الصراخ

الحلقة تاسعة

سلامة: اركبي
رؤيا :استاذ منقدرش
سلامة بلعياك: قلت لر.... اركبي
رؤيا خايفة: اوك
ركبت و السكوت كان سيد الموقف مشى مدة ساعة حتى لحقو لبلاسة بعيدة توال لبحر هبط و لحقاتو
رؤيا : استاذ علاش جبتني هنا ظرك يتقلقو علي والديا و خويا
سلامة: بدا يقدم ليها و يحكي اشششش ما تقولي والو حتى لصقها فطوموبيل و قرب لوجهها و يحكي : علابالك من نهار شفتك خيالك مراحش من عيني صوتك في وذني منرقدش نبات نخمم فيك ديمة نتي بين عينيا نهار ضربتك بطوموبيل و ديتك لسبيطار نهار دخلت للقسم عندي عشقتك من اول نهار
منحبش لي يحكي معاك منحبش لي يخزر فيك منيش حاب نخسرك و نتي رح تتخطبي؟ تخليني؟ تقتليني بلحياة؟؟
رؤيا داهشة من واش سامعة و قلبها طاير بلفرحة مي كلمة الخطبة حارت مين جاب لفكرة هادي
سلامة : جاوبيني متخلينيش هك تعيشي حبي
رؤيا: حتى انا نحبك نحبك نموت عليك وونعشق فيك كنت نستناك غير تحكي حسبت عندك حبيبتك مقدرتش نصارحك كنت كل يوم نتألم و نتا بعيد حبيبي
سلامة طار بلفرحة كي قالت له هك
قالها : شكون رح يخطبك؟
رؤيا: حتى واحد منيش رايحة نتخطب شكون قالك هك؟
سلامة: سفيان و ليان
رؤيا : هههه يكذبو عليك
سلامة : يا ربي مزية كذبتهم جابتك ليا سينون راني قتلتهم بين زوج
جوزو داك نهار مع بعض تحواس و تمعشيق و حب و لعشية وصلها قربب لدار هي هابطة
..... يتبع.....