طريق المستحيل

بارت ٦

ماما باجر دوام  خلي نروح للسوك
والله تعبانه منيجي عمج عبد روحي وياه
😓😓😟ماما صارلي سبوع اكلج نروح للسوك شوي يوميه طالعتلي بشغله
يله لتبقيني تحجين براسي روحي بدلي حتى نطلع والله ادخل محل واحد مو تبقين تفرفرين دخليني بعشرين محل
لا اشترهين يلعبن نفس عمود نرجع من وكت
ول كومي بدلي سطرتي راسي
اي ماما مدكليلي شبيج عود نطيني لفلوس اني اشتري ذوقي احلى
شو تعاي👡👡
كايمه كايمه🏃🏃🏃
يله كملت 😊نطلع
يله مشينه
ماما هذا عجبني
عوفي هذا غالي ومحلو
ح اخذ هذا القميص
ضيق عوفي
😑😑 ماما انتي رايحه للجامعه لو اني
انجبي وامشي غير اشتريلج ملابس مال اوادم
ابقي اهنا اشوف المحل وارجع😔
خلصي مو ابقى انتظر
اوك ماماخمس دقايق وارجع
ول مصكوعه وين رحتي صارلي ساعه انتظرج عباليج ضعتي
لا ماما مضعتي يله كملت امشي
ترا اذا مشتريه كصيف ودلع ترجعينه
والله كله مستور بس امشي
شغلي  مكيف  تعبت يله  وجيبلي  مي
ماما  ليشوفج  يكولو  جنتي بالحرب  شو  انتي  كاعده  واني  شتريتهم  😜
ول  كومي  لا  اكص  لسانج 
ماما  حلو  هذا  نفنوف  باجر  البسه
مو  ميقبلون  الون  شو  مخالفه  زي
باجر  اول  يوم  ميحسبونه  حتى  اذا  طردوني المهم اطلع حلوه😎😎
يولي  خاف  عندج شي بالجامعه جاي  ترتبين بروحج
ياماما كلمن  يرتب  بروحه  يعني  عنده شي وحتى اذا  عندي  احد  الحب  مو  حرام وتعرفيني  ما اسوي  شي  ينزل روسكم تربيتج
الله  يهديج يبنيتي
ثاني يوم من سته كمت رتبت روحي لان اول يوم اريداطلع مميزه😌😌
هلاااابروحي حنونه شلونج يعمري والله مشتاقتلج موت 😘😘
هلا يكلبي اني الاشوق المن مشتاقه اليه لو ليسع وشنو هل تغير
ههههه نجبي والله مشتاقه لثنينكم شنو متغير بيه صايره محلوه
لابالعكس سمنانه ومبيضه اكو شي😁
هههه لج بالعطله ليل ونهار اكل حتى اسمن يله امشي  نسلم على بقيت طلاب
على بقيه تسلمين لودورين ليسع
😅😅اي ليسع مشفته لحد هسه
بالقاعه رقم اربعه هو واحمد خلي نسلم ع طلاب ونصعد للقاعه نسلم ع البقيه
اوك نور هناك خلي نسلم عليه
هلووو نور شلونج يولي
هلاا تمام انتو شلونكم
الحمدالله شسويتي بهل عطله
مسويت شي بس نخطبت
يااااا مبروك يروحي شو مكلتي
يبارك بعمرج صارت بسرعه ومكلت ل احد
منو سعيد الحظ
ههههه سعيد الحظ يسع خطبني
😰😱😱ياااا صدك شو مكال
شبيج صفريتي ليش حتى يكلج
مبروك تتهنون فرحتلكم
ليش جذبين وين فرحتيلنه ودمعه بطرف عينيج اذا اشغل ميوزك حزينه ح تبجين
😟😢😢لا بالعكس ربي يسعدكم يله رايحه للقاعه تعبت باي
تعاي جذب ابن عمي خطبني مو يسع😂😂😂
تف💦ليش جذبين نور احجي منو لخطبج
هههههه والله ابن عمي بس كتلج يسع اريد اشوف ردت فعلج لان تكابرين ودكولين ما احب احد والكل يعرف انتو يسع تحبون بعظ
هههه لا يمعوده يا حب مجرد اعجاب
اي اعجاب يله روحي سلمي 😁😁
باي اخذي راحتج
امشي حنونه للحمام اعدل الميكب من وره العوبه نور سالت الكحله
ههه شخبله بسرعه صدكتي
امشي والله كلبي راد يكف خوفتني
اكيد ابن عمه ماخذه قصب
شريد منها خ تولي هاا ترتب مكياجي
اي حلو بس خلصيني امشي
خرررب انتظري يسع مقابيلنه خلي يروح هسه يكول دخلن يلبخن ميكب طلعن
😂😂 خررب تفكيرج
خهههههه نجبي شفتي الاحمر لابسه يموت فدوات رحتله😳

