب   :-  هههه لا ياربي رفعت راسه شفته ايباوعلي .. بسرعه درت وجهي هاك ...
سيف   :-   اشكرج حبي ماكو داعي والله ... هاي شوفتج هسه كافيه ...
زينب   :-  لا ولوو انشاءالله ايعجبوك ...
واكفه كدامه ... جنت يلا حروح ..

سيف   :-  اوووف ياربي ماشي  ..
زينب   :-  لا ضوج حباب .. 😔
سيف   :-  ماشي الله كريم يلا روحي المدرستج

زينب   :-  رفعت راسي باوعت بوجهه
سيف   :-  فدوه الهل وجه ههههه اباوع عليها مااكدر اشبع وخايف عليها ..

زينب   :-  اتنهدت رايحه انتبه على نفسك ماشي  .
سيف   :-  صار تدللين ...
زينب   :-  رحت يم تقى مشينا درت وجهي شفته بعده واكف احس كلبي نعصر صدك ضجت من هيج شفته مقهور بس سكت محجه شي وياي ...

تقى    :-   اشبيج زنوبه ليش ضايجه
زينب  :-  لا مابيه شي بس حسيته ضايج ..
تقى    :-  حقه يمعوده امشي الله كريم ... هسه

زينب   :-  دخلنا اللمدرسه دوام عادي بعد العطله ... رجعت ساعه بالوحده ...

جنان   :-  هلا زينب يلا بدالي انصب غده ..
ام موسى   :-  فوتي بدالي ...

زينب   :-  اباوع على امي اتخز بيه خير شكوو وضايجه ... صعدت بدلت باوعت على تلفون ماكوو بمكانه ... لطمت على وجهي عزااااا العزاني ...

رجعت دورت مره ثانيه ماكوو شسوي ياربي وين راح ... بس لا لكته امي والله تذبحني نزلن ادموعي ... وين راح متااكدا هنااا عفته ....

بدلت بسرعه بقيت اروح واجي بالغرفه .. سمعت امي اصيح عليه ..
نزلت بسرعه ..

كعدت على صينيه امي محجت شي .. لكل طبيعي بس امي ...
جنان   :-   عمه اني عندي موعد اليوم يم دكتوره ..
ام موسى  :-  اي يمه روحي .. موسى وين