البارت 7
من حجيت ويه رفل واعترفتلي هي هم جانت تحبني تمنيت اطير على كد السعاده الاني بيها
كامت من يمي كمت وياهه وسحبتها انردمت بصدري وهيجت نيران گلبي اللي جنت ساد الباب عليها
باوعت بعيونها اوووف اسكر وادوخ حد الثماله بنضرتهن
مديت ايدي ورفعت راسها وسحبت شفايفها وگطعتهن حد ما انگطع الهوى عنا
ولا مهتم بمدافعها او كلامها او احد يجي ويشوفنا
وخرت عنها وضليت صافن بعيونها بعدين هي ضربتني راجدي وحجت
اني صح احبك بس كلشي ولاتتعدى حدك
حبيتك ولا فد يوم حسستك ولا كتلك من اني بنيه تريد هسه من متزوجه اجي وياك واحب وانحب
عندي سمعتي وسمعه اهلي فوگ گلبي
عافتني وراحت للغرفه وهي تبجي اني محجيت ولا كلمه
طلعت من البيت رحت لجماعتي حتى بلكت شوي التهي وانسى بقيت كاعد يمهم لل30_1بليل خابروني اهلي كتلهم ابات يم صاحبي لحو عليه ارجع بس موافقت لان ماريد اشوف رفل ولا تشوفني
رجعت ب10 الصبح للبيت لكيت امي وابوي طالعين وبس مروه واخواني موجودين سألت على رفل گالولي راحت خابرت على رجلها يجي ياخذها بس كال عنده شغل كللها ابقي اليوم كامت خابرت اخوها يجي ياخذها واجه اخذها من غبشه منعرف شبيها البارحه بليل بس ضايجه وشفتها تبجي من سالتها شبيج كلتي اتمنى يصير عندي طفل لان جزعت من تصرفات العالم وياي والصبح من راحت جانت كلش ضايجه
عفت اخواني ورجعت طلعت من البيت خابرت محمد سلمت عليه وسألته عن رفل هم وصلت كلي لا لسه موصلت انهيت الحديث وياه وسديت التليفون
رفل من حاجاني علي واني مقهوره وابجي صح احبه بس موهيج اني متزوجه ومايوم جنت مفكره ومقارنه بين زوجي وعلي
زين ليش توه حجه ليش هسه اعترفلي بمشاعره
خابرت محمد من اليل كتله تعال الصبح اخذني مقبل بحجه شغل
گتله هو اهمالك هذا الوصلني لهيج مرحله
خابرت اخوي الصغير اجه اخذني ورحت لبيت اهلي بقيت يوم وثاني يوم اجه عليه محمد واخذني لبيتي
بعدمرور 3ايام خابرتني مروه سلمت عليه وسئلتني على وضعي وليش هيج ضايجه من جنت عدهم
گدرت اتهرب من الاجابه عليها شويه وسمعت صوت مصطفى يحجي
هلوو شلونج رفوله
هلووو مصيفي شلونك
الحمد لله انتي شخبارج
تمام
شدعوه هيج رحتي من الصبح لو تردين ترحين جان انتضرتي لمن اكعد واني اخذج
لا خويه ماريد ازحمك خابرت لؤي اجه اخذني
اوكي هسه المهم انتي بخير
اي الحمد لله معندي شي
هذا علي وياج
(😟😟😟)
هذا شيريد بالله
الووو
هلا خويه تفضل
هلو رفل شلونج
زينه
شدعوه هيج رحتي من الصبح ماشفناج
لا احسن وراي بيت وزوج ومسؤليه.
اهااااا ؟؟؟؟
ااااااااي
خوش مع السلامه
مع السلامه
(تسريع للاحداث)
مر شهر وسمعت من امي يردون يرحون مشيه يخطبون لعلي بنت خاله
ووره فتره سمعت من محمد عاقد ووره 6اشهر يتزوجون
مرت سته اشهر اني مارحت لبيت عمي ولاهم اجونه ولا صادفت علي باي وسيله اسمع محمد يخابره بس بين فترات طويله
اني حاولت انسه علي والحجاه مكدرت
وبداخلي كلما اذكر شحجه وشلون باسني استشط غضب
علي "
بعد ماخابرت رفل واتاكدت بعد متريدني وتحبني ومقهوره مني
حاجيت صاحبتي علفيس كتلها اجي اخطبج ورفضت مقبلت تكول ماريد اتزوج هسه بعد وكت تركتها
ورحت على امي كتلها اخطبيلي راحت على بنت اخوها خطبتها الي وانطونياهه شرط بيت وحدهه على اساس احنه عائله جبيره واخوتي كبار متاخذ راحتها وافقو اهلي اني رفضت وبلتقنع وافقت
مشينه عليهم وعقدنه ووره 6اشهر اتقرر زواجنه بس كل هالفتره مسمعت شي عن رفل او محاولت اسمع يخابرني محمد كل فتره بس اني ولا مره خابرته خاف يطلع بلبيت ورفل ترد عليه فجنت متجنبها كلش
ااااااالى ان بيوم دخول الامريكان