ديله امشي موتيني
شبي يباوع ما يجي يسلم لو يريد اسحل نفسي واروح اسلم علي
خلي نصعد للقاعه ع اساس منتبهنه
اوك امشي
يسع/ سلام عليكم شلونكم
هلا وعليكم سلام تمام وانت
الحمدالله صايره حلوه
😳😳عيونك الحلوه
نور/ يله طلاب تعالو نكعد نسوي لمه نحجي عن العطله شسويتو مسويتو
الكل يله خلي نكعد بالقاعه
اسيل/ يله نور احجيلنه سويتي
امم مسويت شي بس نخطبت وبالعطله ح اتزوج
يسع/ يا مصكوع خطبج😂😂😂😂
ياااا ليش شبي احلى منك
اشاقه وياج الف مبروك
الله يبارك بيك غنيه يسع اغنيه
هههه لا صوتي محلو وباوعت ل اسيل وهي ابتسمتلي
لا يسع امانه غني
اوك شنو اغنيلكم
اي غنيه حافظه
يله انتو صفكو وياي شجعوني لان استحي😂😂
😂😂😂 يله بس غني👏👏👏
احم احم🎤🎤🎶🎵🎶🎶🎶

احبك تدري شتمنى
تكسر ضلعي بالحضنه

يالتمشي بالوريد حلمي الوحيد
بيت زغير يلمنا

ياحب عمري ياغالي
وحدك نايم ابالي

واذا ردت العمر تامر امر
يتالي الصبر

انت دنيا بكبرها
انت روحي وعشگها
انت عيني وشوفها
انت ,, انت ,, انت

گلبي محبس بين اديك
وانت يمي اسال عليك

اني احبك شي قليل
اني صارت روحي بيك

اريدك ماردت ثاني
بحبك موت اموت اني

احبك للابد غيرك وعد
ابد ميگولها لساني

جنه الدنيا وانت وياي
احبك گد نجوم سماي

اگول باعله صوت ,, بحبك اموت
شيفيد السكوت

انت بس بالدنيا احب
انت قطعه من الگلب

لخاطرك ادخل حرب
انت ,, انت ,, انت

👏👏👏الله عاشوووووو تخبل
احمد/ شو جنك  تقصد  احد
😵😅😅 احمد  ماتسكت  ماليه  خلكك  باوعت  ل  اسيل  فرحانه  وعيونه  تلمع بعد بيتي  ربي  مايحرمني  من  هل  ضحكه
اسيل/ يربي  شكد حلو صوته  بقى كل  الغنيه  يغني  ويباوعلي  اوف  كلبي  يدك ميه على ميه صحيح فرحانه بس دمعه ماليه عيوني بس اغمض عيني تنزل دموعي معرف ليش حاسه مارح نكون نسوه واني احساسي ميخيبني

  ليش ماكو تفاعل والله دا اتعب بلكتابه وهاي اول قصه الي
😔😔