الطموح العالي

بارت 2

انصدمت بولد باوعت عليه طلع عادل أخو صديقتي
باوعت عليه اممممم مو كلش حلو و مبين من ملابسه هم مو كلش
هي حلوه بس مو ماركه
باوعلي بنظرات الاعجاب اللي متعوده اشوفها بنظر اغلب الناس
عادل : هلووو تالا شلونج بأبتسامه
... حجيت و اني ممهتمه الحمدللة وانتة شلونك
عادل و هو يباوعلي بنظرات العاشق الولهان ادري بي معجب بيه بس مستحيل هذا الشي زين .. صارلي هواي مشايفج مشتاقلج قصدي مشتاقيلج
... حجيت واني منزعجه و اريد اروح و هذا الشي واضح من نظرات الغير مباليه البارحة شفت صبا وحجيت وياها
عادل : اني ردت اسويها مفاجأة بس ما اكدر اضم أكثر اليوم اني وامي يمكم
... ليش ...اكو شي
عادل بأبتسامه : اكو كل الخير .. رح نخطبج
... استغربت و حواجبي نعقچت المن ؟
عادل : الي طبعا
...هذا صدك يحجي يشاقه شديحس ولو هو هذا حضي بس الفكر خل اصرفه مليت اريد اروح  بس اني ممفكرة بالزواج حاليا
عادل : ليش شناقصني اني
... مناقصك شي بس مجرد ما اشوفك الانسان اللي يناسبني او اللي افكر اتزوجه بيوم من الايام 
عادل : انتي متفاجأة اكيد ف متعرفين شنو تقررين رح اخليج تفكرين بالموضوع و خليها ابالج اني احبج و اريدج و ما رح اخذلج او انقص عليج شي لان انتي اغلى انسانه بحياتي بعد امي  .. اليوم حضري نفسج واصلا خابرت امج وكلتلها ... يلة عيني بحفظ الرحمٰن اني اترخص

هذا خبل لو شنو والله يا الله شلون يفكر انو اوافق عليه شايف نفسه مناقصني غيره المهم خل اعرفه ماكو داعي اشغل بالي بي
مشيت و صعدت سياره علمود ارجع للبيت ولو ما اريد ارجع بس امي تخبلني اذا تأخرت
وصلت للبيت فتحت الباب و دخلت واني ضايجه من مكلتلي ع سالفة عادل صحت
... ماما وينج
اجتي و مبين عليها الاستغراب هاا شكو
. حجيت واني ممهمته ليش ما كلتي ل عادل اني ما اريد أتزوج
ماما : وليش متردين شو خوش ولد وحلو وموظف بشركة بعد شتردين
شنو الموضوع ليش هيج تحجي شنو متعرفني اني شنو ابالي اريد اتزوج واحد فكر ..مو تدرين بيه اني ما افكر أتزوج موظف واني أهز بيدي بأستهزاء
اريد أتزوج صاحب شركة حبيبتي حجيتها واني رافعه حاجبي و اكو ابتسامه خفيفه على وجهي
ماما : تالا لتصيرين طماعة ومغرورة وترى شكلج الحلو رح يعم عليج صدكيني ما رح يجيبلج غير المشاكل
و المسلسلات والأفلام الأجنبية خبلتج تره الجمال الفلوس مدوم صدكيني الاخلاق و التصرفات و السمعه الحلوه هي ادوم الولد شفته مبين مرتب و مؤدب و مبين يحبج انطي فرصه يجوز تحبي و تصير القسمه تره اني تعبت يا بنتي ساعديني شويه

حجيت واني عبالك ما سمعت ولا كلمه منها حبيبتي اليوم كولي ل عادل اني ما مفكرة بالزواج
ماما : انجبي .. شو كلية وكملتي شنو تردين تكعدين على كلبي وتكومين تلعبين على الزلم .. غصبن ما عليج تقبلين لو امنعج من الطلعة واكطع عليج المصرف لا عبالج اني ما اعرف بشنو تفكرين و شسوين تره اندمج والله
... اني بنية جبيرة ممحتاجة أخذ الإذن علمود اطلع ولا محتاجة فلوس لان باجر رح ابدي بشغلي وعلساس شلون انتي مغركتني بالفلوس لتخليني احجي لخاطر الله
ماما : انتي شبيج ليش متكولين الحمدلله ليش مقابله على اي شي عالم ما عدها مكان تكعد بي وانتي جاي تتبطرين عليه عبالك بت الوزير
باعي لج تقبلين بعادل غصباً ما عليج مناقصني فضيحه تجيني
تالي عمري 
حجيت بصوت ناصي ماما لتحجين هيج حبابة
ماما بصياح : انجبي
ماشي موافقة بس مو هسة  عود بعد فترة حجيتها بس اريد اسكتها النقاش وياها عقيم 
ماما : ليش يمه شعندج مو هسه
... ماما شبيج غير اتعرف بي اصخمه شنو كله كبل تردين وين كاعدين بزمن الجاهليه
ماما : ماشي .. يلة روحي اكلي علمود تحضرين نفسج