السـاعـة 12:00 عند أية
اية: ياربي خيره ميردش عليا 😭 زعما يضحك عليا ! لكن لينا سنة مع بعضنا كنهادا رااه من فترة سيبني غدوه نشوف الموضوع 💔
.
أية كانت تحب أحمد لدرجه لا توصف أحمد كان الحب الاول ليها واول شاب تگلمه وتعلق بيه زي اي بنت اتعرف ع ولد وتحبه ويقعد هو شئ اساسي بحياتها بس هي مش متقبله فكرة ان هو ايگون خاين او مش قد الثقه اللي عطتهله ...
.
فـي مكـان تـانـــي 🌹
قصـى: ها يابرو باين عليك مغموم
محمـد: ااااه ياطيـرى اليوم مشفتهاش مسـتاحشها 😔
قصـى: وهي?
محمـد: هي... منعلمش
قصـى: ريت احسن متعيش العذاب هدا وتوهم روحك بعدها انـت قلت صاحبت اختك صح
محمـد هز راسه بالايجاب
قصـى: خلاص ادوي لاختك وهي تساعدك 😌
محمـد: 😂 ايصير خير ولع طرف دخان
قصـى: وسادك السم يلي تاخد فيه
محمـد: 😒😒
.
يــوم جديـد بديتها انـي بفرح ونشاط ونبـي يومي يمشي تمـام صبحت ع اهلي لبست وطلعت اني ومحمـد وطول الطريق واني مبتسمه ومحمـد مستغرب مني
محمـد: شن حالمه بيش رايقه اليوم
اني: بي حد هكي اليوم رايقه ونبي يومي تمام لذلك متفسداش بأسئلتك لو سمحت😌
محمـد: به هي درقي وجهك 😒
واني نازله تتصل أية
اني: صباحوو ورد ايوته
محمـد هنا برق فيا وقعد مركز معايا واني حسيت بيه
اني : اي خلاص شفتك هووني [ دويت مكانها عن قصد بيش نشوف محمد شن بيدير] وبرقت في اية وشاورتلها وبرقت في محمد ع سريع
محمد هنا قعد مركز ع أية ويبتسم 😍
اني هزيت براسي ونزلت فهمت محمـد من عيونه
.
أية: بنات انـي خايفه 😔
اني: من شنو
أية: من أحمد من حبي ليه لعند وين يوصل
اني: أيووته حبي متوهميش روحك متنخدعيش بمظهره رااه والله تندمي
اية: كيف نعرف انه كذاب منقدرش 😭
رتاج: اني عندى طريقة 😌
اني وأية: قوولي
رتاج: افتحي معاه موضوع الزواج او الخطوبه
أية: كيف يعني
رتاج: الشاب كيف تعرفيه ايحبك كان قعدتي معاه وفتحتي موضوع الارتباط الجدى هنا طريقته في الكلام او كان قالك باهي او لا تعرفيه ايحبك ولا يلعب عليك
أني: اه يادماغ انتـي 😂
رتاج: امـالا 😌
أية: بس كان يلعب عليا 😭
أني: ميستاهلكش
رتاج: توا خلينا نمشو للمحاضره بعدين اتصلي بيه ونشوفو
مشينا للمحاضره وكان تفكير أية بـ أحمد وبس
كانت تفكر معقوله ميحبهاش معقوله يضحك عليا لا لا اصلا هو ديما ايقولي انحبك ارتـاح قلبها لانه عارفه جوابه لكـن متعلمش واقـع الشباب متعلمش الدنيا شن فيها
تمـت المحاضره وكانـت الساعة 1:30 أغلبية البنات والشباب روحو واحني قعمزنا في تركينة وكانت أية تتصل بي أحمد بس مردش عاودت مرة وهنا رد عليها أحمد
أية: هلا
أحمد: اهلين 😤
أية: شن جووك
أحمد: تمام ... اني مش فاضي توا
أية: شويه بس نبيك في موضوع
أحمد: نعم
أية: احني لينا سنة مع بعض ونحبو بعض ليش منديروش خطوه جديـده ونتجوزو 😍
أحمد هنا عطاها ضحكة: هاهاهاهاهاهاهاها من ايحب من ومن بيتجوز من
أية: أحمد حبيبي خيرك مش اتحبني
أحمد: ههههههه اني انحبك ياهبلة اني كنـت نمشي في الوقت معاك لا اكثر بالعربـي كنت نضحك عليك
أية انصدمت ودموعها في عيونها: ااانت ااانت قلت انك تحبني ااانت قلت اانك بتاخدني
أحمـد: هاهاها تبيني ناخدك انتـي ناخد وحده زيك أنتـي صايعة
أية تبكي: لييش قلت انك تحبني ليييش ااه لييش خليتني نبعثلك صوري لييش حيواان عندكش ضمير اانت💔
اني ورتاج :😳😳😳
أحمد: ههههه اني كذبت عليك شويه وخليتك تبعتي صورك برغبتك وانـي بنكلمك ع جوي تبي هكي بااهي متبيش ليا كلام تاني معااك وصكرر عليها
أية هنا انهارت من الصدمه يلي جتها 💔
أني: انــي كيف تبعتيله صورك كيف 😡
أية: ضحك عليا ضحك عليا خلاني نعيش في وهم قالي مستاحشك واني صدقته نحسابه ايحبني 😭
رتاج: حذرناك منه اني وسهى بس انـتي واخد عقلك 😣
أية: خلاص اني ادممرت معاش نقدر ليش هكي اني حبيته مقصرتش معاه 😭 وهنا برقت فيا
اني: تبرقيش فيا قتلك حذرتك منه قتلك يلعب عليك قتلك فكري بعقلك متمشيش وراء قلبك رااه الصدمه اتجيك قوية نبهتك 😤
أية: عارفه بس من حبي ليه والله انحبه اول انسـان تعرفت عليه اول واحد ملك قلبي شن تبيني اندير
مهما خليت روحي واعره ومهما قسيت عليها نقدرش هدي صاحبتي تؤؤامي اختي اللي محابتهاش امي لازم نوقف معاها حتي وكان رتاج في نفس الموقف ...
[#صديقتي.. 👭
إنتي سر محفوظ بقلبي
ودعآء طلبته وقت إجآبة
الحمدلله على وجودك معي
أحبك حتى آلفنآء..]
اني: أية خلاص امسحي دموعك مش مستاهله 😣
أية: ضحك عليا الحيوان 😭😭
أني: نوضي هو بوك جي وخليك طبيعيه توا نلقا حل
أية: 😭😭
رتاج: سهوش حتي محمد جاك
أية: سهي وصليني لسيارة
اني: تمام توا نقول لبوك تاعبة
وصلـت أية لسيارة وقلت لعمي انها تاعبة بس كان في عيون تراقب فينا وبالتحديد *أية*
اني ركبت لسياره وطايرتلي 😤
محمـد:......
.
ٱلُـ‘ـُكُـ‘ـُٱتُـ‘ـُبُـ‘ـُه; هـُ‘ـُلُـ‘ـُوٌوٌشُـ‘ـُ 🎶
